السلام عليكم ورحمة الله وبركاته
انا مشكلتي ممكن تبقي تفهه بس بالنسبه ليا مخلياني عندي عدم ثقه في نفسي انا من صغري كان عندي صاحبه واحده بس فضلنا سوي تقريبا 12 سنه لحد مبعدت عني انا مش عارفه لي وبدات تلقح عليا في الاستوريهات وبعدين فجاه امي بقت بتكرهني بطريقه مش طبيعيه وبقت بتضربني جدا لدرجه ان شعري بيتخلع في ايديها او تحدفني باي حاجه تكسرني بس مكتفتش للاسف لالضرب بس لا بدات كمان تدايقني من شكلي بتقولي انت لا شاطره ولا حلوه ولا حتي متربيه مع اني والله عمري ما عملت حاجه وحشه في حد ابدا وبتفضل اي حد عليا ان شالله لو حد معدي في الشارع ممكن تفضلو عليا انا الاول كان عندي ثقه كبيره في نفسي لدرجه كانو الناس فاكرني مغروره بس دلوقتي لا بقيت بخاف جدا من الناس وبخاف لحد يقولي كلمه تزعلني مش بعرف اعيط قدام حد وهي عايزاني اعيط قدامها بتقولي انت بارده ومعندكيش مشاعر كل اللي بعملهولك ده ومفيش دمعه نزلت منك هو انا لو بعدت عنها كده هشيل ذنب انا خايفه يجي عليا وقت وادور علي الحنيه بره لاني في الاخر بنت ومحتاجه حد يهتم بيا ويحسسني اني موجوده مش تقيله عليه تنصحوني باي واسفه اني طولت بس كنت مخنوفه اوي السلام عليكم ورحمة الله وبركاته
وعليكم السلام ورحمه الله وبركاته ، شكرا لكلامك وانك لسه عندك امل فى الحياه وان شاء الله كل حاجه تبقي احسن 🤍 الأرزاق عند ربنا مختلفه ربنا بيختبر كل واحد بحاجه مختلفه وبيجبر بخاطره برزق مختلف فى ناس كتير اكيد امهم ممكن تكون كويسه جدا معاهم بس دول اكيد عندهم مشاكل تانيه فى علاقات تانيه خالص وده بيدل أن مش عشان عندك ام بتعاملك بطريقه سيئه أن العيب منك انتى أو انك تقللي من نفسك أو من ثقتك فى نفسك فى ناس بتبقي موجوده فى حياتنا حرفيا محتاجه تتعالج نفسيا واحنا الي بيقع علينا الأذى بسببها ، بر الوالدين حاجه مهمه جدا عشان كده لازم تستحملي وانك تستحميلها دى حاجه ربنا عمرو ما هينسالك ابدا ده وان شاء الله ربنا هيرزقك بأولاد كويسين فى المستقبل تعوضي فيهم عن اى حاجه وحشه حصلتلك وربنا هيرزقك بناس كويسه فى حياتك بس محدش هيحبك غير لو حبيتى نفسك انتى عارفه ايه نقطة ضعف اى انسان ؟ هى عدم معرفته بنفسه وعدم حبه وتقديره لنفسه اى حد مؤذى هيدخل حياتك ويعرف انك مش حابه نفسك أو دايما لما يحصل بينك مشكله انتى وحد دايما تلومى نفسك ده انتى كده بتخلي الناس عارفه انهم من تعليق واحد قادرين يخلوكى مدايقه طول حياتك ، انا عارفه أن المده كانت كبيره اوى وان ١٢ سنه من الصداقه ده شىء كبير بس اكيد لو كنتوا كملتوا كان ممكن يحصل حاجه كبيره وده لان ربنا مبيبعدش عن حد حاجه الا لما يجبر بخاطرك وهى قليلة الأصل انها تغتاب حد كان ف حياتها وتتكلم عليه واكيد هى علطول مدايقه منك ومش عوزاكى احسن منها لو مكانتش بتفكر فيكى مكانتش اتكلمت عنك وده يديكى ثقه اكبر انو كان اختيار صح لما ربنا بعدها عنك واحمدى ربنا انتى حاليا بتعانى من قلة حب والحمدلله انك مخدتش خطوة غلط او بحثتى عن الحب فى علاقات غلط عشان تحسي بالاهتمام واوعى ترتبطى أو تعلقي نفسك أو تصاحبي أى بنت لمجرد حلاوة البدايات أو انك عاوزه تحسي بالحب والأمان لو ركزتى مع نفسك مش هيفرق معاكى اى حد والله بالنسبه لمامتك حاولى تذاكرى. وتصلي كتير قدامها حاولى تساعديها فى البيت متمسكيش التليفون وانتى قدامها خالص حاولى تعملي قدامها كل حاجه كويسه الكلام بتاع الأهل مؤذى انا عارفه بس والله العظيم الصبر احلا ربنا يرزقك بحد كويس يقدرك وكمان حبي نفسك بجد انتى باين عليكى طيبه اوى قربي من ربنا وادعيله متحكيش لحد عن أسرارك اياااااااكي تقولي لحد عن علاقتك بوالدتك عارفه لو مامتك كده بتعلقك فى المروحه قوليلهم ده ماما بتعاملنى احسن معامله متعرفيش حد نقطة ضعفك لأن فى اقل خناقه هيعايروكى أسرارك لنفسك ادعى لربنا يحنن قلبها عليكى وكل حاجه تعدى علي خير محدش دايم لحد وكلام الناس والناس عموما ميشغلكيش الدنيا مش دايما الواحد بيموت مش بياخد معاه كلام الناس وانا هدعيلك والله 🤍
تم النشر الخميس، ٢١ ديسمبر ٢٠٢٣
يمكن مامتك حابه تغير منك خصوصا انها شايفاكي بارده مش شايفه انك بتدي رد فعل او تدايقي و تعيطي جربي تقعدي معاها تقوليلها بصوت واطي و كلميها قوليلها انتي ليه بتعملي معايا كدا و احكيلها انك بقيتي بتفقدي ثقتك بنفسك بسبب الكلام ده و قوليلها انك اسفه لو كنتي عملتي حاجه معينه غلط خلتها تزعل منك كدا و حاولي تصاحبيها حاولي ع قد متقدري في النهايه دي امك اللي ربتك و يمكن مامتك تعبانه من شغل البيت و غيرو ف بتطلع كل غضبها فيكي ف حاولي تتكلمي معاها و ترضيها
تم النشر الاثنين، ١ يناير ٢٠٢٤
هو انتي عندك كام سنه وتعليمهم ايه
تم النشر الأحد، ٣١ ديسمبر ٢٠٢٣
لعرض السؤال في فدني اضغط هنا