انا خاطب وداخل على جواز ،انا طبيعتي بتعامل بسجيتي مع الناس و بحسن نيه و اللي ف قلبي على لساني ،خطيبتي كل مره بتعايرني بكدا ،و تقولي مينفعش تبقى مع الناس كدا ،و الراجل لازم يبقى تقيل و كلامه موزون و قليل و راسي و ليه قيمه،و تقعد تقولي مينفعش تبقى كدا و الناس تعايب و تقولي عليك انك على نياتك ،انا بصراحه زعلت من كلامها و مش عارف اتعامل ازاي ،مش عايز الاقيها بتقلل مني،مش عايز يبان عليا شخصيه ضعيفه قدام خطيبتي؟
هل اللى هى نصحتك فيه ده فعلا حاجة بتسببلك مشاكل فى علاقاتك مع الناس ؟
تم النشر الثلاثاء، ٢ أبريل ٢٠٢٤
خطيبتك كدا مش بتعايرك هي بتنصحك بوجهه نظرها و ممكن تكون دي وجهه نظرها فعلا و مش بتقلل منك ولا بتقول إنك شخصيه ضعيفة كلامها في إتجاه تاني خالص وهو إنك تفكر في الكلام قبل ما تقوله وتقلل عشم مع الناس .. والموضوع بسيط لو شايف انك مش عايز تتغير في النقطه دي تقدر تتكلم معاها بكل صراحه وتقولها انا شخصيتي كدا ومش هقدر أغيرها ومش حابب نفتح الكلام في النقطه دي تاني
تم النشر الثلاثاء، ٢ أبريل ٢٠٢٤
اما عن الطيبه ، النبي صلي الله عليه وسلم قال مادخل الرفق في شىء إلا زانه و ما نزع من شئ إلا شانه ، و قال يدخل الجنة أناس أفئدتهم كأفئدة الطير ،، أما عن كثر الكلام فإن خير الكلام ما قل و دل و قال النبي صلي الله عليه وسلم من كان يؤمن بالله و اليوم الأخر فليقل خيرا أو ليصمت
تم النشر الأربعاء، ٣ أبريل ٢٠٢٤
شخصيتك دي مش ضع دي طيبه واذا كان هي مش عجباها شخصينك وعايزه تغيرها علي مزاجها فليه توافق عليك من الاساس انت لو شخصيتك عجباك ومرتاح فمتغيرش نفسك عشان حد دا مش لعب دا زواج يعني لازم توافق ويكون الطرفين راضيين عن بعض ودي من قبل الجواز عايزاك تتغير
تم النشر الثلاثاء، ٢ أبريل ٢٠٢٤
اتعامل براحتك واتعامل على طبيعتك محدش ليه عندك حاجة ومحدش ليه الحق يدخل في شخصيتك واسلوبك عشان الناس الطيبة الي بتتعامل بطبيعتها قليلة ودلوقتي كلو بقا بيزوق الكلام قبل ما يطلعه بقو مستغربينهم دلوقت لو هي مش عاجبها طبعك وشايفة ان معنى انو يكون راجل انو يبقا راسي وكلامه موزون فدا غلط لان الراجل هو الي بيخاف ربنا في اهله وفي الي مسؤول عنهم هو الي بيتبع كلام ربنا والي بيغير على اهل بيته يستحسن متكملش معاها لانها هتقرفك لما تتجوزو وهيجي الوقت الي هتلاقي فيه الطيبة الي بتتعامل بطبيعتها الي متقللش منك وتفهمك عشان هي شبهك
تم النشر السبت، ٦ أبريل ٢٠٢٤
لعرض السؤال في فدني اضغط هنا