من صغري ونا مش فاهمة نفسي ولا الدنيا ال حوليا
اتولدت ف عيلة متدينة، بابا راجل محافظ جدا من كل نحية بس طيب وحنين ويخاف عليا من النسمة وبيحبني
نفس الاب دا ونا عندي ٥ سنين كنت بشوفه وهو بيضرب اخويا قدامي لحد ما يبقى كله دم
دا ليه؟ لان اخويا كان مدمن ومنفعش معاه لا مصحة ولا سجن ولا اي حاجة
شهدت ف العيلة دي على حاجات كتيرة اوي زي ان اخويا دا ف مرة اخد دهب ماما كله وبابا مسافر وباعه باقل من ١/١٠٠ من تمنه عشان يشتري قرف من ال هو كان بيشربه، اخويا دا بردو رفع سكينة ع ماما قبل كدا ودا اليوم ال بابا كان رجع فيه من السفر وشاف المنظر دا وضربه لحد ما كسره
كبرت وعديت كل دا والدنيا اتحسنت واخويا بقا احسن كتير وشبه تعافى وبابا هدى والعيلة استقرت
بس انا لسة مش مستوعبة حاجة
مش قادرة احب حد فيهم ولا بردو قادرة اكرهه
اتمنى لو مكانوش هما الاتنين موجودين في حياتي او مكونش انا اتولدت اصلا
انا مش لاقية نفسي ومش عارفة اروح فين ولا اجي منين ولا انا مين
كمية العشوائية فيا وف طريقة تعبيري غبية
مش عارفة احدد دلوقتي هل انا اجتماعية ولا انطوائية ولا انا شخص فريندلي وحبوب ولا شخص بارد وميتصاحبش
بجد انا مش عارفة نفسي بس انا حاطة كل اللوم عليهم مع اني معرفش اذا كان دا سبب لل انا فيه ولا لا
ازاي اتعافى من دا واعرف نفسي بجد ويكون ليا شخصية؟
السلام عليكم ورحمة الله وبركاته ❤ أما بعد، حاسه بيكي جدًا يا قلبي ومقدرة احساس التوهان اللي أنتِ حاسه بيه، الاطفال بطبعهم بيتأثروا جدًا بالمشاهد اللي بيعيشوها في وقت حساس من طفولتهم زي ده، بالتحديد لو كانت تحتوي عنف أو أي اشياء غير مناسبة لسنهم، بالإضافة الي ان البنات ألطف الكائنات، كائنات رقيقة وهشة من الداخل، وسريعة التأثر، وعاطفية بطبعها، كل ده بيدل انك غالبًا اتاثرتي جامد بالمشاهد دي والدليل انك فاكراها وعندك شك انها ممكن تكون سبب في بعض مشاكلك الحالية، بل ممكن تكون سببتلك صدمة والحل من وجهة نظري المتواضعة الغير مدروسة بشكل كامل لعدم خبراتي الواسعة هو انك تشوفي فيديوهات او بودكاست من نوع التعافي من صدمات الطفولة، حاولي تُدركي ان كلنا بنخطئ ومحدش فينا مثالي وكان طبيعي يبقي عندكم مشاكل زي اي عيلة واتقبلي ان باباكي كان دايما بيحاول يغيره وانه شخص متدين ومحترم وانه مكنش ظالمك او بيعاملك مش كويس وان اخوكي كمان انجرف ورا غلطة بيقع فيها معظم الشباب وربنا يغفر ليه والحمد لله انه تعافي الي حدٍ ما وافتكري انك متعرفيش ايه اللي دفعه لده، انا مش ببرر ليه اكيد بس اكيد في عوامل ساعدت علي وقوعه في الخطا، وبطلي تقيميهم بالحاجات دي بس، ومتربطيش قيمتك او وجودك بالمشاهد دي او باخطاء غيرك، ولو علي انك مش قادرة تحددي شخصيتك حبي نفسك واهتمي بيها واعملي اختبارات شخصية دقيقة تساعدك تعرفي نفسك اكتر وجربي حاجات جديدة وقربي من نفسك وغوصي في اعماقك وهتفهمي نفسك كويس جدا قدام، حبك لنفسك ده هيترتب عليه انك هتستجمعي طاقة انوثتك بشكل لا ارادي واسلوبك الغشيم هيتغير ويبقي لطيف وراقي ويليق بك كأنثي ان شاء الله، افتكري انك كويسه وتستاهلي كل جميل، ومتقسيش علي نفسك وحاولي تغيريها
تم النشر السبت، ١٩ أبريل ٢٠٢٥
حبيبتي ربنا معاكي والله هقولك على حاجه زمان عملتها خلاتني اساعد نفسي بنفسي واتغير كلنا مرينا بمشاكل في العيله واحنا صغيرين أثرت فينا يعني بس الواحد بيحاول يفهم المواقف دي والمشكال دي من كل الجوانب لحد ما يوصل لحل يريحه من الي هو فيه يعني حلك زي ما الاخوات قالوا فوق جزاهم الله كل خير حاولي افهمي نفسك شوفي وافهمي من ايه متضايقه اوي كدا وزعلانه تعرفي كمان في طريقه حلوة اوي كنت بعملها وهي الكتابه كنت بكتب كل الي حساه ومش قادرة احكيه وبعدها لما كنت برجع اقرأوا تاني بعد فترة بحس والحمد لله اني اتخطيت دا وبرمي ورا واكمل عادي تعرفي اوقات كنت بقولهم اني بكرهم وبكتبها عشان يعرفوا بس لما كبرت فهمت ليه كانوا بيعملوا كدا صحيح عارفه طرقتهم غلط بس التمست ليهم مليون عذر لان دول مهما حصل اهلي وسندي ،ادعي من ربنا يريح قلبك ويصفيه من ناحيتهم وهترتاحي ادعلهم بالهدايه وادعي لنفسك كتير جربي انك تسترخي وتفكري بهدوء وتغيري من نفسك وتحسنيها زي ما نفسك تعملي ،جربي اقرأي كتب دي برضو ساعدتني ياما اوي ،اهتمي بصحتك النفسيه واديها وقت وهترتاحي بإذن الله ،وشوفي مشكله من منظور تاني يعني والدك من حبه وخوفه على اخوكي عمل كدا في اهالي وناس ياما مش بتعرف تعبر عن خوفها على شخص معين بالكلام والمسايسه وكدا هو جرب كذا طريقه معاه منفعش فخد الطريقه دي وعلفكرة انا مش بقولك تصرف والدك صح ميه في الميه بس برضو هو من صدمته في إبنه عمل كدا كل الاهالي بيكونوا عاوزين ولادهم احسن حاجه وأفضل الناس ولما حصل كدا مع اخوكي هو مكنش عارف يعمل ايه او زي مابنقول كدا العصبيه عميا يعني لما بتكوني متنرفزة وكدا مش بتتصرفي صح ودا وارد كلنا نقع فيه غصب عننا وانت كنت طفله وبنوته كمان شفت كل دا قدام عينكي واترسمت الصورة دي عندك ،اخوكي غلط ومش هبررله غلطه حتى لو كان بيشرب ماتوصلش يرفع على مامته ايدة حتى وكونوا مشى ورا نفسه فدا من النفس الأمارة بالسوء ومن الشيطان الي مشى وراه بعد ما صورله ان دي طريقه يحل بيها مشاكله وهمومه بس ربنا يصلح حال كل الشباب ويصلح حالنا كلنا ويهدي الكل لطريق الهدايه والصلح ،والحمدلله ان ربنا عافه من الي كان فيه وربنا يتمم شفائه على خير ،الموضوع صعب على الكبير ما بالك وانت طفله شفتي كل دا قدام عيونك اكيد أثر عليكي اوي وصعب تنسيه بس ربنا قادر على كل شئ فقولي يارب وإذا سألك عبادي عني فإني قريب اجيب دعوة الداعي إذا دعانِ فليستجيبوا لي وليؤمنوا بي لعلهم يرشدون
تم النشر الأحد، ٢٠ أبريل ٢٠٢٥
تواصلي مع مختص يا جميلة هيساعدك تفهمي نفسك وتحسني الحياة شوية كدا ما بين تقبل وتغيير
تم النشر الأحد، ٢٠ أبريل ٢٠٢٥
بصي يا حبيبتي اولا طبعا انا حاسه بيكي وحاسه باللي انت بتمري بيه بس انا في حاجتين عايزه اقولهم لك اولا محدش فينا بيختار اهله. احنا ربنا اتولد عندنا اب بيبقى عندنا ام بغض النظر الاب شكله ايه او امنا هي ربتنا ازاي وبتتعمل ازاي محدش بيختار ما عندناش رفاهيه الاختيار فلازم نتقبلهم على حالهم في حاجه كمان بقى النقطه الثانيه بس ديت عايزه ده تعليق من اللي انت كاتباه انت بتقولي ان باباكي حنين معاكي وبيتعامل معاكي كويس فهو من اللي انا فهمته من كلامك ان هو ما قصرش عليك في حاجه وحشه او هو معاملته لك ما كانتش وحشه كان بيتعامل معك كويس مشكلته كلها كانت مع اخوك باباكي متدين شويه ومتحفظ ااا انا مش شايفه ان ده حاجه غلط ما دام ما جاش عليك ما قصرش عليك بالسلب انت هل هي مشكلتك لو مشكلتك اخوكي ولا اخوكي مر بيه واللي باباك عمله معاه اولا انا عايزاك تبصي من ناحيه ابوه ابوكي مش قاسي ابوكي مش انسان وحش ده اب شاف ابنه ااا بياذي نفسه وبيضر نفسه ورايح للتهلكه هو لازم يوقفه لازم يبقى في راضع له اخوكي كان بيضيع نفسه وبينتحر بال. دي وصل لمرحله ان ان الموضوع لحد دماغه انه اثر على مامته رفع عليها السكينه وسرق ذهبها فانت لو بصيتي لها من الجانب دوت هتعذري باباكي ومامتك هتقدري اللي عملوه عشان اخوك لكن لو الفكره الموضوع لسه ماثر عليك انت حاولي على قد ما تقدري ان انت تتخطي الموضوع دوت تبصي للجوانب الكويس شوفي ماما وبابا بس بيمثلوا لك ايه في حياتك قصروا عليك ازاي عملوا معاكي ايه حلو الوحش اللي تفكري فيه حاولي تخليه يخرج من جواكي طلعي مشاعر اللي جواك ماما وبابا مش عيب انك تكلمي معاهم دلوقتي وتطلعي تفرغي مشاعر السلبيه اللي جواكي والوجع اللي جواكي انت بتقولي ان اخوك بقى كويس يعني معنى كده برده هرجع اقول ان هم كانوا بيعملوا كده خوفا عليه باباك عمل كده خوفا عليه اجابتي لك باللي انت بتقوليه ان باباكي ما اذكيش في حاجه كان حنين عليك ومشكلته ان هو كان معاملته مع اخوك لكن اي تصرفات سلبيه انت شفتيها في البيت لازم تتخطيها اشتغلي على نفسك همم افرضي دايما وبصي ان ربنا ما بيعملش حاجه وحشه وان احنا دائما ربنا بيبتلينا عشان يختبر ايماننا وصبرنا بنتعلم علشان نقف على رجلينا اي درس او اي موقف وحش.
تم النشر الأحد، ٢٠ أبريل ٢٠٢٥
🎤 إجابة صوتية
تم النشر الأحد، ٢٠ أبريل ٢٠٢٥
بصي المخ عامل زي الكمبيوتر والطابعه ف طابع المواقف ده من وانتى صغيره ف لازم علاج عشان يحسن الطباعه ده فهمانى روحي لدكتور نفسي وحاولى تحسنى من الصور ده هتلها مبررات فهاني وان شاء الله تبقي كويسه بس روحي لدكتور حتي لو مجاني
تم النشر الأحد، ٢٠ أبريل ٢٠٢٥
عزيزتي، أحس بمشاعرك وأتفهم صعوبة ما مررت به. من الواضح أنك عانيت من تجارب مؤلمة في طفولتك تركت أثرًا عميقًا على نفسيتك وإحساسك بهويتك. التحديات الأسرية، خاصة الأمور المتعلقة بالإدمان والعنف، يمكن أن تُشكل صورة صاحبة المشاعر وتأثيراتها على الفرد في المستقبل. أولًا، من المهم أن تدركي أنك لست وحدك في هذه المشاعر. الكثيرون يواجهون صراعات داخلية مماثلة، وأحيانًا يكون التوجه نحو البحث عن الهوية نتيجة طبيعية لتجارب صعبة. لتبدأي في معرفة نفسك، يمكنك اتباع بعض الخطوات العملية: التأمل الذاتي: خصصي وقتًا للتفكير في مشاعرك وتجاربك. يمكنك كتابة ما تشعرين به في دفتر يوميات، فهذا قد يساعدك على تنظيم أفكارك ومشاعرك. التواصل مع الآخرين: حاولي فتح قنوات التواصل مع أصدقاء موثوقين أو أفراد في عائلتك، قد يُساعدك التفاعل مع الآخرين على اكتشاف جوانب من شخصيتك. المشاركة في الأنشطة الاجتماعية: انخرطي في أنشطة جديدة أو مجموعات مختلفة، وذلك يمكن أن يمنحك فرصة لاكتشاف اهتمامات جديدة والتفاعل مع أشخاص مختلفين. التوجه للإرشاد النفسي: قد يكون من المفيد التحدث إلى مختص أو معالج نفسي. قد يساعدك ذلك في معالجة تجاربك الماضي وفهم كيفية تأثيرها على الحالي. ممارسة الأنشطة التي تحبينها: حاولي اكتشاف الأنشطة التي تستمتعين بها، مثل الفنون، الرياضة، أو القراءة. هذه الأنشطة قد تكشف لك الجوانب التي تهمك وتعكس جزءاً من هويتك. تذكري أن رحلتك لفهم نفسك وتطوير هويتك هي عملية تستغرق وقتًا، لذا كوني صبورة مع نفسك. وعدم معرفتك لنفسك في الوقت الحالي أمر طبيعي، فكلنا نمر بأساليب مختلفة لفهم هويتنا، وأنت لست وحدك في هذه الرحلة.
تم النشر السبت، ١٩ أبريل ٢٠٢٥
أمر طبيعي انك تتاثري بيهم لأنهم قريبين منك جدا ومهمين عندك ولأن شخصيتك حساسه فطبيعي تحسي بألم نفسي للاسف في ذكريات مش بتتنسي وبتفضل معلقه في أذهانا الحل انك تبعدي عن البيئة دي باسرع وقت ومع الوقت هيكون ليكي حياتك الخاصه والحياه ومشاغلها هتنسيكي شويه لما تكوني عيله ويكون عندك اولاد هتنسي أن شاء الله فتره وهتعدي
تم النشر الأحد، ٢٠ أبريل ٢٠٢٥
اعتقد ان الحل الوحيد هو انك متلوميش حد و تقبلى نفسك زى ما هي ولازم تعرفي انك ممكن تتخطى دا ودا ملوش اي علاقة بيكي وتعرفي ان حل المشلة مش لازم يكون عند اخوكى وابوكى و تعرفي ان عادى ان الموقف القاسية بتعدى على كل الناس و رد الفعل عليها هو الي بيأثر فينا اكتر من الفعل نفسه إحساس التيه الي انت فيه هيخلص بس بايدك انت مش اى حد تانى
تم النشر الأحد، ٢٠ أبريل ٢٠٢٥
لعرض السؤال في فدني اضغط هنا