نفسي الاقي حل لمشكلة التأتاة انا بسببها مش عارف احقق حاجة في حياتي وفي فرص ضاعت عليا بسبب ساعات اكون بتكلم عادي وساعات ابقي بتأتاه كده مش عارف ليه وناس كتير بيقعدو يضحكو عليا ويتريقو عليا وانا ماليش ذنب دي حاجه بتاعت ربنا انا كبرت لقيت نفسي كده نفسي اعرف اتكلم عادي زي صحابي نفسي اتخلص من التأتاة
اه ممكن تتعالج روح لاخصائي تخاطب .. والموضوع هيتحل باذن الله .. لكن الموضوع ده هل اتولدت لقيت نفسك كده؟ ولا حصلك امتى بالظبط؟
تم النشر الأربعاء، ١٩ يوليو ٢٠٢٣
لو الموضوع جسدي روحي زوري طبيب و كذة طبيب كمان الي ان يقولولك نفسي ام جسدي لو نفسي بقي يبقي انت لازم تحليه لان الي ضاع منك دة حاجة و الي هيضيع تاني دة اكتر كمان فخلي بالك لازم حتي لو تشوفي فيديوهات تقوي شخصيتك اوي و تعملي بروفا مع اختك اكنك ف اجتماع في مكان فيه ناس و تبدائ تتكلمي و هي ترد عليكي و تحاولي تتعلمي الرد ع الكلام البايخ و تشوفي ردود تسكت الي قدامك لو اتريق عليكي في حاجة لازم يكون شخصيتك قوية م هتعرفي تعملي حاجة وانت رقيقة كد
تم النشر الأربعاء، ١٩ يوليو ٢٠٢٣
اولا.. دي حاجه قمر و ربنا اصطفاك من بين ناس كتير علشان تتميز وتبقي انت مختلف عنهم وكلهم زي بعض ثانيا.. مينفعش تخليها عقبه قدامك وتوقف حياتك بسببها دي مش مقياس انك تقدر تعمل كل حاجه و توصل عادي جدا ثالثا.. ملناش دعوه بالناس اللي هناك دي.. اللي يضحك يضحك ان شاء الله تكون اخدت صدقه انك تسببت ف ابتسامه شخص.. نشرح بقا..🙃 احنا عيوب.. ومستحيل تلاقي حد كامل ومفيهوش عيوب بس كل حد مننا بيتخلف عن التاني ف عيبه و ف عيوب ظاهره وعيوب باطنه بتظهر مع العشره واحيانا مش بتظهر.. لولا ستر الله لهلكنا صدقني اصحابك مش احسن منك خالص ع فكره.. كل القصه ان زي م قولتلك فوق انت مميز🤍 وبعدين.. انت لازم تحط هدف وتمشي ع خطواته وتوصل و دي مش عقبه بجد... نقدر نقول ده طريق من طرق الوصول وتحقق كل حاجه ف حياتك عادي جدا و اي فرصه ضاعت هي ليس الا باب مش خير واتقفل .. ربنا مش أراد انك تكمل ف ده ف بعد الوحش عنك.... صدقني ده مش مقياس و لما يجي حد يضحك او يترق قوله ياسيدي موعدنا ع الصراط ف القنطره وانا باخد حقي منك مش دلوقت وصدقني مش هيضحكوا كتير.. عارفه ان كسر الخواطر ده حاجه صعبه جدا ومجربه كتير جدا جدا جدا.. بس ربنا بيردها واقصد مش هيضحكوا كتير ان ربنا هيرد كل ده والله العظيم والله وبالله وتالله ان جبر الله ليك هيكون اجمل بكتير🤍✨
تم النشر الأربعاء، ١٩ يوليو ٢٠٢٣
بسم الله الرحمن الرحيم ... يا اختي العزيزة انا شخص عنده تأتأه زيك بالظبط ، فحاسس بالي انتي حاسه بيه بالظبط بس هقولك على كام حاجخ وإن شاء الله اكون عرفت اساعدك ........... بصي في الاول كده لازم مليون % انتي تكوني راضيه بالي انتي فيه ده وتكوني فرحانه ..... اكون فرحانه وانا اصلا الناس بتتريق عليا؟؟؟! ..... طب ازاااي ؟!؟! ........... هفهمك ........ انا عاسزك تحمدي ربنا على طول انه اصطفاكي وخلاكي عندك تأتأه وتحمدسه اكتر انه بقى خلاكي مميزة وسط كل الناس ......... انا والله وتالله وبالله بيجي عليا وثت مش بعض انطق كلمتين على بعض بس بقى ايه الناس الي حوليا مش محسسني اني فسا حاجه لا بالعكس ده هما فرحانيين اصلا ان عندهم شخص عنده تأتأه ....... هي المشكلة كلها في الناس الي انتي مصحباهم لو الناس دي بتحبك بجد هيتقبلوكي عادي وهيخلوا التأتأه الي انتي شيفاها عيب دي هيخلوها ميزة فيكي وهيحبوا يتكلموا معاكي اكتر واكتر .......... طب اقولك على حاجه انا والله سعتبر كان هيجيلي عقده بسبب التأتأه اصلا ...... بس اتعرفت على ناس والله حببوني فيها ........ ده لدرجة في صديق ليا قلي انا حبيتك زيادة بسبب التأتأه دي ........ فهي بتبقى في الناس الي انتي معاهم .......... لاكن انتي لازم تحبيها اصلاً ........... ونقطة مهمه اوي ، أنتي لازم تقوي شخصيتك اكتر من كده علشان ميكونش في اي كلمه كدة ولا كده تأثر عليكي ولا نفسيتك اكتر من كده ........ وبس كده .....
تم النشر الأربعاء، ١٩ يوليو ٢٠٢٣
لعرض السؤال في فدني اضغط هنا