انا بحب واحد بقالي اربع سنين مش عارفه بيحبني ولا لا هو احنا جيران لما يشوفني في العماره بيقعد يبص عليا قوي من كتر ما انا بحبه وعرفت مامته بس هي للاسف ما ساعدتنيش كانت بتلعب معايا لعبه الشخصيةالطيوبه الكويسه وهي عكس كده خالص لدرجه ان هو كان ييركب معايا الاسانسير ويبقى حابب يركب معايا وفجاه واحده لقيته ما بقاش بيحب يركب معايا خالص ويقول لها عشان تبقي براحتك ودي كلمه مامته وهي عايشه لي في دور انا عايزاك لابني بس هو مش حاطط في دماغه الموضوع ده هتقعد تقول لي حاولي معايا وكده بس انا من البنات اللي هي عمرها ما اتكلمت ولد و هو نظراته ليا عكس اللي مامته بتقوله ومن فتره ظهرت بنت من قرايبه على الاكونت بتاعه متابعه قوي وهو كذلك الكلام فحتى لما سالت مامته قعدت تاكد لي ان هو ما لوش علاقه بيها اصلا وقعدت نص ساعه تكلمني و تاكد عليا المعلومه دي بس هو انا مقتنعه ان ما فيش ما بينهم حاجه لاني هي البنت اصغر منه بعشر سنين وهو من الناس اللي بيحب البنات المحجبه ملتزمه في لبسها والبنت دي عكس كده انا وهو ما فيش ما بينا كلام خالص في نفس الوقت مش عارفه اشيل الموضوع من دماغي وخايفه اخد اي خطوه في نفس الوقت عملت بلاك بلوكات لمامته لاني بجد متضايقه منها قوي ممكن تقولوا لي اعمل ايه
تجاهليه...وادعي ربنا ولو فيه الخير هيبقي من نصيبك إن شاء الله
تم النشر السبت، ٢٧ يناير ٢٠٢٤
ربنا يعينيك على نفسك وعليه اصبري ان يأتي لخطبتك ويتزوجك على سنة الله ورسوله
تم النشر السبت، ٢٧ يناير ٢٠٢٤
مش المفترض تعملى اى حاجة دى مشاعر مفيش مشكلة منها.. انما الأفعال دى كلها مش هتودى ولا تجيب لأى نتيجة لطيفة ليكى... الأفضل تسيبى نفسك لظروف اللى مكتوب ليكى وتفكرى بأكثر من انه مجرد إعجاب وان مسألة الارتباط والزواج محتاجة اتأكدى ان فعلا ده شخص مناسب ليكى.
تم النشر السبت، ٢٧ يناير ٢٠٢٤
ركزى فى حياتك وتعلميك ودينك. أما بالنسبه لأمه ف للأسف اغلب الستات مش ساهله وبتكدب عشان تقنع الناس بكلمها فبالتاكيد كرهته فيكى زى ما انتى بتقولى بس لو عايزاه يكسبك اوعى تعالى امه وحش او تعملى بلوك او اى حاجه ولو بتحبيه خليه يعرف منك انتى وهو حر بعد كدا اما بالنسبه للاسانسير المفروض ميركبش ده الطبيعى ولو هو ركب معاكى انتى تمشى وتخليه يركب وحده صدقينى اكتر حاجه بتلفت الشباب ف البنات الادب والحياء اوعى ترخصى نفسى باى كلمه او فعل اتمنى اكون ساعدتك
تم النشر السبت، ٢٧ يناير ٢٠٢٤
هاتى ورقه واكتبى اسمه فيها وبكل ثقه اقنعى نفسك انك تستاهل احسن منه مليون مره واحرقى الورقه بس وقتها تكونى ع يقين واراده انك مش هتفكرى فيه تاني أنتى تستاهلي الأحسن والاجمل ربنا يسعدك ♥
تم النشر السبت، ٢٧ يناير ٢٠٢٤
لعرض السؤال في فدني اضغط هنا