انا مازن عمري 15 سنة اقسم بالله معنديش شغف خالص ومشكلتي طويلة وعندي الوسواس واقسم بالله عندي مشاكل بلنسبالك بيطة بس معقداني في حياتي انا نفسي في حساب فري فاير قوي وحساب بيس قوي بس ووالله لأرجع طبيعي وعندي شغف في الحياة انا اتسرق مني حسابات والله من 2021 بدعي اني ارجع بالزمن.
حسب ما فهمت فدي حسابات ألعاب. لا أعتقد إن مشكلتك في استعادة الحسابات... حتى لو استعدتها فأنت هتستغلها فقط كمهرب من حياتك وده مش صح. الحياة أكبر من ألعاب ترفيهية المفروض بس تكون لوقت فراغنا لما نكون انتهينا من الحاجات المهمة اللي ورانا. جرب تخلي قيمة لحياتك حتى لو عندك مشاكل الدنيا كلها... اعرف انت موجود ليه في الدنيا... هل موجود عشان تستلم لفقدان الشغف والوساوس والمشاكل اللي في حياتك؟ موجود عشان تهرب من همومك في الألعاب أو تفضل حزين على سرقتها؟ انت موجود عشان ربنا خلقك وعارف لك قيمة ووجود ولك رسالة في الدنيا. اعرف رسالتك وانت ليه هنا واخرج من اليأس اللي انت فيه واعرف إن كل يوم من عمرك بيمر مش بيرجع فخسارة تضيعه في حاجات ملهاش لازمة. أنصحك تتابع قناة الدكتور عبد الرحمن ذاكر الهاشمي، فيديوهاته قيّمة وهتساعدك تخرج من الدائرة دي بإذن الله. بالتوفيق.
تم النشر الأربعاء، ٧ أغسطس ٢٠٢٤
يا مازن، أنا آسفة إنك عانيت من كده. الأمور مش سهلة، لكن لازم تعرف إن الشغف ممكن يرجع من جديد. ممكن يكون عندك شغف في حاجة تانية غير الألعاب، يعني انت ممكن تحاول تكتشف هوايات جديدة. بالنسبة للوسواس، دي حاجة ممكن تتعب العقل، وخصوصًا لو بتفكر فيها دايمًا. حاول تتجنب التفكير فيها، وركز على الحاجات اللي بتحبها، أو حتى اتفرج على حاجات تضحكك أو تخليك سعيد. وممكن تكون فكرة كويسة إنك تتواصل مع حد يقدر يساعدك، سواء صديق أو حد كبير تثق فيه. والأهم، خلي عندك أمل إن الأمور هتتحسن. وحاول تمارس الرياضة، سواء رياضة بسيطة زي المشي أو الركض. هتلاقي إن ده ممكن يساعدك تحسن مزاجك وتحس بالشغف تاني. العدد مش مهم، الأهم إنك تحس بالسعادة في اللحظة اللي انت فيها.
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا