السلام عليكم ورحمة الله وبركاته ..
دلوقتي يا جماعه انا طالب ثانوية عامة، عندي ١٨ سنة، و مؤخراً بقيت بتاثر بحاجات كتير ، زي مثلا أفلام و مسلسلات أو حتي قصص عن الصحابة زي خالد بن الوليد رضي الله عنه .. الحكاية كلها إن أنا كل لما اشوف شخصية عن طريق الوسائل اللي انا ذكرتها بتثبت معايا واعتمدها في يومي.
ببقى حاسس إن أنا الشخصية دي بس مش مبالغ فيها أوي .. يعني ببساطه في طريقة تفكيري اول لما اتحط في موقف اشوف الشخصية دي هتتصرف إزاي في الموقف ده، المشكلة بقى ان انا سريع التاثر و ممكن أتأثر مثلا بشخصيه دكتور نفسي حكيم بيكلم لطيف و بعدها بـيومين اتاثر بشخصيه غليظة مبيهماش اي حد و لا كلام الناس و دايما عنيف .. العكس تماما
لحد لما تهت مبقتش عارف انا مين؟ من كتر الدوشة اللي في دماغي اتمني تكونوا فهمتوني
هل انا كده اجننت و لا ايه؟
السلام عليكم اخي في الله اولا حضرتك مش مجنون لأنك لو مجنون هتكون في اللاوعي يعني لا تعرف تصرفاتك وطالما حضرتك طالب في الشهادة الثانوية يعني توتر وضغط وإجهاد فحضرتك بتبعد توترك عن طريق تقمص الشخصيات عشان تخفف التوتر وتحسس نفسك انك كويس يبقا نعمل ايه؟ نقوم نصلي ونقرأ قرآن ونستغفر ربنا علي أي ذنب وندعي ربنا وإن شاء الله تكون أحسن طبيب وحضرتك مش مجنون بس دول توتر ومتقلقش من الثانوية اللي مكتوب ليك هيكون ليك في الاخر حتي لو مجبتش اللي حضرتك عاوزه هيكون فيما بعد ولكن يجب الصبر علي أفعالنا روح ذاكر واستعين بالله ومتشغلش دماغك بحاجه همك الوحيد المذاكره لانه مستقبلك ويكون في راحه ليك اضحك بقا إن شاء الله هكون كل حاجه كويسه 🥰 ربنا يوفقك في دراستك 🌟 💪 ويارب تكون استفدت من هذا الحديث
تم النشر السبت، ١٦ نوفمبر ٢٠٢٤
وعليكم السلام ورحمه الله وبركاته لا ان شاء الله انت ما تجننتش ولا اي حاجه احنا بس محتاجين نركز في بعد ما نخلص مشاهده للمسلسل او الفيلم احنا محتاجين نشوف هو ايه الحاجه اللي عجبتني قوي لانه احنا اكيد مش عجبتنا الشخصيه كلها فعلا احنا عجبتنا نقاط معينه في الشخصيه. الموضوع ده بيحصل عموما لما الشخص بيكون حابب ان هو ياخد حد قدوه فكل ما بيلاقي شخصيه ويعجب بيها بيعتبرها قدوه فاللي بياخذ حد قدوه بيبقى عاوز يبقى زيه ااا بتبقى عاوز تبقى زي الشخصيه فبتبدا تعمل كوبي منها عليك. فاحنا م ده بيقول ان انت مش راضي عن شخصيتك انت الموجوده حاليا ورافضها لذلك بيكون اسهل لكم افضل انك تاخذ اي نسخه ثانيه وتقوم اعمل لها طباعه على نفسك وتمشي وتتعايش بيها لانك مش حابب شخصيتك انت وعاوز تغير فيها حلو ان احنا نبقى عاوزين نغير شخصيتنا ونخليها احسن او نطور فيها بس ان احنا منكونش راضيين عنها تماما لدرجه ان احنا مش عايزينها تظهر خالص ومش عايزين نشوف منها اي حاجه ولا حلو ولا وحش هنا دي المشكله.حتاجين نوقف اعجابنا اللي هو الشامل الكامل بالشخصيه ونشوف هو اللي عجبنا في الشخصيه يعني مثلا انا والله عجبني في الشخصيه دي ان هي عندها اصرار ما فيش مشكله ان انا اعمل لنفسي تمرين ان انا امارس الاصرار ده بشكل يومي عشان ابقى فعلا اخذت الشخصيه دي قوه بس في الحته دي دي اول نقطه ثاني نقطه.
