السلام عليكم ورحمة الله وبركاته
أنا هلق طالبة ثانوي ومابقي للامتحان غير شهر وشوي بس المشكلة انو ماعم أدرس ولا عم يجي على بالي أدرس وإذا درست ما بدرس متل العالم بحس بسبب إنو صار كم سنة عم أعيدها بسبب الظروف مو رسوب كل مرة بصير عندي ظرف وحتى كنت ملتزمة اكتر من هلق بس مابعرف شو صايبني @Mai Mahfouz
السلام عليكم ورحمة الله، خيرًا إن شاء الله، هو واضح إن الموضوع نفسي بسبب إنك بتعيديها وفيه ضغط نفسي عليكِ حاليًا ومخاوف. لكن الخوف والقلق مش هيفيدك أبدًا بالعكس مش هتقدري تنجزي. ** أولًا، أول وأهم خطوة، إنك تستعيني بالله، مش هتقدري تتخلصي من كسلك والوضع اللي انتِ غير راضية عنه غير بالاستعانة بالله. إذا فيه تقصير بالصلاة، استعيني بالله وواظبي عليها. ادعي ربنا يسهل أموركِ ويشرح صدرك، ادعي دائمًا قبل ما تبدأي مذاكرة (وقل ربِ زدني علمًا) كل يوم، خصصي ورد يومي بذكر (لا حول ولا قوة إلا بالله) لكن لازم توقني به من قلبك وتفهمي معناه، إن لا تحول من حال إلى حال ولا قوة على التغيير إلا من الله. ممكن تشوفي الفيديو ده هيفيدك جدًا https://www.youtube.com/watch?v=bOgTtEvI298&t=525s&ab_channel=dr_AsmaaElkady *** حاجة مهمة كمان، اقرأي سورة البقرة يوميًا، مش هتقدري تقرأيها كاملة قسميها على 3 أيام وحافظي على أذكار الصباح والمساء، هيبقى حفظ لكِ وبركة وأيضًا تحسبًا لو كان الوضع اللي بتمري به بسبب حسد أو غيره. ربنا الحافظ والموفق. **** ثانيًا، هتحتاجي جلسة مع نفسكِ، تعيدي برمجة عقلك وتفكيرك. مش صعب تعملي كده، هاتي قلم وأوراق، اكتبي مخاوفك واكتبي أسبابك، ليه لازم تتخلصي من ترددك وخوفك، اكتبي نواياك من المذاكرة، ليه بتدرسي وهدفكِ إيه، تفريغ عقلك هيساعدكِ تتخلصي من الضغط شوية وتبدأي تشوفي الأمور واضحة والمخرج منها. *** إذا فيه ضغوط من ناحية أهلك فانسيها تمامًا وركزي بس على المطلوب منك. ** فكري نفسكِ دائمًا إن كل ما عليكِ هو الدراسة وبذل الجهد وتأجيل القلق على النتيجة وتوكلي على الله وتيقني إنه هيكتب لك الخير ويرضيكِ به إن شاء الله. ******** ثالثًا، فكرة إنك تنتظري لما تشعري برغبة في المذاكرة، فكرة غلط جدًا. لا تعتمدي على الشغف أو الشعور بميل للدراسة. أغلب الطلبة مش بتحب المذاكرة أصلًا. الفكرة كلها في إلزام نفسك، إنك تضعي أسبابك وأهدافكِ أمام عينيكِ وتجبري نفسك على الالتزام. افتكري دائمًا إنك لا تسمحي لنفسك إنها تسوقك وأنتِ تطيعيها في أهوائها، العكس هو المفروض، إنك تقوديها وتجبريها. ** فكري إن باقي شهر وشوية، مش معنى كده إنك تقلقي، لأ ... معناه إنك تكوني حاسمة مع نفسك وتقولي لها مفيش وقت للدلع ده وهنذاكر حتى لو كارهين. *** مهم جدًا طبعًا تعتمدي على فترات دراسة قصيرة عشان عقلك ميحسش بضغط وتبطلي مذاكرة. ذاكري 25 دقيقة وارتاحي 10 دقائق. وهيفيدك جدًا وعن تجربة إنك تقسمي جدولك على حسب مواعيد الصلاة، هيخليكِ تنتظمي فيها وكمان هيخلي فيه بركة في وقتك ومذاكرتك. ********* أرجو أكون أفدتك وإذا عندك أي أسئلة أنا موجودة. بالتوفيق إن شاء الله.
تم النشر الأحد، ١٣ أبريل ٢٠٢٥
السلام عليكم ورحمه الله وبركاته اللي انت بتعمليه هو عين السعي يعني والله لم يطلب منا الا السعي النتيجه اللي هتحصل اللي هتحصل بقى بسبب ظروف كل شويه بتمنعنا ان احنا نوصل في الوقت ده وكل شويه نتاخر وكل شويه نتأخر ده الترتيب الخاص بربنا ده التدبير اللي ربنا مدبره لنا لانه هو شايف من فوق سبع سماوات إيه الافضل هتقولي هل ربنا شايف لي ان الافضل ليا ان انا افضل اعيد السنه الحقيقه انه اكيد ربنا شايف ان الافضل لك والخير ليكي انت دون انا عن حد ثاني هو انك تعيدي وانك ما تنهيش السنه الا في سنه محدده ازاي ده والله الخير بتاع ربنا بيتبعت لنا بطريقتين بطريقه العطاء وبطريقه المنع عشان كده "وأن ليس للانسان إلا ما سعى وأن سعيه سوف يرى" كفايه ان ربنا شايف سعيك كفايه ان ربنا شايف انك في كل مره بتحاولي على قد الظروف اللي موجوده تجتهدي وما تقصريش في الجهد اللي انت بتقدميه ليه لانك بتوكلي النتيجه اللي هي كده كده بتاعه ربنا بتوكليها لربنا وبتقولي يا رب انا بعمل اللي انت طلبته مني بالظبط انا اسعى بكل الجهد اللي انت اديتهوني ومش باثر فيه النتيجه ايا كانت انا مرتضية بيها ازاي هرتضي بيها مش هزعل يعني لا هزعل بس في نفس الوقت مش هكون ناقمه على النتيجه لاني عارفه انها جايه من رب العالمين وزي ما احنا مبسوطين بالنعم اللي ربنا مديهالنا وبنصحى الصبح بناخدها من غير اي مجهود مننا بنلاقي عينينا زي ما هي بنلاقي سمعنا زي ما هو بنلاقي عضلاتنا زي ما هي الأوجب ان احنا نبص على كل حاجه هو بيديها لنا بعد ما بنعمل احنا جهد ونسلم بيها تسليم تام اتمنى انك تركزي في المعنى ده واتمنى ان هو يساعدك انك تتحركي وتكملي مذاكره مهما كانت الظروف حتى ولو كانت الاعاده دي للمره الخمسين.
تم النشر الأحد، ١٣ أبريل ٢٠٢٥
يا روحي عادي جدًا اللي بتحسي بيه الضغط والتكرار والظروف كلها بتخلي النفسية تتعب والعقل يتعب والواحد يحس إنه مش قادر يكمّل بس عايزاكي تفكري كده إنك عدّيتي كتير قبل كده وقومتي رغم الظروف يعني عندك قوة بس مش واخدة بالك منها يمكن محتاجة بس تبدأي بخطوة صغيرة كل يوم حتى لو صفحة أو نص ساعة صدقيني هتلاقي نفسك راجعة تاني شويه بشويه ومتقسيش على نفسك كفاية إنك بتحاولي ومفيش حاجه راحت طول ما انتي لسه بتحاولي، ربنا معاكي وعمره ما هيضيعك 🥺💚💚💚💚💚
تم النشر الثلاثاء، ١٥ أبريل ٢٠٢٥
لعرض السؤال في فدني اضغط هنا