السلام عليكم ورحمة الله وبركاته
أنا مواليد 30 /05 /2001
أنا طالب أزهري بدرس في الأزهر من أولى ابتدائي لحد دلوقتي وكنت بفضل الله شاطر ومتفوق جدا جدا في الدراسة لدرجة اني كنت بطلع الأول كل سنة
وفي تالتة اعدادي موسم 2016 كنت جايب بالظبط 98.5% وطالع الأول على محافظة الشرقية
بعدها علطول زي ماكون تعرضت للحسد
دخلت أولى ثانوي ولسة في الترم الاول بالظبط في تاريخ 06/11/2016 وانا طالع من الدرس موتوسيكل جاي بسرعة رهيبة خبطني في دماغي خبطة جامدة جدا جالي في لحظتها نزيف داخلي في المخ
عملت عملية مخ مفتوح وقعدت بعدها شهر كامل متواصل في المستشفى في غيبوبة بدون أي استفاقة أو أي حركة إلا بعد شهر
بعد شهر فوقت من الغيبوبة بس وانا بعاني ضعف حاد جدا في الذاكرة والذكاء والتركيز خاصةً في الدراسة
فمستوايا الدراسي نزل بشكل كبير لدرجة اني في تالتة ثانوي كنت جايب بالظبط 54.6% وطالع الأخير على زملاتي
كنت قبل الحادثة شاطر جدا في كل المواد الدراسية وأكتر مادتين كنت بحبهم وشاطر فيهم هما الفيزيا والرياضيات فكان حلم حياتي اني أدخل هندسة وبالتحديد قسم مدني لاني كنت بحب القياسات والاثباتات وكان من السهل جدا اني أدخلها
بس لما حصلت الحادثة مستوى ذكائي في كل المواد الدراسية نِزل خالص خاصةً في الفيزيا والرياضيات وسبحان الله زاد في مادة واحدة بس وهي الانجليزي من عند ربنا كدة
فدعيت ربنا ليل نهار وفي كل سجدة إني أدخل تربية انجليزي وسبحان الله تربية سنتها أخدت من حد أدنى 50% بس
دخلت تربية واتخصصت قسم إنجليزي شعبة عامة جامعة الأزهر تفهنا الأشراف محافظة الدقهلية
والمفروض أكون اتخرجت عام 2022 بس لسة في تالتة السنادي للأسف
يعني متبقيلي سنتين واتخرج ومش عارف هيبقو سنتين بس ولا أكتر لان تحصيلي واستيعابي في الدراسة ضِعِف جدا بعد الحادثة
وكمان وانا في الغيبوبة وبسبب خطأ طبي أثَّر بشكل كبير جداً على أحبالي الصوتية
الدكاترة ركبولي خراطيم تنفس صناعي داخلة من بوقي وواصلة لحد الحنجرة من جوة وطوال فترة الغيبوبة وهي في بوقي مش شالوها خالص فزوري لَحَم ع الخراطيم
فاتكونت لحمية ع الأحبال الصوتية
فلما فوقت من الغيبوبة وشالو الخراطيم زوري بقى ضيق جدا بسبب اللحمية اللي اتكونت ع الأحبال الصوتية بسبب الخراطيم
فبقيت مبقدرش أتكلم نهائيا وكنت بتنفس بصعوبة كبيرة جدا
فلحد دلوقتي عملت 3 عمليات في الأحبال الصوتية
2 توسيع بالليزر مجابوش نتيجة كاملة
عملت عملية شق حنجري (استئصال أحبال صوتية) الدكتور قص الجزء الضيق ووصل الطرفين ببعض بس صوتي لسة ضعيف
فالدكتور كشف عليا بالمنظار الحنجري لقى الحبل الصوتي اليمين فيه ضعف من أثر العملية الأخيرة اللي هي الشق الحنجري
فقالي هنعوز نعملك عملية حَقْن حبل صوتي
فتشاور مع دكاترة زملاته ومساعدينه في قسم الأنف والأذن والحنجرة فتوصلوا ان هما لو عملولي عملية الحَقْن مادة الحَقْن هتقفل مجرى التنفس ومش هعرف أتنفس واموت
فاقترح اني أعمل جلسات تخاطب
فعملت هما 10 جلسات والدكتور قالي كدا خلاص كل اللي عليك انك تكرر التمارين دي مع نفسك في البيت وبس
وكمان بسبب الحادثة بعاني ضمور عصبي جزئي في أعصاب التحكم للجانب الأيمن فقط كاملاً من الكتف للقدم بس بعد جلسات العلاج الطبيعي وجلسات الكهربا الضمور بقى في أنامل اليد اليُمنى فقط
وكمان بسبب الحادثة لحد دلوقتي ودا أهم حاجة متدمر نفسياً بشكل كبير جداً في حاجة واحدة بس وهي بسبب ان صدمة الحادثة كانت شديدة جدا في دماغي فأثرت على أعصاب كتيرة منها الأعصاب الجنسية
فبقت عندي الشهوة الجنسية عالية جدا طول الوقت
فبقيت للأسف بعاني من إسراف شديد في ممارسة العادة السرية وتصفح المواقع الإباحية
أنا بسبب الحالة النفسية دي روحت لأكتر من 5 أخصائيين نفسيين وروحت مركز تأهيل نفسي عملولي هناك اختبارات ذكاء كنت بحلها صح بسرعة جدا وحتي اني دخلت مصحَّة نفسية قعدت فيها شهرين وبرضو مفيش أي تحسُّن في النفسية
أنا بصراحة تعبان جدا ومحتار من الدكاترة
دكتور يقولي حالتك دي في الطب النفسي اسمها هوس ثنائي القطب ودكتور تاني يقولي دا وسواس قهري وآخر واحد قالي دا إكتئاب
أنا معنتش قادر أتحَمِّل أكتر من كدة لدرجة اني في أحيان كتيرة بفكر اني أموت نفسي عشان أرتاح
وشكراً
السلام عليكم ورحمة الله وبركاته... بص ي أستاذ، أنا أينعم مش خبيره ف الطب أو في الحاجات دي، بس في حد من المقربين ليا كان مر بنفس الحاله دي (الحسد)، قبل مأتكلم ف الحلول وغيره، هقولك إن اللي حضرتك بتقنع بيه دماغك هو اللي هيحصلك، فاهمني؟؟ هوضحلك بمثال حصل علي أرض الواقع.. " راجل في سيرك جاب واحد من الناس اللي قاعده في قاعة المشاهده وقعده علي مقعد وعمل ليه تنويم مغناطيسي ونيمه، وبعدين قال للناس اللي بتتفرج انه هيقول للراجل ده انه هيخليه مختفي، بس عايز منهم يعملوا نفسهم مش شايفينه بجد عشان يصدق، المهم الساحر بتاع السيرك ده صحي الراجل من التنويم المغناطيسي وقاله انه خلاه مختفي ومحدش شايفه غيره هو، ف الراجل مصدقش ونزل من علي المنصه للناس وقعد يلف حواليهم والناس بتتصرف عادي أڪنهم مش شايفينه لحد م الراجل بالفعل اقتنع انه مختفي ومحدش شايفه، مع انه ف الواقع كل الناس شايفاه. عايزه أوصل معاك لـ إيه؟ عايزه أقولك ان الراجل اقتنع فعلا انه مختفي ومحدش شايفه عشان الساحر قاله كده، الساحر هنا بيتمثل ف أفكارنا علي أرض الواقع وأفكار الناس وآرائهم وبالنسبه لحضرتك أفكار الدڪاتره النفسيين بالأخص، ف لما دكتور يقولك انك عندك اكتئاب، هتبدأ تتصرف كأنك عندك اكتئاب بالفعل وهتقتنع بده من غير متحس، وهتقتنع بغيره من التشخيصات، حتي لو انت مش عايز ، لأننا بنتأثر باللى بنسمعه واللى بنشوفه لا اراديا، ف أول خطوه ڪده بسم الله الرحمن الرحيم: • تغيّر أفكارك تجاه نفسك. متقعدش تقول لنفسك انك معدل ذكائك قل، وإنك بقيت غير منتج وإنك وووو..(حتي لو ده كان صحيح) أنا عايزاك تقنع نفسك (اقناع كاذب) انك كويس وان الحادثه دي زي أي حد عمل حادثه في تاريخ الحوادث، طيب تعمل اي يعني، اقعد كلم نفسك وقولها انا جامد جدا، انا كويس، كل اما تلاقي نفسك بتتعرض لتفكير سلبي، كلم نفسك بصوت مسموع وقول لنفسك أنا بخير، انتِ بخير ومفكيش حاجه، خليك حنين علي نفسك، وعن تجربه بجد، انا بعمل كده مع نفسي، وبتنفع جدا.. وافتكر ان ده قضاء ربنا ومش بإيدك تغيره، لا انت لازم تقول الحمد لله يارب، شكرا انها جات لحد كده، يقول عمر بن الخطاب : "لو عرضت الأقدار على الإنسان لأختار القدر الذى أختاره الله له." متقعدش تقنع نفسك ان شهوتك عاليه ومش عارف اى، ده الشيطان م صدق لقي باب يدخلك منه، لأاه لازم توقف المهزله دي وكل اما. يجي يوسوسلك قوله لا يحبيبي امشي من هنا، اومال فين مجاهدة النفس بقا، هو كل اما نفسك تقولك روح شمال هتروح وراها، لا لا كده مش صح، لازم توقف مع نفسك كده وتشوف تصرفاتك، وبعدين حضرتك متعرفش قصة بروسلي.. بروس لي تعرض لإصابة خطيرة في ظهره أثناء تأديته لتدريب مكثف. القصة بدأت عندما كان يقوم بتمرين رفع الأوزان الثقيلة دون إحماء كافٍ،. أثناء التمرين، حدث تمزق في عضلات أسفل ظهره وتضررت الفقرات القطنية بشدة. الإصابة كانت خطيرة للغاية لدرجة أن الأطباء حذروا بروس لي من أنه قد يفقد قدرته على ممارسة الفنون القتالية أو القيام بنشاطات بدنية شاقة مرة أخرى. الإصابة تركزت في منطقة أسفل الظهر، حيث تعرض لتمزق في العضلات و إصابة في القرص الفقري. كان الألم حادًا ومزمنًا، نصح الأطباء بروس لي بالراحة التامة وتجنب أي أنشطة رياضية، مع احتمال وجود خطر دائم في الظهر. رد فعل بروس لي: بدلاً من أن يستسلم، قرر بروس لي أن يحول هذه الإصابة إلى فرصة للتعلم والتطوير. خلال فترة التعافي، قام بما يلي: . التأمل والدراسة: . التأهيل البدني: خضع لبرنامج تأهيلي صارم تحت إشراف متخصصين، واستمر في أداء تمارين خفيفة لتحسين مرونة وقوة عضلات ظهره. . تطوير أسلوبه القتالي: بدأ في تعديل أسلوبه القتالي ليصبح أكثر كفاءة، التأثير على حياته المهنية: على الرغم من الألم المستمر الذي عانى منه طوال حياته، عاد بقوة وقدم أشهر أفلامه بعد الإصابة، إصابة الظهر لم تكن فقط تحديًا جسديًا، بل كانت اختبارًا لصبره وعزيمته، وأثبت بروس لي من خلالها أن الإرادة يمكن أن تتغلب على أصعب التحديات. هو م استسلمش ف لي انت تستسلم؟؟ النقطه التانيه: •انك تروح لطبيب القلوب. ترجع لربنا وتشتكيله وتعيط ليه وتقوله يارب ساعدني، انت فين من قيام الليل ، انت فين من صلاة الفجر، اعرف ربنا ف الرخاء عشان يعرفك ف الشده، بتقرأ قرءان ولا لأ، بتصلي الصلوات ف معادها ولا لأ، ربنا بينزل السماء الدنيا كل ليله عشان بس ندعوه متخيل، ان ربنا بجلالته وعظمته بينزل لينا احنا، واحنا بدل م نستقبله احسن استقبال، بننام، وسبحانه يقعد يقول: "هل من داعٍ فأستجيب له، هل من مستغفر فأغفر له". حضرتك غين من ده كله، مستحيل حد يروح لربنا وربنا يرده أبدا. •سورة البقره. السوره دى متفارقش بيتك، شغلها ف البيت ليل نهار، بجد انت عارف السوره دى، انا كنت ببقي مش قادره والهم كان بيبقا زى الجبل علي كتفي، وكل م. بتقدم ف قراءة السوره كل م بشعر ان الجبل ده بيبدأ يخف من كتفي. وبعدين في.. حديث رسول الله صلى الله عليه وسلم عن سورة البقرة مشهور ويظهر فضلها العظيم. من الأحاديث النبوية المتعلقة بسورة البقرة: 1. فضل قراءتها وطرد الشياطين: قال النبي صلى الله عليه وسلم: "اقرؤوا سورة البقرة، فإن أخذها بركة، وتركها حسرة، ولا تستطيعها البطلة." (رواه مسلم). "البطلة" تعني السحرة، فقراءتها تحمي من السحر والشياطين. 2. حماية البيت من الشياطين: قال رسول الله صلى الله عليه وسلم: "لا تجعلوا بيوتكم مقابر، إن الشيطان ينفر من البيت الذي تُقرأ فيه سورة البقرة." (رواه مسلم). 3. آيتا الحفظ والفضل (آية الكرسي وخواتيم البقرة): قال صلى الله عليه وسلم عن آية الكرسي: "من قرأ آية الكرسي دبر كل صلاة مكتوبة لم يمنعه من دخول الجنة إلا أن يموت." (رواه النسائي وصححه الألباني). وقال عن خواتيم سورة البقرة: "من قرأ بالآيتين من آخر سورة البقرة في ليلة كفتاه." (رواه البخاري ومسلم). قيل إن "كفتاه" تعني الحفظ من الشرور، أو أن قراءتهما تكفي عن قيام الليل. فوائد هذه الأحاديث: سورة البقرة حصن منيع ضد الشياطين والسحر. قراءتها تجلب البركة للبيت وللأهل. خواتيمها وآية الكرسي تحفظ الإنسان من الشرور. لتطبيق هذه الأحاديث، ينصح بقراءة سورة البقرة بانتظام في البيت، أو تقسيمها على أيام إن كان يصعب قراءتها كاملة يوميًا. وبس كده اتمنى تكون استفدت حاجه والسلام عليكم ورحمة الله وبركاته.
تم النشر الاثنين، ٢٣ ديسمبر ٢٠٢٤
بقدر شجاعة حضرتك جدا انك تحكى كل مشاكلك والصعوبات اللى مريت بيها ممكن تجرب اخصائى علاجه عن طريق سلوكى معرفى مش مجرد ادوية وخلاص عن تجربة شخصية فرق معايا جدا العلاج السلوكى المعرفى عارفة ان تجاربى مش مؤلمة او صعبة زى حضرتك بس مجرد محاولة ممكن تفيد بالغرض وتكون صالحة لحضرتك لو حضرتك فى اسكندرية ممكن ارشحلك المكان اللى باخد فيه علاجى هو مكان فى دكاترة واخصائين علاج معرفى سلوكى
تم النشر الاثنين، ٢٣ ديسمبر ٢٠٢٤
تجربه صعبه فعلا وانا كنت مفكره ان مفيش حد عايش الوجع اللى اناعايشاه حقيقي ربنا يصبرك 💔 صلى قيام الليل كتير وادعى دا اختبار من ربنا خليك قوى واستحمل متفكرش ف الانتحار الحياه مش مستهله اما بالنسبه للشهوه فكل متحس بكدا قوم اتوضا وصلى واستغفر ربنا اتكلم مع الناس الفرفوشه هزر معاهم هيفرق جداً وربنا يفرح قلبك 💚
تم النشر الاثنين، ٢٣ ديسمبر ٢٠٢٤
كل لحصلك ده بسبب عدم قربك لربنا ربنا لما بيلاقي العبد بعيد عنو يبعتله اختبار أو ابتلاء علشان عاوز ترجع تصلي تاني أو بيعت ابتلاء علشان يشوف مدة صبرك هل هتصبر علي ابتلاء ولا اي لازم تصبر هيعوضك باجمل العوض في حياتك بإذن الله موضوع نفسيتك ده هيتحسن لما تكون مع ربنا ولا بدكاتر نفسية ولا اي حاجه لما تكون راضي ربنا هيراضيك خليك دايما مع ربنا ربنا جميل وغفور رحيم خل عندك امل وثقة بالله انه العوض هيجيلك عليك بالقرآن والصلاة في أوقاتها دايما ودعوات وقيام الليل حاول اخرج واتعرف علي ناس كويسه تدعمك بكلام إيجابي حاول تتعلم اي حاجه ممكن لما تنشغل في حاجه تاخد وقتك تنسي اي تفكير سلبي ربنا يشفيك ويعافيك يارب وتحقق كل نفسك فيه بإذن الله
تم النشر الاثنين، ٢٣ ديسمبر ٢٠٢٤
وعليكم السلام ورحمة الله وبركاته. أخي الفاضل، أولاً أود أن أشيد بشجاعتك في مواجهة التحديات الصعبة التي مررت بها، وأتفهم تمامًا أن ما تمر به من آلام جسدية ونفسية قد يكون مؤلمًا ومعقدًا. تعرضك لحادث مؤثر على حياتك بهذا الشكل أمر مفجع، ولكن يجب أن نبحث عن الأمل والإمكانيات. لعلك تدرك أن حالتك قد تتطلب مزيجًا من العلاج الطبي والنفسي، وليس من السهل تحديد التشخيص الدقيق في بعض الحالات. تأكد من خضوعك لبرنامج دعم نفسي مستمر، فالتنسيق بين الأطباء النفسيين والمعالجين يمكن أن يكون ذا فائدة كبيرة. نصائح عملية: استمر في العلاج الطبيعي: استمر في جلسات العلاج الطبيعي التي تساعدك على تحسين القدرة الحركية وتقليل الضمور العصبي. توجيه نفسي: حاول أن تبحث عن معالج نفسي ذو خبرة في حالات ما بعد الصدمة. من المفيد أن تلتمس الدعم من شخص يفهم حالتك بشكل جيد. التحكم في العادة السرية: من المهم أن تضع لنفسك خطة للتحكم في هذه العادة. يمكنك البحث عن أنشطة لتعزيز انشغالك وتشغل وقتك بشيء مفيد. المشاركة في مجموعات الدعم: الانضمام إلى مجموعات دعم محلية أو عبر الإنترنت قد يساعدك على مشاركة تجاربك مع أشخاص آخرين يمرون بتجارب مشابهة. التواصل مع الناس: حاول أن تتواصل مع أصدقائك أو أفراد عائلتك، دعمهم لك قد يكون له تأثير إيجابي على حالتك النفسية. تذكر، أن التوجه إلى الله بالدعاء والإيمان بأن كل شيء بقدر الله يمكن أن يكون مصدرًا للراحة والسكون النفسى. كن دائمًا متفائلًا وابحث عن الأمل، واذكر دائمًا أن كل تجربة تحدث لنا تحمل في طياتها دروسًا قوية. وفقك الله وأعانك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٢ ديسمبر ٢٠٢٤
لعرض السؤال في فدني اضغط هنا