محتاجه حد يساعدني بجد انا معنديش ثقه ف النفس ولا ثابته علي شخصيه معينه مع كل حد شخصيه نفسي يكون عندي ثقه ف نفسي واعرف أتعامل مع الناس انتقادات كتير وكلام جارح دا غير التنمر ف ايام الطفوله وحتي اقرب الناس ليا كانوا السبب اني انكسر قدام ناس تانيه انا تعبت بجد نفسي ف نصيحه من حد من غير ما يعرفني مع العلم انا عمري ١٦ سنه
بالإضافة للاجابات السابقة اقرأي كتاب الصورة الذاتية لدكتور أوسم وصفي وكتاب القلب الواعي الاانين هيشتغلوا معاكي ع النقاط دي وعلاجها
تم النشر الجمعة، ١٢ يوليو ٢٠٢٤
شوفي أنا زيك عمري ١٦ سنة برأي أول حاجة تعمليها أنو تحاولي تقعدي مع نفسك وتنعزلي عن العالم حتى مواقع التواصل حاولي إفهمي نفسك وتعرفي على حالك حتلاقي حجات مثيرة أنتي ما بتعرفيها عن نفسك وإعملي فرز لكل الناس الي حواليكي مين شخصية سامة بتأذيكي وإقطعي علاقتك مع هدول الناس وحاولي تعملي حاجة بتحليلها زي رسم قراءة أي حاجة تفرغي فيها الطاقة السلبية الي عندك وطبعا اتقربي لربنا وقوي إيمانك واعرفي أنو مش كل الناس حتنتقد أنو انتي غلط او انتي سيرة في ناس هيا بطبعها الانتقاد وهاد الو علاقة بعقد النقص الي عندهم
تم النشر الجمعة، ١٢ يوليو ٢٠٢٤
السلام عليكم. طب انا خليني اقول لك ان انت ما شاء الله يعني كاتبه في السؤال انك بتدوري على شخصيه وانت مجرد انك دخلتي تبحثي وتكتبي سؤال وتطلبي الدعم فده بيدل على انك عندك شخصيه وشخصيه جميله كمان. اييي كل بس اللي انت محتاجه تعمليه انك تعرفي توصفي نفسك دي هتكون اول خطوه توصفي نفسك ازاي هتوصفي نفسك من الاوصاف اللي كانوا الاخرين بيقولوها عليك ولا هتوصفي نفسك بالطريقه اللي انت شايفه بيها نفسك طب لو انت مش شايفه نفسك غير بالكلام اللي هم بيقولوه هنا بقى الوقفه انه انا محتاجه اشوف نفسي بنفسي محتاجه امسك المرايه بتاعه الاخرين دول اللي كانوا بينتقدوا بيتنمروا واكسرها تماما كان انا دلوقتي بقى عندي في البيت مفيش ولا مرايه لو ما عندكيش في البيت ولا مرايه هل هتعرفي تتخيلي شكلك قبل ما تنزلي؟ ولا مش هتعرفي طيب لو مش هتعرفي هتحتاجي تشتري مرايه صح طيب احنا بقى مش هنطلب من حد يشتري لنا مرايه احنا اللي هنروح ننقي المرايه بنفسنا فمرايتك اللي انت هتختاريها بنفسك يا ترى هتكون مرايه صغيره على قد وشك ولا مرايه بتجيب طولك كله طيب مرايه رفيعه ولا مرايه بعرض الحيطه كلها كل واحد وليه اختياراته هو ده بالظبط وصف الشخصيه انت هتوصفي شخصيتك ازاي شايفه ايه حلو في شخصيتك حاجات بتعرفي تعمليها حلو جدا ولوحدك وشايفه ايه حاجات ثانيه لا انت مش بتعرفي تعمليها قوي هو ده وصف الشخصيه كل ما تعرفي تعملي ده لوحدك هتبداي تكتسبي ثقه بنفسك طب الثقه تزيد ازاي الثقه تزيد لما اخذ الحاجات اللي هي الحلوه اللي فيها اللي انا بعرف اعملها حلو قوي وابدا يعني اتاكد ان انا بطلعها بافعالي فلو انا دلوقتي شايفه نفسي من جوايا وفي مرايتي انا ان انا شخصيه حنينه طب هل انا بيبان في تصرفاتي ان انا فعلا حنينه لو لسه مش بيبان قوي لا انا لازم اركز كده واخذ كل