ما كنت ناوي أفتح الابلكيشن الا لما اخلص بس بجد انا تايه يا جماعه فاضلي امتحان في الثانويه العامه وببقى حاطط خطه ليومي امشي عليها من اول الامتحانات غالبا للاسف مش بتنجح زي منا عايز مع العلم اني حاطط موازنه مع الوقت ان المفروض اخلص فيه بس المشكله الاكبر اللي ملاحظها الفتره دي شده الضغط العصبي والتوتر اثناء المذاكره فقط لكن لما مثلا بسيب الكتاب واروح اكل او اصلي اهدى شويه وانا بذاكر بسرح كتييييييير اووووووي بمعنى الكلمه وافكر هل هلحق اخلص طيب في حاجات مش لاحق اعملها طيب انت ما كنت ذاكرت جزء معين كويس اول السنه ويفكرني بأسئله انا شاكك فيها في الامتحانات مع العلم ان توفيق ربنا كان كبير ولله الحمد بس برضو نفسيتي مش بتبطل تسرح لاني ما براجع اي امتحانات عشان حاسس انها ممكن تزود عليا قلق وواثق ان ربنا مش هيضيع مجهودي
فأنا اعمل اي دنا لما ببدأ متأخر 5 دقائق او اروح اكل واقعد برا كتير طول منا بذاكر بفضل اسرح وافكر اني متأخر
لو في اي آيه يا جماعه حد يفكرني بيها او حديث يصبرني عارف انها اخر ماده بس بقيت تعبت لاني خايف دا يكون مستوى تركيزي بسبب اني زمان كنت بسمع شورتات
شجع نفسك بقرب انتهاء التحدي، ذكرتني في الصف الثالث الثانوي كتبت على كل كتبي ودفاتري: من تذوق حلاوة النوم تجرع مرارة الفشل. والمقصود بالنوم كافة أشكال الإهمال والتسويف لو كانت مشكلتك تتلخص في التوتر والقلق فاعلم أن التوفيق رزق، وتوكل على الله وأدّ ما عليك. إذا كنت تتشجع بالدراسة بين مجموعة جرب تشغيل مقاطع ذاكر معي، أحمد أبو زيد سجل مقطعين أو أكثر تقريبًا من نفس الفئة من المقاطع، ستشعر كأن صديقًا يشاركك المهمة. لا تفكر في النتيجة ولا التنسيق ولا الامتحان حتى، فكر بمنطق هنا والآن. بالتوفيق لك ولكل الطلبة.
تم النشر الجمعة، ١٢ يوليو ٢٠٢٤
هو فعلا ده بسبب المقاطع القصيرة وانا كنت زيك من فترة حاول تبطلها و ركز هانت خلاص
تم النشر الجمعة، ١٢ يوليو ٢٠٢٤
أول حاجة، لازم تبقى فاهم إن دي فترة صعبة وكلنا بنمر بيها. طبيعي جدا يكون عندك إحساس بالتوتر والضغط، أهم حاجة إنك تتعامل معاهم بشكل صحيح. تنظيم الوقت : حاول تقسيم الوقت بتاعك على فترة صغيرة. مثلاً، حدد فترات مذاكرة من 25 دقيقة وبعدين خد راحة قصيرة 5 دقايق، النظام ده اسمه Pomodoro Technique وممكن يكون مفيد. التأمل والرياضة : جرب تمارين التنفس العميق أو الرياضة الخفيفة عشان تقلل التوتر. الحركة البسيطة ممكن تخلي دماغك يهدى شوية وتخفف من الضغط العصبي. الدعاء والأذكار : الأدعية والأذكار هتساعد كتير على تهدئة نفسيتك. ممكن تقرأ الآية دي: "وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ" (هود: 88) الإيجابية والثقة بالنفس : لازم تثق في نفسك وفي المجهود اللي بذلته طول السنة. لو حسيت إنك مشتت، خذ استراحة قصيرة وارجع للمذاكرة بأفكار مرتبة. التواصل مع الآخرين : لو محتاج، ممكن تتكلم مع حد من أصدقائك أو أفراد عائلتك. دعمهم ومعرفتهم بالوضع اللي انت فيه هتكون مفيدة. وفي النهاية، خلي دايماً إيمانك بالله وكون دايماً شاكر لتوفيقه. ربنا معاك وإن شاء الله تحقق النجاح اللي تتمناه. 💪🌟
تم النشر الخميس، ١١ يوليو ٢٠٢٤
حاول لو اخدت وقت راحه متمسكش الموبايل لانه بيعمل تشتيت بس لازم تفصل بإنك تاكل ان شاء الله تلعب رياضه فالبيت كدا فاصل بين المزاكره وتاخد دش كدا تروق علي نفسك فيهم بلاش تضغط علي نفسك عشان انت كدا بتوتر نفسك خد حتي وقت مثلا تقرأ فيه قرآن او تسمع قرآن يهديك بس فعلا متضغطش علي نفسك انت عملت اللي عليك والنتيجه دي بتاعة ربنا وربنا قال فكتابه ( وأن ليس للإنسان إلا ما سعي وأن سعيه سوف يري ثم يجزاه الجزاء الأوفي ) ربنا عمره ما هيضيع تعبك ولا سعيك دا وخطط ربنا لينا احسن من خططنا بكتير هيكرمك والله انت بس قول ي رب ومتخليش الشيطان يوسوسلك كتير فدماغك لانه بيستغل الوقت اللي انت حاسس فيه بضغط ويضغط عليك أكتر ويشتتك .. ربنا يسهلك كل صعب ويوفقك ويطلعك مجبور الخاطر من آخر امتحان انت وكل اللي زيك متنساش كمان ان لكل مجتهد نصيب سيبها علي ربك واطمن ..
تم النشر الجمعة، ١٢ يوليو ٢٠٢٤
حاول قدر المستطاع انك لو هتاخد وقت مستقطع بين المواد للراحه ما تمسكش الموبايل او اي حاجه خاصه بالشاشات او المذاكره وحاول تاخد وقت في الصبح خمس دقائق للرياضه وانك كل يوم الصبح تاخد شاور ساقع ده هيقلل التوتر شويه وخليك فاكر انك بتعمل اللي عليك والنتيجه بتاعه ربنا
تم النشر الخميس، ١١ يوليو ٢٠٢٤
اهم حاجه تشوف نفسك انك عملت اللي عليك ومتشليش هم خالص كل حاجه بتوفيق ربنا. واحسن حاجه انك مش بتراجع ومتحسبش درجات هيا مش بحسباتك يصحبي بحسبات رينا. وشد حيلك خلاص فاضل ع الحلم تكه والسنه خلصت خلاص تخيل ان دا اخر امتحان واخر يومثن مزاكره وبعد كدا أعمل اللي انت عايزو وربنا يوفقكم ويجعلكم الصعب سهل
تم النشر الأحد، ١٤ يوليو ٢٠٢٤
غصب عنكم اكيد طبيعي القلق دا بس توكلو علي الله طالما عملتم اللي عليكم ربنا يوفقكم يولاد 🤍
تم النشر الجمعة، ١٢ يوليو ٢٠٢٤
وانا فاضلي ماده ودلوقتي حملت التطبيق ده بجد حلو😂 طول الوقت ي بفكر احسب درجاتي والنتيجه. والي هعمله بعد ما اخلص
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا