السلام عليكم
كنت حابه احكي عن حاجه بتحصل ف حياتي وانا بسبب الموضوع ده بيأثر فيا جدا
انا بابايا شخص كان شديد اوي وعصبي وبيضرب ماما وبيضربنا انا واخواتي ودايما هو وماما عمرهم ميتفقوا ع شئ كنا الاول عايشين ف بيت عيله وكانت حياتنا وحشه اوي ماماتي كانت بتتهاني قدام العيله كلها وتغضب وتسيب البيت وترجع عشنا امي اكتشفت انا بابا بيكلم واحده تانيه طلع عليها انها مجنونه وبتتخيل وكده لحد فعلا لما هي وصلت لمرحله وحشه اوي والكل بقا شيفها مجنونه والموضوع عدي وماما اتحسنت وخفت وكده لحد لما روحنا عشنا لوحدنا ف بيت خاص يعني من 2011كده الدنيا ماشيه زي مهي اهانه وزعيق بردو واهل بابا هما فوق واحنا تحت بيفضلهم عننا ف اي شئ
بابايا منعنا اننا نمسك التليفون بتاعه واحنا فعلا محترمين ده بس اختي الصغيره مسكته وكانت بتلعب عليه فشافت شات مبينه هو و واحده كلام مش حلو وقفلت الموبيل وجات قالتلنا المهم وجهناه قالنا مش انا دا الماسنجر واحد من صحابو واخده وكده وهو السبب وفضل يعيط وخلاص صدقناه وخلاص والدنيا عدتت لحد لما ماما اكتشفت انه بيخونها مع نفس الست اللي اكتشفتها زمان وسجلتله وانهارت بسبب الكلام اللي سمعته وجات قالتلنا عشان هي ملهاش غيرنا ف الدنيا المهم وجهناه بردو وقالنا انا اسف وكلمنا الست وشتمناها المشكله انها متجوزه كمان المهم اعتذر وحرفيا عمل حاجات كتير عشان نسامحه وكده واسلوبه اتغير ومعدش بيزعق ولا بيعلي صوته عدتت فتره كبيره اكتشفنا تاني انه رجعلهاا لا واي كمان طلع بيعمل حاجه مش كويسه معاها ف الفون وهنا انا اتصدمت كلنا اتصدمنا الموضوع كبر وفيه ناس قريبنا اتخدلت وفضلنا مخصمينه كتير ومكنش بيبات معانا ف البيت حاول كتير يتاسف وقال اخر مره واعدكم وعمل المستحيل عشان يصالحنا وانه هيتوب وهبيدا من جديد وبالفعل خلاص سمحناه وعدتت الدنيا وماما لحد دلوقتي تعبانه بسبب الموضوع ده لو سمعت اسم الست دي بيركبها ميت عفريت ولو اسلوب بابا اتغير شويه تبدا تشك فيه وكده مبقتش عارفه اصلا اتعامل معاها علشان هي الثقه عندها اتدمرت ف الكل وبقت تعبانه نفسياا المهم الموضوع ده بقالو سنه وشويه دلوقتي اكتشفت انا واخواتي انه لسه ع علاقه بالست دي الحل اي بالظبط معاه عشان انا تعبت انا واخواتي واستحاله نعرف ماما كفايه اللي هي شفته طول حياتها منه انا ادمرت وبقيت مليش مشاعر من ناحيته خالص بعيدا ع اكتشفت بردو انه بيسمع حاجات وحشه ف الفون وكده ف ادمرت اكتر عشان مكنتش اتمني انا ابويا يكون كده انا تعبت نفسياا انا طولت اوي ف القصه بس والله ده اختصار عن اللي شفته طول حياتي انا حاليا 19سنه ارجو الحل
كل واحد مننا بيعيش قصته هو و اختياراته هو هو كبير كفاية و عارف ان اللي بيعمله حرام مش محتاج نصيحتك و والدتك ده كان اختيارها و ابتلاءها من عند ربنا عشان يشوف هتتصرف فيه ازاي اما بالنسبة ليكي فعليكي بالدعاء لوالدك بالهداية و لوالدتك بالجبر و انك تكوني ابنة بارة و متحمليش والدتك اكتر من اللي هي متحملاه و انتي اتعلمي من اللي حصل لوالدتك و ركزي في اختياراتك كويس
تم النشر الخميس، ١١ يوليو ٢٠٢٤
الحل انكم تبداو تشوفو حياتكم وتذاكري وتخلي بالكم من دراستك ولو عرفتي تشتغلي أو تتعلمي مهارة تقدري تشتغلي منها اون لاين هيبقي افضل وحاولي تشغلي مامتك ف اي حاجه تطلعها من اللي هي فيه لأنها لو فضلت كده هتسوء اكتر اشتركيلها ف جيم لو حالتكم الماديه كويسه سفريها تغير جو خليها تشتغل اي حرفه يدويه تضيع فيها وقتها وانتي وأخواتك ادعموا بعض وقربوا من بعض ذاكروا وانجحوا واتخطو دا لأن باباكم حاجه انتو مخترتوهاش هو بلاء من ربنا ف ركزوا ع حياتكم وكملوا
تم النشر الخميس، ١١ يوليو ٢٠٢٤
وعليكم السلام يا حبيبتي. أنا حاسه بيكِ جدًا وبالتحديات اللي بتمرّي بيها، والموضوع فعلاً مؤلم وصعب جدًا عليكي وعلى عيلتك. أول حاجة عايزة أقولك إنك عملتِ اللي تقدري علي، وفعلاً التصرفات دي من والدك ومواقفهم ممكن تكون أثرت عليكي بشكل كبير. خلّيني أساعدك بنصايح لوجه الله سبحانه وتعالى: الوالدة : حاولي تكوني دعم قوي لأمك، هي محتاجة تشعر بوجودك ودعمك، خدي بالك منها وحاولي تهتمي بيها وتسمعيها. ساعديها تروح لأخصائي نفسي لو ممكن، هي محتاجة حد محترف يساعدها تتخطى الأزمات دي. أنتي وأخواتك : تخليكي قوية لنفسك ولأخواتك. ممكن تكوني مرشدة ليهم وتساعديهم يواجهوا الموقف ده بحكمة. الـ support group مهم جدًا دلوقتي. بخصوص والدك : لو ممكن حاولي تتكلمي مع شخص كبير في العيلة يكون عنده خبرة وحكمة ويتكلم مع والدك وينصحه. كمان لو تقدروا تخلوه يروح لطبيب نفسي أو استشاري علاقات، ده ممكن يساعده يواجه مشاكله الداخلية. حافظي على نفسك : مهم جدًا تحافظي على دراستك واهتماماتك. تجنبي أنك تركز كل وقتك وطاقتك في المشاكل دي. لازم تلاقي وقت لنفسك، روحي للدروس، اقري كتب، مارسي هواياتك، ده كله مهم لصحتك النفسية. تنظيم الأولويات : ركزي في أهدافك الشخصية وطموحاتك. اعرفي أن كل ده وقت وهيمر، وعيشي حياتك برغم السيئات اللي ممكن تتواجهيها. الأنماط السلبية دي غالبًا مش هتختفي بسرعة، فحاولي تتقبلي الوضع وتعيشي في سلام قدر المستطاع. خليكي إيجابية : دايمًا خليكي واثقة إنك قادرة على تجاوز المحن دي. قدرتك على التعامل مع الصعوبات هتقويكِ وتخليكي أقوى في المستقبل. لو حسيتِ إنك مش قادرة تتعاملي وحدك ومحتاجة مساعدة أكثر تخصصًا، بلاش تكسفي تروحي لأي شكل من أشكال الدعم النفسي. أتمنى أكون قدرت أفيدك ولو بحاجة بسيطة، وأنا هنا لو حبيتي تتكلمي أكتر وتشاركي مشاعرك. حافظي على نفسك وربنا يقويك ويحفظك.
تم النشر الأربعاء، ١٠ يوليو ٢٠٢٤
حد يقولي حل اواجه ولا مش هستفاد حاجه من المواجهه دي
تم النشر الأربعاء، ١٠ يوليو ٢٠٢٤
انا واجهت والدي باللي سمعته وحاسه اني مرتحتش بردو وثبتني بالكلام وان مفيش حاجه كل ده هبل وان هو اتعالج عن زمان وحاسس بنفسه زمان كان حاجه ودلوقتي حاجه بس انا مطلعتش كل اللي جواياا حاسه اني مخنوقه من العياط وان ازاي هو ده وكمان يضحك عليا بالكلام ندمانه اني اتكلمت.
تم النشر الجمعة، ١٩ يوليو ٢٠٢٤
انا بقيت كارف ، بقولك راح يعمل عمرة وشقط كذا واحدة ومسكت فونه قريب وهو علي تواصل معاهم
تم النشر الأربعاء، ١٠ يوليو ٢٠٢٤
ادعي طيب وكلميه وهوني علي والدتك بطريقة متحسسهاش ان في مشكلة
تم النشر الأربعاء، ١٠ يوليو ٢٠٢٤
والدي قالها قبل كدا 😂
تم النشر الأربعاء، ١٠ يوليو ٢٠٢٤
والله واجهته ف مرة كان بيتخانق ومرات خالتي جات وكانت واقفة معاه ف الخناقة وهان والدتي ، بعتله علي التيليجرام مسدج اطول من حياتي وف الاخر مسحتها ، شافها من برا ورن عليا وقالي بعتت اي وبتاع وكلمني وانا غلطت ف اي قولتله مغلطتش ف حاجة
تم النشر الأربعاء، ١٠ يوليو ٢٠٢٤
ولدي معترف انه واحد مش كويس اخر مره قال لمامتي انا راجل وحش سبوني ف حالي انا كده ربي عيالك وسبوني كده
تم النشر الأربعاء، ١٠ يوليو ٢٠٢٤
عارف نظره انك تحس انك بتحاسب ولدك دي كبيره عندي وانا مش عاوزه ده انا قولت هكلمه بس هو بردو هيقولي اسف ويعمل اللي ف دماغه بردو
تم النشر الأربعاء، ١٠ يوليو ٢٠٢٤
متخافيش وواجهيه بهدوء ، والدي بيكدب اغلب الوقت والمشكلة أنه بيحلف وهو بيكدب ونصدقه لو محلفش بس عادي ، يمكن طبيعة شغله
تم النشر الأربعاء، ١٠ يوليو ٢٠٢٤
قال لا تخافا انني معكما اسمع وارى
تم النشر الأربعاء، ١٠ يوليو ٢٠٢٤
اكيد عمري مهفضح بابايا يعني بس انا خايفه
تم النشر الأربعاء، ١٠ يوليو ٢٠٢٤
انت متجوز ، ماما تعبانه ، الست متجوزة ، عايز اي اكتر من كداااا ، انت مش مسئول ؟!
