انا 18 سنه، بكره اهلي جدا ومش عايز احبهم ولا عايز اصلح اي حاجة كل الي عايزه اني ابعد عنهم واعيش لوحدي لوحدي (وطبعا ده صعب فظل الظروف الي بتمر بيها البلد ولاني شخص كسوف وعمري مجربت اشتغل فهعاني) لو فضلت من هنا لسنه قدام اوصف قد اي انا بكرهم مش هكفي واكتر واحد بكرهه في حياتي هو ابويا، ابويا الي عمري مكرهت حد زيه (عارف ان في ناس هتشتم وناس هتتريق وتشوفني عيل مستحقش الحياة، انا حتي بكره المجتمع الghبي ده الي بيدي اعذار ومبررات وهو لا عارف ولا عايش علشان مجرد اسمه ابويا او انه راجل وهي ست او او) انا عمري معتبرته اب ليا هو مجرد اسم علي البطاقة وفشهادة الميلاد فشهادة الميلااااد بس بس..
نفسي اتبرا منهم ويتبروا مني علشان مكنش مجبور اني ابرهم ده الذنب الوحيد الي مش عارف اعالجه مش قادر اعاملهم كويس ولا قادر احبهم ولا اطعهم مش حاببهم ومش طايقهم وكل يوم كرهي بيزيد عن الي قبله.. اعمل اي؟ انا تعبت من حياتي وعيشتي ولو فضلت علي كدا لا هكسب دنيا ولا آخره
اسهل حاجة بتتعمل فى السن اللى انت فيه ومن قبله كمان انك تكون مش عاجبك الحال وفى نفس الوقت مش عارف انت تغير الحال ده لحال افضل .فبالتالى اسهل حاجة نشوف اللى حوالينا الجزء بتاعهم من الغلط ايه ونتكلم على الجزء ده وبس ونلعن الظروف والدنيا والناس . ايوه طب وبعدين . هقولك الكلام اللى غالبا مش هيعجبك بس هو الحقيقة ......ابوك حتى لو مقصر بس هو اللى رباك ووفرلك الامان المادى والبيت واللبس اللى يخليك دلوقتى لمجرد انك جربت فى مسئوليات بسيطة ( مش بيت وعيال ومصاريف ) تقول لا الموضوع صعب اوى ومش هعرف اعمله لوحدى وهتخنق من مواقف اتحط فيها . هقولك يا سيدى تعالى نعتبر انك كبرت لقيت ان مفيش اب اصلا ....كنت هتدخل فى نفس المبررات ...ما انا لو كان ليا اب كان علمنى وفهمنى ..انا غصب عنى اللى ربتنى امى ودى بردوا ست ...هتلاقى لنفسك اى حجة تريح بيها نفسك انت . اللى عاوز يعمل حاجة يا ابنى بيعملها ...عاوز تبقى راجل انزل اشتغل فى الاجازة وفى ناس شغالين من اعدادى ومعندهومش رفاهية اصل الثانوية ضغط ومذاكرة ويقدر يسيب شغل ومسئوليه ..بيعملوا كل حاجة ومبيتحججوش ..لانهم ببساطة لو قعدوا يصيحوا وخلاص مش هيلاقوا اكل فى البيت . لكن حضرتك كافة احتياجاتك متوفره من الراجل اللى انت شايفه كسول ومقصر ...لما تقدر تعمل اللى بيعمله يا ابنى فى نفس الزمن ده ابقى اقف وحاكمه . بتكرههم اوك مفيش مشكله خالص ....مش مطلوب تحبهم ..مطلوب تكون بس ابن محترم وتراعى طلباتهم وتستحملهم متحبهومش ..بس حب ربنا اللى انعم عليك نعم ...انت مش حاسسها دلوقتى وشيطانك قاعد يوريك بس النواقص ومخليك فى ضنك يارب تحس النعمه قبل ما تروح منك يارب اللى ناقص منك يا سيدى خده من اى حد تانى غير ابوك ..شوف اى حد زى الشيخ بتاعك واعتبره اب وخليه قدوه ليك واطلب منه يعلمك الاداب والاصول والرجوله اللى انت مفتقدهم . مش كل حاجة بيعرف الاب والام يوفروها ( ومع ذلك مكانتهم محفوظة ) فاللى مقدروش عليه بسبب قلة ثقافه ولا قلة حيلة ولا قلة طاقة ومحدودية تفكير ...اتفضل الدنيا واسعه وفيها طرق كتير تتعلم منها . وابقى حب اللى هيعلمك عادى جدا واشعر ناحيته بالفضل اللى مش قادر تحسه لاهلك.