تم النشر السبت، ١٦ نوفمبر ٢٠٢٤
وعليكم السلام ورحمة الله وبركاته، عزيزي، ما تمر به هو تجربة شائعة بين الكثير من المراهقين والشباب، فعادةً ما نتأثر بالشخصيات التي نراها في الأفلام أو المسلسلات، ويمكن أن يؤدي ذلك إلى الشعور بالتشتت أو عدم اليقين حول هويتنا. هذا التغير في التفكير والشعور قد يكون نتيجة للطبيعة المرنة والبحث عن الهوية التي نمر بها في هذه المرحلة من الحياة. من المهم أن ندرك أن التأثر بالشخصيات ليس بالضرورة أمرًا سيئًا، بل يمكن أن يكون دليلاً على قدرتك على التعاطف وفهم مشاعر الآخرين. ومع ذلك، إذا كان هذا التأثير يجعلك تشعر بالارتباك أو أنه يؤثر سلبًا على قراراتك اليومية، فقد تحتاج إلى القيام ببعض الخطوات للتوجيه. إليك بعض النصائح التي قد تساعدك: التفكير النقدي : حاول أن تتبنى مبدأ التفكير النقدي عند تعرضك لشخصيات جديدة. اسأل نفسك لماذا أعجبت بهذه الشخصية، وما القيم التي تمثلها. هل هي تتوافق مع المبادئ التي تؤمن بها؟ البحث عن نماذج إيجابية : عوضًا عن التأثر بالشخصيات ذات الصفات السلبية، حاول التركيز على نماذج إيجابية تعكس القيم والمبادئ التي تلتزم بها. التواصل مع الآخرين : تحدث مع أصدقائك أو أفراد أسرتك عن مشاعرك وتجاربك. قد يساعدونك في تبديد بعض الضغوط وتوضيح أفكارك. تقديم نفسك : خصص وقتًا للتفكير في مَن أنت وما تريد أن تكونه. اكتب صفاتك المميزة والأشياء التي تحبها، وحاول العمل على بناء هويتك دون تأثيرات خارجية. في حال استمرار مشاعرك على هذا النحو أو شعورك بالقلق، يُفضل استشارة مختص نفسي لفهم أفكارك بشكل أعمق والحصول على دعم مناسب. تذكر أن فترة المراهقة قد تكون صعبة، لكن مع الوقت سترشد نفسك إلى الطريق الذي يناسبك. وفقك الله.
تم النشر الجمعة، ١٥ نوفمبر ٢٠٢٤
لا ما اتجننتش ولا حاجه بس ال انت بتعمله غلط، الموضوع بسيط هتبطل تتفرج على افلام ومسلسلات أو أي شخصيات واجلس مع نفسك وفكر في سؤال انت مين؟ ...طيب لو ملقتش اجابه اسأل نفسك عاوز تكون عامل ازاي وخليه انت مش عيب اننا ناخد من صفات الصحابه أو غيره من أشخاص نقتدي بيهم بالعكس دا شئ جميل جدا الأهم نكون متحكمين بمعني ان مش اي حاجه نشوفها نعمل زيها أو نشعر ان دا احنا ممكن نقتدي بحد لو فعله دا يناسب مبادئنا وطبعا اتباعا لحلال وحرام انت عندك عقل ربنا ميزك بيه يا صديقي ف متخليش فيلم يتحكم فيك أو مسلسل وركز في المذاكره عشان ربنا يكرمك كدا وتبقي حاجه انت عايزها
تم النشر السبت، ١٦ نوفمبر ٢٠٢٤
الحلو بالموضوع.. انو ناخد الصفات الحلوة والمنيحة و نتعلمها. مع اضافة صفات جديدة... يعني قرينا عن كيفية التعامل مع شخص كاذب بطريقة حكيمة... حلو نتعلم الطريقة ونضيفها ل شخصيتنا اللي عنا ياها... حلو نتطور بس ما نلغي شخصيتنا..... بهالعمر انت حابب يكون عندك شخصية تحتذى فيها ب صفاتها..... شخصيتك حلوة متل ما هية وضيف عليها صفات وطرق وتصرفات جديدة...
تم النشر السبت، ١٦ نوفمبر ٢٠٢٤
لا طبعا مش كدا
تم النشر السبت، ١٦ نوفمبر ٢٠٢٤
لعرض السؤال في فدني اضغط هنا