تم النشر الأربعاء، ١٠ يوليو ٢٠٢٤
النصيحة ف العلن فضيحة ، خديه علي جنب قوليله 123
تم النشر الأربعاء، ١٠ يوليو ٢٠٢٤
بيرتكب كبيرة من الكبائر : مش اتنصح خلاص نعمل اي ، نقيم عليه الحد ؟ ، كبمنا الكبير بتاعه ونصحه ومفيش فايدة ، جوز الست دي مش عارف طيب ، مقدرش افيدك بصراحة انا 19 بردو بس المهم متشيلييش ذنب حاجة معملتيهاش ، ربنا يهدينا جميعا
تم النشر الأربعاء، ١٠ يوليو ٢٠٢٤
روقي يست وركزي ع دراستك ومتشيلييش نفسك ذنب غيرك وعوضي والدتك بنجاحك واجتهادك والذي منه
تم النشر الأربعاء، ١٠ يوليو ٢٠٢٤
الموضوع كان كدا معايا بردو ، قولت لنفسي انا لازم اعوض والدتي ودا اقل شئ اعملوا ....من الاخر متشيلييش نفسك الهم مش ذنبك مش غلطتك
تم النشر الأربعاء، ١٠ يوليو ٢٠٢٤
حزين اننا شايلين الهم من زمان اوي كدا ... والدي قصته شبه والدك شوية ، والدتي مسكته قبل ما يتجوز واحده كان بيعمل معاها علاقة قبل ما يتجوزو اصلا ..اتخنقت منه فترة وانا بطبعي كتوم ف الفترة متجاوزتش ال يومين لما عرفت و حصلي كام موقف بعدها بطلت احكم علي الناس ، يمكن لو كنت مكانه كنت عملت كدا ، ربنا يهدينا جميعا كلنا مقصرين
تم النشر الأربعاء، ١٠ يوليو ٢٠٢٤
up
تم النشر الأربعاء، ١٠ يوليو ٢٠٢٤
تمام 😂
تم النشر الأربعاء، ١٠ يوليو ٢٠٢٤
علمتهوله عشان يتواصل مع شركة كدا صينية
تم النشر الأربعاء، ١٠ يوليو ٢٠٢٤
والدي راح عمل عمرة واتعىف علي اجانب ومعايا ليه سكريتات مع روسيين بيكلمهم ب المترجم اللي ف الكيبورد وانا اللي علمته دا لول
تم النشر الأربعاء، ١٠ يوليو ٢٠٢٤
الفرق بينك وبيني انك ولد وانا بنت الشعور اكيد مختلف بس مامتي مهما اتكلم معاهاا مفيش فايده فيها هي بتقول انها كويسه ونسيت بس هي لو بس اسلوبه اتغيرر بتتخانق معاه وتفضل تقوله انت رجعتلها وكده وفعلا بيكون احساسها صح والان هو فعلا رجع للست دي بس ماما متعرفش حاجه
تم النشر الأربعاء، ١٠ يوليو ٢٠٢٤
المشكله انه كده بيركتب كبيره من الكبائر بيعمل كده مع واحده متجوزه والمشكله اننا مش عرفين مبينهم اي هو ف الاول اعترف ان مبينهم فلوسوهي بتاخد منه فلوس وكده لاكن مكلمتهم تدل ان فيه حاجه اكبر من كده بس مش عرفين
تم النشر الأربعاء، ١٠ يوليو ٢٠٢٤
اكيد كلنا مقصرين بس ليه نستحمل ده ليه بيحصل كده ومينفعش نغلطه عشان هو الكبير واحنا الصغيرين ليه بقيت لما اجي احكي او اتكلم عنه اعيط واحسن ان قلبي بيتكسر انا كنت اقرب واحده ليه من اخواتي حسيت ان الخيانه دي حصلت فيا انا كمان وبقيت لما اشوف الست دي ف الشارع جسمي يوجعني واتخنق من العياط اللي جوايا ليه بقيت شايله هم ف سن المفروض اعيش فيه طفولتي وايه ذنب الطفله الصغيره انها تعرف كل ده عن ابوهاا بقيت مش طايقه اي راجل بسببه ليه بيحصل كده
تم النشر الأربعاء، ١٠ يوليو ٢٠٢٤
لعرض السؤال في فدني اضغط هنا