تم النشر الأحد، ١٨ فبراير ٢٠٢٤
بص انا عندي وجه نظر مختلفه.. لان حاسه بيك و بمشاعرك و عارفه كويس نوعيه النار اللي بتحرق فيك من الداخل تجاه اهلك مش هقولك ان مريت بظروفك بس مريت بنوعيه مشابها و باءذن الله اقدر اساعدك ف ممكن تديلي شويه بيانات علشان اقدر اساعدك لو حابب قول اسالك كام سؤال و اشخص حالتك
تم النشر السبت، ١٧ فبراير ٢٠٢٤
انا معرفش ليه كرهك ليهم كدا يمكن مواقف او معاملتهم عموماً مهما كان دول اهلك حتى لو بيعاملوك وحش لازم ترد عليهم بالحلو معلش كلها سنين و تتخرج من الكليه و تتجوز و يبقا ليك بيت بس بردو متقاطعهمش زورهم من وقت للتاني عشان دول اهلك مهما كانو و بدرو في نقطه معينه عايزه اوضحها طالما انت ١٨ سنه حاول تتعامل و تشتغل عشان ١٨ سنه يعني راجل المفروض يعتمد ع نفسو عشان بعد كدا يفتح بيت و أسره كويسه لو عايز تجيب بيت ليك لازم تشتغل في كذا شغل اسستنت مدرس مثلا أو ف كافيه اي حاجه تكسب منها فلوس و تعرف تحوش منها متعتمدش ع اهلك طول العمر كدا عمرك مهتفتح بيت مينفعش تبقا عايز حاجه معينه و انت قاعد ف مكانك مبتسعاش اسعى يا عبد ونا اسعى معاك يعني انزل و اشتغل حوش فلوس تجيب بيها بيت و اقعد بعيد عنهم بس متقاطعهمش بردو يوم زياره ف الأسبوع مش هيضر حتى لو كرهك ليهم ازيد من عدوك بس زورهم و برهم لما تيجب بيت إن شاء الله ادخلهم وقتها ب فاكهه حتى انت بتقول مبتشتغلش يعني هم اللي بيأكلوك و يشربوك و يعلموك ف لازم تردلهم دا مهما كانت معاملتهم ليك
تم النشر الجمعة، ١٦ فبراير ٢٠٢٤
انت عمتا عارف واجبات الاهل فأنا مش هقول لك أرضى و اعمل و سوي بس هقولك أنت مخترتش أهلك بس فأيدك أختيار الأنت عايز تعمله و العايز تبقى فيه أشتغل على نفسك و ركز على نفسك انت قولت انك خجول تعامل مع الناس و اكسر الخجل ده و أشتغل و أعتمد على نفسك لان ده هيغير فيك و جزي كبير من كرهك ليهم هتشغل بداله الشغل
تم النشر الجمعة، ١٦ فبراير ٢٠٢٤
للاسف النجاح بيتبع بر الوالدين
تم النشر الجمعة، ١٦ فبراير ٢٠٢٤
اشتغل وادرس يومك هيبقي زحمه مش هيبقي عندك وقت
تم النشر الأحد، ١٨ فبراير ٢٠٢٤
ردي علي سؤالك لي بتقول كده؟
تم النشر الأحد، ١٨ فبراير ٢٠٢٤
لا مانا برده زيك والهي وببكي من قلبي وعيني والمشكلة أن محدش فهمنا ودائما الغلط علينا حتي لو فكرنا في الهروب
تم النشر الأحد، ١٨ فبراير ٢٠٢٤
