انا دائما حاسه اني فشله معنديش ثقه خالص دايما بخس أن محدش بيحبني كلو بيجرحني
عايزه انتحر كل يوم ببقا عايزه انتحر أو أعور نفسي حاسه اني معنديش أصحاب كلهم مصالح و مستوى وحش ماما ديما تزعقلي
فى مقولة أنا سمعتها كانت من الأسباب اللس خلتني أعرف ابص لنفسي من غير ما أكون قدام مرايا (أنت مش أفكارك أنت حرية اختيارك لأفكارك أنت مش صوتك الداخلي أنت اللي سامع صوتك الداخلي كده فى اتنين واحد بيتكلم و واحد مستمع أنت المستمع تقولوا يكمل كلام فى أى و يبطل كلام فى أى ، أصلح واحد فينا ممكن تيجيلوا اسوء الأفكار لكن إيه بيخليه أصلح واحد فينا ؟). هسيبك أنتي تجاوبي على السؤال ده هقولك برضوا على حاجه خلتني أفرح أني واحد احتاجني علشان مصلحتوا و أني عندي صحاب مصالح (حوائجُ الناس مقضية مقضية ولكن عندما يختارك الله لتكون سببًا في قضائها فهذا فضلٌ منه؛ وأفضل الناس عند الله شخص تُقضى على يدهِ للناس حاجات) اللي فات ده المفترض أنو رد على كلو ما عدا نقطة والدتك. أنا أقدر أنصحك إنك تتكلمي معاها و تفهميها إنك بتزعلي من كذه و كذه و نفسك تعملي معاها كذه و كذه و هيا أكيد هتتقبل الكلام بس حاولي تختاري وقت تكون هيا مبسوطه و مفيش حد جنبكوا . وبس.
تم النشر الخميس، ٢٩ يونيو ٢٠٢٣
السلام عليكم ورحمة الله وبركاته. أول حاجة.. ربنا يشفيكي ويفك كربك يارب ثاني حاجة.. متخافيش اللي بتمري بيه ده تجربة طبيعية وبشرية عادية وبالعكس ممكن تمري بيها كزا مرة فى حياتك! ده مش إحباط ده مجرد بفهمك إن ده عادي وافتكري دائماً إذا أحب الله عبداً ابتلاه وربنا مع الصابرين.. الصبر فى مرحلتك ده مهم ولو مكانش ليكي لازمة وكنتي فاشلة فعلاً مكانش ربنا خلقك ربنا خالق كل حاجة وكل حد لسبب مش من فضا! انتي مخلوقة عشان هيبقى ليكي دور فى المجتمع زيك زي أي حد وليكي أهمية، وصدقيني الإنتحار والأذى الذاتي مش حل.. أنا عارفة الرغبة بتاعتك بس جسمك ده أمانة عند ربنا وأنا مش عايزاكي تضيعي حياتك وتتحاسبي أو تموتي كافرة بعد كل تعبك فالعبادة وبعد كل ثانية عملتي فيها عبادة اللي انتي فيه ده طبيعي ﴿لقد خلقنا الإنسان فى كبد﴾ هتلاقي الحياة دائماً طلوع ونزول فترات حلوة وفترات وحشة حلو ومر ضلمة ونور من غير الحزن مكانش هيبقى فى سعادة ولا كان هيبقى ليها معنى ومن غير السعادة مكانش هيبقر فى حزن اللي بيخلي فى معنى لرحلتنا فى الحياة ويخلي الجنة تستاهل ماهو كان ممكن ربنا يدخلنا كلنا الجنة علطول من غير حاجة ولكن الفكرة إنه بيختبر صبرك ويمكن سبب الإتبلاء اللي انتي فيه عشان ترجعيله أو تتوبي أو تذكريه وبالنسبة لصحابك اقطعي علاقتك بيهم فى أقرب وقت لو انتي متأكدة ١٠٠٪ إنهم بتوع مصالح وصحاب مش حقيقيين ومش بيحبوكي فعلاً صدقيني لما تقطعي العلاقات السامة من دلوقتي هترتاحي بعدين وصدقيني هتنسيهم الزمن هيثبتلك.. حتى لو متعلقة بيهم هتنسيهم المهم بعد ما تقطعي العلاقة تحاولي تشيلي الحاجات اللي بتفكرك بيهم وابدأي صافي بعلاقة متجددة مع ربنا وشيلتي كل العلاقات السامة واللي مش كويسة وبالنسبة لمامتك حاولي تتكلمي معاها وتدعي ربنا وتصلي قيام الليل أو تقولي لحد من قرايبك أو حد كبير يناقش مامتك فالموضوع وانتي حاولي على قد ما تقدري تستحمليها يمكن تكون هى السبب إنك تخشي الجنة والجنة تستاهل صدقيني.. لو شايفة إن محدش مهتم بحالتك أنا مهتمة ومش عايزة أي حد أعرفه أو معرفهوش