لدي صديقة كنتُ أتعجب لتصرفاتها و لكن في وقتٍ ما من علاقتنا صارحتني بأنها تُعاني من إضطراب الشخصية الحدية و كل أعراض الاضطراب تنطبق عليها .... و هذا الاضطراب تسبب لها في أذى و محاولات عدة للإنتحار ... لدرجة أنها ألقت بنفسها من الشرفة ذات يوم ! و تسببت في مشاكل صحية لنفسها .....، السؤال هنا .... كيف اتعامل مع تلك الصديقة و أقدم لها الدعم النفسي و كيف اتكيف مع تقلباتها المزاجية و اتقرب لها أكثر لأنها عزيزة جدًا عليّ ولا أُريد فقدها خصوصًا أنها تخشى الهجر بشكل مرعب .
الشخصية دى محتاجة اللى قدامها يكون مرن معاها فى تقلباتها ..و هى تكون عارفه انها هتلجأ ليكى عشان تحميها من نفسها اصلا . الاول انتى لازم تكونى متأكده من قرارك انك هتفضلى جنبها ومش هتيجى فى وقت تزهقى . وعرفيها ده وكرريه عليها دايما انك جنبها مهما كان . تقبلها للاضطراب اللى خارج عن ارادتها اهم شىء فى الموضوع ...وتكون عامله نظام لنفسها ..ان لما يجى وقت الفرح الشديد تكون هتستغله ازاى وتكون بتتجنب ايه وهكذا مع كل التقلبات او وقت الحزن الشديد دورك انك تكونى بتساعديها فى تطبيق النظام ده وتقترحى معاها افكار مختلفه
تم النشر السبت، ٩ مارس ٢٠٢٤
خليها تلتزم فى الصلاة وقراءة القرآن وخاصة سورة البقرة ويس عن تجربة مع الخروج وزيارة اماكن مختلفة
تم النشر السبت، ٩ مارس ٢٠٢٤
تكلمي معاها دائما اهديها بالهدايا البسيطه ولكن لاتجعلي هذه العلاقه تستنزف طاقتك وحاولي ان تصلي معاها لنقطه في كيف تتعاملو مع بعضكم وادعي لها بالشفاء
تم النشر السبت، ٩ مارس ٢٠٢٤
وبجد كل الدعم لحضرتك. صديقه محترمه فعلا🤍🤍🌹
تم النشر السبت، ٩ مارس ٢٠٢٤
حاولي تتواصلي مع أسرتها وتعرفي منهم شرح الدكتور لمعاملتهم لها وتعانلي معاها علي الأساس ده. الي جانب أن انتي ممكن تدخلي علي جروب أحدي الدكاترة النفسيين وتعرفي كيفيه معاملتها ولو مريتي بموقف معاها معين ازاي تتصرفي
تم النشر السبت، ٩ مارس ٢٠٢٤
حاولي توديها لدكتور تبع التخصص ده وي خليها تقرب من ربنا اكتر وي هتكون زي الفل وي كوني مصدر سعادتها
تم النشر السبت، ٩ مارس ٢٠٢٤
ممكن تروح لمعالج سلوكي دا طبيب نفسي بردوا بس ما بيستخدمش ادويه وبيتكلم اكتر عشان يعرف سبب المشكله
تم النشر السبت، ٩ مارس ٢٠٢٤
تم تشخيصها من قبل طبيب نفسي بإضطراب الشخصية الحدية، لكنها تركت المتابعة مع الطبيب بسبب كثرة أخذ الأدوية و هي تريد حل نفسي بدلًا من العلاج بالأدوية التي تترك أثار سلبية عليها مثل تبلد المشاعر و فقد الشغف .
تم النشر السبت، ٩ مارس ٢٠٢٤
قربي منها اوى وخليه تحس بالامان معاكى دايما وقوليلها انك جمبها ع طول وبالنسبة لحالتها دى ف الافضل برضو انها تتعرض ع اخصائي نفسي
تم النشر السبت، ٩ مارس ٢٠٢٤
قربي منها اكتر وخليها متفائله ومبسوطه وخليها تحب نفسها على طبيعتها وممكن تروح عند دكتور نفسي بيكون احسن وانتى حاولي تستحمليها واعذريها لو غلطت
تم النشر السبت، ٩ مارس ٢٠٢٤
خليها تروح عندك مخ واعصاب الاول ممكن يبقي عندها كهربا زيادة ف خليها تتاكد ان النقطه دي سليمه الاول ولو المشكله مش من هنا خليها تكمل مع دكتور نفسي وحاولي تعرفي مشاكلها وهل في عقد عندها من الصغر مع اهلها مع صحابها في الشغل وخليها تحكيلك كانك نفسها وحاولي تشوفي حلول معاها
تم النشر السبت، ٩ مارس ٢٠٢٤
لعرض السؤال في فدني اضغط هنا