اولا انصحك عن تجربه عارفه أن المشاكل دي بتأثر فيك بس انت لازم تضرب الدنيا بالجزمه وتبدأ تعتمد علي نفسك أولا تدور علي شغل (خايف من البشر والتعامل معاهم انت ال بتحدد ازي بتعملوا معاك ابدا حط حدود في كل حاجه حد اتريق عليك واجه بصرامه وجديده لو سمحت متتكلمش معايه بالطريقه دي مستجبش قل من كرامته وهزق ال جابوه متسكتش لحد دافع عن حقوقك وعن نفسك )معلومه انت بتعاني من عقدة السلبي اللطيف والخضوع اقرا كتاب عقدك النفسيه سجنك الابدي ال غير حياتي وفعلا عملت حدود ايوا اتعرضت لمشاكل بس لازم تعرف أن ديما في أي طريق مشاكل وصعوبات بس قول انا مش هستسلم انا قدها ،والاهم انك تضرب كلام الناس واي كلام بالجزمه هتنجح هتفشل هتقعد في حالك بردو هيتكلمو بس انت الوحيد ال هيكون ضحيه لو سمعتهم وكلامهم اثر فيك اوعى ثم اوعك تعمل خاطر لحد لو جاه علي حدودك ،والعب رياضه لأن بتساعد على زيادة ثقتك بنفسك والاعتماد عليها ،وفي الشغل متسمحش لحد يجي عليك مفيهاش عيب لو قلت لا لو خارج عن حدود عملك أو زياده في عملك أو حاجه انت مش عايزها ،صدقني انت /ي فيكي شخصيه بس محتاجه جهد علشان تظهر ومفيش شخصيه من غير حدود ودي الأهم بالله،وعادي من شغل لشغل وكنت بتهزق كمان بس اتعلمت أن مينفعش حد مهما كان يقل مني غلط صلحت عليكي واعتزرت نتقبل علي عيني مش هتقبل هتتطر تقل من ال قدامك متسمحش لحد يقولك كلمه مش عجبتك وتسكت "في حالة الشغل والخوف من التعامل" ودصدقني هتوصل وتقول اني قولتها مهو ال نجاح بيجي من الفشل ، وان لم تعش اسداا أكلتك الذئاب.
تم النشر السبت، ١٧ فبراير ٢٠٢٤
لو شايفة اهل ثقة واهل علم متترددش وقولة الموضوع دا يكون سري ما بينا
تم النشر السبت، ١٧ فبراير ٢٠٢٤
الحكم على تصرفاتهم مينفعش يكون حكمك انت او حكمهم هم استشير في اخر مواقف ما بينكم حد يكون فاهم الدين بلاش تختار المواقف استشير في اخر تلات مشاكل حصلت بينكم .. وشوف الرد هيكون ايه .. لو انت اللي مخطئ تبقي عرفت انك محتاج تتغير .. ولو هم اللي مخطئين برهم واعتبر ان دا اختبار ليك او ابتلاء لو قدرت تعدي منه هتكون كسبت الدنيا والآخرة
تم النشر السبت، ١٧ فبراير ٢٠٢٤
@samar اكيد اتفضلي اسألي
تم النشر الجمعة، ١٦ فبراير ٢٠٢٤
هو السن ده بيبقي فيه مشاكل مع الاهل وبتحس انك كبير وعايز تستقل وتعتمد علي نفسك بس الفلوس هيا الي بتوقفك بس هيا فترة صعبة لكن هتعدي بإذن الله وتكون كسبت رضاهم ف الدنيا والجنة ف الاخرة ، رضا الوالدين اساس التوفيق والنجاح من غيرهم رضاهم مش هتنجح ، بس علشاان تعدي الفترة دي حاول انك قلل احتكاك بيهم ع قد م تقدر دراسة او شغل حتى لو سوبرماركت محل موبيلات اي حاجه كبداية الشغل مش عيب ، وصلي ف المسجد علشان تتعرف ع صحبة صالحة وتكون عون ليك