يكون عايز يهدر حياته بسبب مرحلة وحزبة زمنية ليها نهاية زي الإكتئاب ماهى هتروح كله بيعدي مفيش حاجة من المشاعر هتدوم معاكي وتلازم باقي العمر علطول فى تنوع وإختلاف فى مشاعرك والحاجات اللي هتقابليها وابدأي اهتمي بنفسك وبعلاقتك مع ربنا وعلاقنك مع أهلك وبعدها ابدأي دوري على صحاب جداد الناس فى كل حتة وموجودين ولو عايزة مثلاً تتعلمي مهارة جديدة اتعلمي مع نفسك عاليوتيوب أو خدي كورسات فى كورسات أسعارها بتبقى معقولة وكويسة أو لو مثلاً عايزة تحافظي على عادة كويسة اعمليها ولو لمدة دقيقة كل يوم لو مثلاً عايزة تتعودي على القراءة اقرأي صفحة كل يوم يا ستي عشان بس دماغك يتأقلم على كدة وابدأي زودي فالتدريج وهكذا وربنا معاكي إن شاء الله متستسلميش لحتة زلطة اتزحلقتي ووقعتي منها فى طريقك ورحلتك
تم النشر السبت، ١ يوليو ٢٠٢٣
امتى ابتديتي تحسي بانك فاشلة؟ وليه شايفة ان محدش بيحبك والكل بيجرحك؟ وعلاقتك بماما عامله ازاي؟
تم النشر السبت، ١ يوليو ٢٠٢٣
أنا آسفة لسماع ذلك. يبدو أنك تعانين من اكتئاب شديد ونقص في الثقة بالنفس والشعور بالوحدة. هذه مشاعر صعبة للغاية ولكن يمكن التغلب عليها. هناك عدة أشياء يمكنك فعلها: 1. تحدثي إلى أحد ممن تثقين بهم عن مشاعرك. قد يكون أحد أفراد الأسرة أو صديقة مقربة. الحديث عن المشاعر يساعد على الشعور بالراحة. 2. اطلبي المساعدة المهنية من معالج نفسي. يمكنهم تقديم الدعم والإرشاد لمساعدتك على معالجة مشاعرك وبناء ثقتك بنفسك. 3. قومي بأنشطة تحبينها وتجعلك تشعرين بالسعادة مثل القراءة أو الرسم أو ممارسة الرياضة. هذا يساعد على تحسين مزاجك وتقليل الشعور بالوحدة. 4. كوني صبورة مع نفسك. ستحتاجين الوقت للشفاء والتعافي. لا تنتقدي نفسك بشدة بل كوني لطيفة وداعمة لها. 5. تجنبي المقارنة بينك وبين الآخرين. كل شخص لديه مساره الخاص في الحياة. ركزي على نفسك وما تريدين تحقيقه. أتمنى لك الشفاء العاجل. تذكري أن هذه مجرد مرحلة مؤقتة وستمر. وإذا كنت تفكرين في الانتحار، فاطلبي المساعدة الطبية الفورية. هناك أشخاص يريدون مساعدتك. حياتك ثمينة.
تم النشر الجمعة، ٣٠ يونيو ٢٠٢٣
على قد ما تفشلى وتقومى على قد ما هتنجحى والتجارب تعلمك وتوريكى مين معاكى بجد ومين لا انت مش فاشله انت بس لسه مش محدده هدف ليكى فى الحياه تايه ومش عارفه عايزه ايه اصنعى لنفسك هدف هتحبى حياتك وقتها علشان تسعى فى تحقيقه وهتنسى فكره الانتحار خاليكى مسؤله عن حلم عن هدف عن اشخاص عن ايه حاجه بس تحسسك انك لو غبتى العالم ممكن يقف عليكى اصنعى حلمك وهدفك ربنا خلقنا فى الدنيا ديه وكل واحد فينا عنده رساله هيعملها وهيمشى دورى على رسالتك اللى ربنا خلقك ليها احنا مش جينا الدنيا بدون هدف خلقنا من اجل اهداف فرعيه لكل واحد فينا غير هدف وجنا الاساسى وهو العباده وعمار الكون كل واحد ليه رساله مختلفه فى حياته ربنا بيحملنا اللى نقدر نشيله لانه واثق اننا قدها دورى على رسالتك
تم النشر الخميس، ٢٩ يونيو ٢٠٢٣
ايه الحاجات اللى لو حصلت من اللى حواليكى هتصدقى انهم بيحبوكى؟ وايه سبب المستوى الوحش دلوقتى؟
تم النشر الخميس، ٢٩ يونيو ٢٠٢٣
قربي من ربنا واعتمدي علي نفسك وابدا متخافيش تبقي لوحدك في اي حاجه.. حبي نفسك واتبسطي بالحاجات البسيطه اللي ممكن تبقا عاديه...واخيرا احمدي ربنا علي النعم اللي ادهالك وغيرك بيتمني يبقا بصحته بس.
تم النشر الخميس، ٢٩ يونيو ٢٠٢٣
الناس هتبدء تحبك وتقدرك وتحترمك لما يلاحظون إنك بتعملي ده مع نفسك، بتحترميها وتقدريعا وبتحبيها، وبتسعي تكوني أحسن، دي أول خطوة لازم تعمليها وتقعدي مع نفسك وتدركيها الناس هتكون حواليك لما يدركوا إنك حياتك من غيرهم تمام، وإنك بتسعي إن أهتمامك يكون بنفسك، وتتعاملي مع الناس أقل وقتها بتكوني بالنسبالهم حلو يتقربوا منهم، لأن مش ده العادي ال بيشوفوا من الناس صاحب بودكاست فنجان، قال كلما زادت مهاراتك، زادت حاجة الناس إليك، أسعي إنك تكوني شخص يملك كثير، مش فلوس طبعا، بس يملك ال يخليه ناجح ف عين نفسه، فينكس ده ف عيون الآخرين، وقتها أنتِ كشخص ناجح تقرري أنتِ عاوزه مين ف حياتك، ومين لأ طبعا وأهم سببب وعلاقة لازم تصلحيها، هي علاقتك بربنا ومداومتك علي قرءاة القرآن أحنا من غيره تايهين جدا، ملناش غير ربنا، وقت م بالجمله بيسمع، بجد، اليوم لو فاضي بس مصلية صلاتك الخمسة ده بيكون ناتج عنه راحة كبيرة، ال هو إيه ده أنا معملتش حاجة ف يومي، بس لأ أنا النهارده صليت وقابلت ربنا خمس مرات، أنا النهارده طعت ربنا، ربنا يجبر بخاطرك وأشوفك شخص جميل جدا جدا من جوا، وناجحة وراضية عن نفسك ومدركة قيمة نفسك، ولو عاوزه صحاب أنا موجودة بجد يعني، ومش كلام وخلاص، وأنا أصلا عسل وأتحب😅💙💙، وأكيد أنتِ كذلك❤️🦋 دومتي بخير'
تم النشر الخميس، ٢٩ يونيو ٢٠٢٣
معلهش لازم تثقي في نفسك حبي نفسك اوي واهتمي بيها ومتىسي هواياتك واستمتعي بوقتك هتلاقي الدنيا مختلفة حاولي تسمعي كلام ماما وتتناقشي معاها هي بتزعقلك ليه واطلبي منها انها ماتزعلقكيش وقوليلها ان ده بيزعلك
تم النشر الخميس، ٢٩ يونيو ٢٠٢٣
متعمليش حاجه علشان حد اى حاجه تعمليها اعمليها لنفسك اولا محدش هيقف جنبك فى البداية حبى نفسك و اهتمى بيها و اهتمى بهواياتك و دراستك اشتغلى لو ع الصحاب فانك تكونى وحيده احسن من صحاب المصالح او صحاب السوء اقتنعى ان مفيش حاجه تستاهل 🥰
تم النشر الخميس، ٢٩ يونيو ٢٠٢٣
قلة ثقة زائدة بالنفس كل اللى انتى عاوزاه تثقي فنفسك اكتر الثقة مش معتمدة على الشكل ولا العلاقات ولا الصحاب ولا الحب
تم النشر الخميس، ٢٩ يونيو ٢٠٢٣
انا الحمد لله اصلي و اقيم الليل
تم النشر الخميس، ٢٩ يونيو ٢٠٢٣
صلي
تم النشر الخميس، ٢٩ يونيو ٢٠٢٣
لعرض السؤال في فدني اضغط هنا