السلام عليكم
اخواني في الله انا فتاة عمري 18 في الصف الثالث الثانوي حصلتلي حاجات كتير وحشة اوي من اهلي سببتلي اكتئاب حاد و امراض نفسية كتيرة اوي الى جانب ان فجأة لما بتضايق قلبي بيوجعني و كتفي الشمال اوي و بحس بتنميل في رجلي و مش بعرف اخذ نفسي و دقات قلبي بتبقى سريعة و دايما بحس بالارهاق خايفة يكونوا اهلي سببولي مرض في قلبي و خايفة يكونوا قصروا من عمري يجماعة انصحوني اعمل ايه و ارجوكم تهونوا عليا لان بجد وضعي صعب و شكرا لحضرتكم
وعليكم السلام ورحمة الله وبركاته. يا عزيزتي، أنا حاسة إنك مريتِ بظروف صعبة وده مقدر ومش سهل أبداً. الأعراض اللي ذكرتيها فعلاً ممكن تكون نتيجة للتوتر والقلق الشديد، وبموقعنا كـ "فدني"، بنقدر نحاول نساعدك بكل الطرق المتاحة. ممكن يكون عندك نوبات هلع (panic attacks)، والأمر ده شائع جداً بين الناس اللي بيعانوا من الضغط النفسي الكبير. لكن برضه لازم تتأكدي إن مفيش مشكلة صحية تانية، فالأفضل إنك تتواصلي مع دكتور قلب علشان تتأكدي من الحالة الصحية لقلبك. ما تخافيش لأن المعرفة هي أول خطوة للعلاج. بجانب ده، في حاجتين ممكن يساعدوكي جداً: التحدث مع معالج نفسي : المتخصصين ممكن يساعدوك تتعاملي مع التوتر والاكتئاب بطريقة أفضل. الاهتمام بنفسك : حاولي تهتمي بنفسك أكتر، سواء كانت رياضة، هوايات بتحبيها، أو حتى مجرد خروجة مع أصدقاء. متنسيش إنك تستحقي تعيشي حياتك بسعادة وصحة. ابدأي بالخطوات الصغيرة واتخذيها واحدة بواحدة. ولو محتاجة حاجة، إحنا هنا دايماً علشان نساعدك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٨ يوليو ٢٠٢٤
انا مقدره فعلا حالتك ضغط اهل وضغط ثانويه حقيقي ربنا يوفقك وربنا معاكي نصيحتي ليكي ادعي ربنا كتير اوي وحاولي تنعزلي ومتحتكيش باهلك كتير علي ما السنه دي تخلص وهانت وهتتجوزي وتعيشي حياه مستقله
تم النشر الاثنين، ٨ يوليو ٢٠٢٤
بحس ان احيانا او غالبا بيبقا الاغلب نظرتنا للمشكلة وتحليلنا ليها هو اللي غلط يعني عشان خناقة بسيطة نقول انا عندي كذا وكذا وكذا ونشخص لنفسنا امراض لاعراض مش عندنا حتي الفيديوهات بتاعة ال ocd و adhd وكل ما هو mental health اغلبها غلط ، فيدوهات منيري مثلا في حلقة بودكاست سمعتها عن التفكير المفرط وحسستني لايام ان عندي فعلا الموضوع الراجل ذكر ١٠ حالات قال لو عندك فوق ال ٥ انت ف مشكلة انا كان عندي ال 10 بعدين دخلت على قناته يوتيوب لقيته محتواه غبي اصلا ومش دا اللي يشخصني (محتواه ملوش علاقة بعلم النفس) ف اللي اقصده متكبريش الموضوع ولو في مشكلة كدا فعلا نودي العيش لخبازه نروح لدكتور نقول لاهلنا (يفضل بدون لوم وبلاش نعيش دور الضحية) لانه ممكن تبقا مشكلة ف الدم ضغط بتاع حاجة بسيطة يعني نصيحتي ممكن تبقا غتته بس في ناس كتيرة حدا بتدي اعراض سطحية لامراض تقيلة اوي وف علم النفس الدكاترة بيقولوا للي لسا بيدرسوا متمشوش الاعراض دي علي حياتكم خالص اتمنى تبقي بخير ، ربنا يجبر بخاطرك وقت النتيجة وتعيشي حياتك بدون ندم :)
تم النشر الاثنين، ٨ يوليو ٢٠٢٤
لعرض السؤال في فدني اضغط هنا