اسبوع اقول انا الاسبوع ده هركز فيه ان انا يبان من شخصيتي الجزء بتاع الحنيه اللي انا بحبه في نفسي اللي انا عارفاه عن نفسي وابدا اتعامل بيه وبعدين الاسبوع اللي بعديه انقي حاجه ثانيه واشتغل عليها وهكذا وهكذا لما بنعرف حاجه عن نفسنا ونطلعها في الافعال ده بيخلي ثقتنا في نفسنا تزيد ليه لان احنا اثبتنا لنفسنا احنا ما اثبتناش لحد على فكره احنا مش عايزين نثبت حاجه لحد اصلا احنا عايزين نثبت لنفسنا قبل اي حاجه ثانيه الاخرين بقى دول ونتعامل معاهم ازاي يعني هنخليها النقطه اللي بعد كده خلصي الاول وتعالي قولي لي عملت ايه واحنا معاكي
تم النشر الجمعة، ١٢ يوليو ٢٠٢٤
حبيبتي، أولا أنا عايزة أقولك إنك قوية وشجاعة إنك بتشاركي مشاعرك دي. بسن ١٦ سنة، الحياة بتبقى مليانة تحديات واكتشافات. ومش سهل إننا نلاقي الثقة بالنفس بسهولة، خاصة لما بيكون في تجارب مؤلمة زي اللي انت مررتي بيها. أنا هنا عشان أساعدك بأفضل ما عندي: اعرفي نفسك وحب ذاتك: ابدأي بكتابة قائمة الحاجات اللي بتحبيها في نفسك، حتى لو كانت حاجات بسيطة. ممكن تكتبي مهاراتك، صفاتك الحلوة، إنجازاتك الصغيرة، وكل حاجة بتحبيها في نفسك. دي خطوة مهمة عشان تذكري نفسك دايماً أن عندك مميزات جميلة. اختاري الصحبة الصح: حاولي تحيطي نفسك بالناس اللي بيدعموكي وبيحببوكي في نفسك. ممكن تلاقي أصدقاء جدد في المدرسة أو الأنشطة اللي بتحبيها. الناس اللي بيشجعونا وبيساعدونا نشعر إننا كويسين بنساعدنا نبني الثقة. تجنبي مقارنة نفسك بالآخرين: الكل عنده رحلته الحياتية الخاصة، ولا تقارني نفسك بالآخرين يمكن يكون عندهم مصدر ثقة مختلف. ركزي على تحسين نفسك وتحقيق أهدافك. استثمارات في نفسك: اتعلمي حاجة جديدة، انضمي لدورات أو أندية، اكتشفي هوايات جديدة. مش شرط تكون حاجات كبيرة، حاجات صغيرة ممكن تغير مزاجك وتحسن ثقتك بنفسك. مواجهة المخاوف: حاولي تواجهي المواقف اللي بتشعرك بالخوف بشكل تدريجي. مش لازم تكون خطوة كبيرة، ممكن تكون خطوات صغيرة ومتتابعة. التحدث مع مختص نفسي: لو حسيت إنك مش قادرة تتغلبي على الأفكار السلبية والذكريات المؤلمة لوحدك، ممكن تفكري في التحدث مع مختص نفسي. هو هيكون قادر على توجيهك وإعطائك أدوات عملية لتعزيز ثقتك بنفسك. وأخيرا، تذكري إنك دايمًا مستحقة للحب والاحترام، وإن اللي مررتي به مش بيحدد قيمتك. خدي دايما وقت لرعاية نفسك وتقديرها. أنا هنا دايما لو احتجتي أي حاجة 💖
تم النشر الجمعة، ١٢ يوليو ٢٠٢٤
حبيبتي لازم يكون في حدود مع الناس اوعي تسمحي لاي حد أنه يجي عليكي أو يضايقك واتغلمي انك كلام الناس مش هو الأساس وان انا مش موجوده علشان ارضي الناس لأن الناس للاسف لو حد مش بيعملهم حدود للاسف بيتمادوا
تم النشر الجمعة، ١٢ يوليو ٢٠٢٤
متحطيش الناس هدف ليكي يعني ببساطه كلام ناس مش مهم سيبك منهم وركزي في الي بتحبيه كلام الناس لا بياخر ولا بيقدم ومفيش حد في العالم الناس مش بتتكلم عليه بس لازم نقدر نتخطى الكلام اكنو مش موجود فاهمه
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا