هو انا هنا ليه بجد😂😂 معرفش انا ازاي جيت هنا بس الي اعرفوا أني معنديش اي اختيارات تاني اققدر اعملها عملت كتير و حاولت كتير و منفعش اتمني لو حد يمسك بأيدي و يرجعني تاني
اولا أنا في حياتي بكم عدم اراده غير طبيعي انا في ثانيه عامه السنه ديه مش شهاده و خايفه ييجي اليوم الي هبقا في تالته ثانوي و اكون بنفس شخصيتي ديه
انا كل حاجه عندي و ربنا مديني مواهب كتير جدا بس انا مش بستغلها بل بالعكس برفض أيديه اوقات
في ابلكيشن مسيطر عليا علي الموبايل مخليني مش قادره اتنفس كل مره احذف و اققول مش هرجع تاني و اخر مره الاقيني رجعت تاني ايدي بتاكلني وده بيخليني اخسر نفسي و اني مليش كلمه علي نفسي
كلوا بايظ في حياتي دلوقتي حاولت أني أطور و فعلا ابتديت اعمل لنفسي improving بس لول يجدعان رجعت تاني لنقطه الصفر حياتي الدراسيه و حياتي مع اهلي بابا بيحبني جدا بس انا مش بعمل حاجه تفرحوا بيا معنديش غيره و هو موفرلي كل حاجه بس انا في المقابل قاعده اخسر نفسي في كل يوم بيعدي
لدرجه اني بشوف نفسي ساعات الي هو انا ازاي كده
معرفش انا مالي بس الي اعرفوا أني بخسر نفسي و بقيت مروحش المدرسه و انام عشان بخاف أواجه الحياه ديه
بصي يا ستي لايغير الله ما بقوم حتي يغيروا ما أنفسهم يعني نظمي وقتك صح وتعملي جدول حلو وصحبه همته عليا وبخصوص الموضوع التاني حاولي تسيبي تليفونك وتمسكي تليفون بزراير هيساعدك كتير اوعي تسيبي الصلاه مهما حصل اوعي تيأسي من رحمه ربنا زودي طاعات كتير صلاه في مواعيدها تسبيح استغفار صلاه علي النبي الدعاء في كل سجده ويا سلام لو تقضي بس نص ساعه قبل صلاه الفجر في القيام وبعدين تنامي وجهادي نفسك و ربنا هيكون معاكي والله وهبعتلك المدد دائما خدي بالاسباب واتواصلي مع جروب واعي علي فيس واليوتيوب خشي الاول اعرفي عنهم اليوتيوب واعرفي ازاي بتشتركي الجروب الخاصه علي تليجرام وأسأل الله أن يفرج همك ويحصن فرجك ويطهر قلبك وان يرزقك الثبات في الأمر والعزيمه علي الرشد
تم النشر الاثنين، ٣٠ أكتوبر ٢٠٢٣
بالعكس روحي مدرستك واجتهدي فيها واختلط بالناس وكلمى اصحابك واخرجوا وممكن تحاولى تبنى عادة جديدة ومتقدعيش فى اوضتك وحدك واقعدى مع عائلتك كنت بعمل زيك قبل كده بس غلط جدا وبتأذى نفسك كل يوم حاولى تحسنى من نفسك وتبنى حاجة جديدة ومفيدة وإذا كان على التطبيق السئ ممكن تمسحيه وتملى فراغك بحيث انك متفكريش فيه تاني ولو حصل وضعفتى قدام نفسك وفتحتيه ممكن تستغفرى ربنا ومرة فى مرة هتتخلصى منه إن شاء الله
تم النشر الاثنين، ٣٠ أكتوبر ٢٠٢٣
هاي عامله ايه انا كمان عندي ٢٢ سنه و لسه بمر بفتره زي دي لسه بحس اني معملتش حاجه جامده يعني بس دا مدخل للشيطان رهيب علي فكره طالما احنا بنحاول و كدا خلاص احنا في السليم الشيطان دايما بيقنعك انك لازم تكوني يا واو اوي و بيرفيكت يا متعمليش حاجه بجد متبطليش محاوله متيسأيش من نفسك انا نفسي حياتي اتغيرت اما انا قررت اغيرها و دلوقتي فتره صعبه و رجعت تاني لنقطه رخمه مش للصفر بس دي الحقيقه انا مش في احسن version ليا بس الحقيقه اني لسه بحاول حتي لو بقع كتير احنا صغيرين يا بنتي العالم اللي مديكي انك لازم تكوني في سباق سباق مرعب سباق رخم اعملي اللي عليكي حاولي تعيشي فعلا و شيلي من دماغك الاوهام دي كمان عايزه اقولك مش لازم كلنا نكون productive دا وهم باعهولنا المجتمع عادي اما متحققيش حاجات كتير كفايه انك تكوني عارفه تعيشي حياتك براحه و هدوء و حب و حنان انتي بنت مش ملزمه بكل الصراعات دي اصلا !
تم النشر الاثنين، ٣٠ أكتوبر ٢٠٢٣
هو فعلاً تحفه 🥰🥰+ انا و انتي إن شاء الله 🥰🥰🥰🥰🥰
تم النشر السبت، ١٨ نوفمبر ٢٠٢٣
أولا م ضوع العجل جميل جدا ممكن كل ويك أند مش هيضر ساعتين أو تلاته يضيعو فى حاجه حلوة بنحبها.. العفو يا جميله مفيش حاجه إسمها مشكله تافهه لأن المشاكل إحنا كبشر بنستقبلها بدرجات متفاوته.... وأنا مبسوطه آوى إن كلامى فرق معاكى وبإذن الله هتبقى كويسه ربنا يسعدك يا حبيبتى 😍😍😍
تم النشر الأحد، ٥ نوفمبر ٢٠٢٣
فيه جمله عجبتني جدا و هي عادي الغلط انك توقف محاولات الهروب فعلاً مش حل ... وانا واجهه الموضوع ده تاني امبارح و قررت اني هقفلوا خالص بقدر مع عندي لو رجعت تاني هرجع مش مشكله بس المهم اني حاولت ..الله شايف كل المحاولات ديه و هيساعدني..انا في الاجازه كنت بسبب الموبايل خالص لان وقتي كان مشغول و بعمل حاجات كتير و منتجه بس دلوقتي عشان شايفه بس كلوا مذاكره و السنه الي فاتت كنت بحب اوي موضوع العجل و ناس تعرف بعض بتبقا حلوه اووي بس هل ده في الاجازه بس ولا كمان في الدراسه ؟ ++ شكراً لحضرتك عشان انا لما نزلت البوست ده كنت بشوف الناس و هي منزله مشاكلها و حضرتك بتردي و ناس تانيه و قولت لنفسي ايه ده ديه مشكله تافهه محدش هيرد و حضرنك ساعدتيني فعلاً كل كلمه حضرتك قولتيها هكتبها قدامي علي مكتبي و هعرف اني هخسر حاجات بحبها دلوقتي عشان يجيلي أضعاف منها لما اكبر
تم النشر السبت، ٤ نوفمبر ٢٠٢٣
صغير آوى لسه على كل ده... براحه... كلنا عشنا الفترة ديه هتعدى... متبطليش تحاولى... عآدى جدا إحنا بشر والانسان خطاء بنروح ونيجى عآدى... المهم ومتبقاش عارف إنك غلط وتفضل تكمل ومتحاولش ترجع... اختلط بناس مجتمع المدرسه بيلهى كتير فكر كتير فى امكانياتك أللى مش عارف تستغلها صح... هيجيلك شغف وتهبط تأنى... عااادى الغلط إنك توقف محاولات... الهروب من الحياه مش حل ولازم قدرتك على المواجهه تكبر كل ما تكبر عشان مشاكل الحياه كتير ومتفاوته ولازم تكون مؤهل إنك تتعامل معاها لازم تتعامل وتواجه.... أنا مش عارفه اقولك إيه بس اخرج من الجو أللى إنت فيه وافصل مممم فى صفحه إسمها يلا عجله بيعملوا تجمعات كل ويك أند.... ممكن تكسر روتين..... أعرف ناس جديده.... راجع أصدقاءك لو حد بيخليك نبقى فى الحاله ديه تجنبه... ربنا يصلح لك الحال وبإذن الله هتبقى كويس وامورك بخير
تم النشر الاثنين، ٣٠ أكتوبر ٢٠٢٣
لعرض السؤال في فدني اضغط هنا