تم النشر الجمعة، ١٦ فبراير ٢٠٢٤
عمري مدافعت عن نفسي من وانا صغير، تفتكري هعرف دلوقتي؟ ولو عرفت باخد علي دماغي بردوه
تم النشر السبت، ١٧ فبراير ٢٠٢٤
متردد فإني استشير شيخ المسجد رغم اني علاقتي بيه كويسه وبحكيله عن كذا مشكلة بتواجهني لكن المشكلة دي خصوصا متردد جدا ومكسوف فنفس الوقت
تم النشر السبت، ١٧ فبراير ٢٠٢٤
لي بتقول كدا؟؟
تم النشر السبت، ١٧ فبراير ٢٠٢٤
انت حابب تعيش الدور ده وحاطط نفسك في دايرة الكره والحزن والاكتئاب والطاقة السلبية...انت مختار الطريق ..
تم النشر الجمعة، ١٦ فبراير ٢٠٢٤
انت طبيعى هتفشل و هتلاقى ده صعب بس صعب فى البداية لما تشغل نفسك فى شئ هتبقى أفضل نفسبا بكثير و هتخرج بالتدريج من مشاكل أهلك و هتتغير و جهة نظرك بالنسبة لحاجات كثير بس فكر انهى اصعب بالنسبة لك انك تستحمل أهلك او انك تحاول تتغير و تخرج من المحيط الأنت فيه
تم النشر الجمعة، ١٦ فبراير ٢٠٢٤
الأمر صعب بحاول اني اشتغل علي نفسي بس بفشل وبسببب المشاكل والضغط فبهرب
تم النشر الجمعة، ١٦ فبراير ٢٠٢٤
العيب مش فالسن احنا من زمان علي كدا بس اتخنقت مش كفايا عليا ضغط الثانوية لا وهما كمان حياتنا بقت صعبه ومقرفه وهما مش راضيين يفوقوا من الي هما فيه ولا راضين يفيروا حياتهم.. نفسي اشتغل بس مش عارف معنديش الجرأة اني انزل اسال وادور ولا الجراة اني اتعامل مع الناس بخاف من كل حاجة وبخاف اغلط حد يزعقلي او اي حاجة
تم النشر الجمعة، ١٦ فبراير ٢٠٢٤
الحمد لله انا بحاول استقيم والبر هو الفرض الوحيد الي صعب اعمله جربت كذا مره اني اهدي وابرهم علشان ربنا بس معرفتش ،انا مش طايق ابوص فوشهم ولا اسمع صوتهم حتي
تم النشر الجمعة، ١٦ فبراير ٢٠٢٤
حاول علي قد متقدر /ي انك تحولي ممكن تغظب منهم احيانا كتير بس فكر وافتكر أنهم ربوك وقت مكنت بيبي صغير مبعرفش حاجه في الدنيا وكانو رحماء بيك مهما كان و قرب اكتر من ربنا هو اكتر حاجه حلوه وجميله في الدنيا
تم النشر الخميس، ١٥ فبراير ٢٠٢٤
اهدي ووحدي الله اولا الأهل تصرفتهم ال ممكن تزعلك بتكون نتيجه معامله من اهلهم زمان ونتيجة عقد انصحك جدا أنك تحاولي تشغلي لأن دا ليساعد علي الاعتماد علي الذات وحبهم حتي لو كرهوك افتكر اي لحظه حلوه في حياتك
تم النشر الخميس، ١٥ فبراير ٢٠٢٤
لعرض السؤال في فدني اضغط هنا