أنا لا اطيق صديقة لي في الدراسه وهذا بسبب كذبها علي وخداعها المستمر حيث أنها تلهيني عن المذاكره لتذاكر هي فـأصبحت لا أطيقها إطلاقا ولا أريد سماع صوتها ولا سيرتها وان سمعت عنها أغتم وأعاني من ضيق في نفسي وهي تحبني ولكن تحب نفسها أكثر فـأريد حل لقطع علاقتي بها ولكن بدون جرح مشاعرها.
انا شايف ان اللى يكذب عليكى و يخدعك و كمان بتلهيكى عن المذاكرة علشان تذاكر هى ف دى متستهلش تكون صحبه اصلا و لو قطعتى علاقتك بيها مرة واحدة او بأى طريقة عموما ف انتى مش غلطانة دة رد فعل طبيعى يعنى هو مش المفروض بعد كل ده انتى تخافى على مشاعرها
تم النشر الأحد، ٢٢ سبتمبر ٢٠٢٤
اعملى نفسك مشغوله مع ماما او فى البيت او ان مامتك بقت مش بتسمحلك بالكلام كتير او بالموبايل كتير واحده واحده المساحة بينكم هتكبر وترتاحى
تم النشر الأحد، ٢٢ سبتمبر ٢٠٢٤
هتكلمها وتقول لها ان اهلي زعلانين مني بسبب درجات واهمال الدراسه وانا المفروض ان انا ابص لحياتي في الوقت ده انا مش هقدر اتكلم معاكي والموضوع هيخلص شويه ومع التدريج هتبقى انت ليك حقق كثير انك بتذاكر انك بتروحي الجيم انك قاعد مع اهلك من الحاجات الاساسيه دي هي مش هتقدر تتكلم لو اتكلمت فلا تتكلمي في مستقبلي فساعتها تبقى منها مش منك انت ولا احراج ولا حاجه وبتتكلم في حاجه حقيقيه
تم النشر الأحد، ٢٢ سبتمبر ٢٠٢٤
عزيزتي، أعلم أن التعامل مع أشخاص لا نطيقهم يمكن أن يكون تجربة صعبة جدًا، خاصة عندما يتعلق الأمر بأشخاص في دائرة حياتنا مثل زملاء الدراسة. من المهم أن تعتني بنفسك ومشاعرك في هذا الموقف، ولكن في الوقت نفسه عليك أن تقومي بذلك بطريقة تتجنبي بها جرح مشاعر الآخرين. إليك بعض الخطوات التي يمكن أن تساعدك في التعامل مع هذه الوضعية: تحديد الحدود : من الضروري أن تحددي حدودك بوضوح. يمكنك تقليل تواصلك معها دون الحاجة إلى جرح مشاعرها. مثلاً، قللي من اللقاءات والاجتماعات التي تتعلق بالدراسة واكتفي بالتواصل الضروري فقط. التواصل بصراحة : إذا شعرت أنك قادرة على القيام بذلك، يمكنك التحدث معها بوضوح ولكن بلطف حول شعورك. يمكنك أن تشرحي لها أن الدراسة تتطلب تركيزك وأنك بحاجة إلى بعض الوقت لنفسك. تجنبي توجيه اللوم لها وبدلاً من ذلك ترافق حديثك بمشاعرك الشخصية. التركيز على الأولويات : اشغلي نفسك بأمور تناسب اهتماماتك وتساعدك في تحقيق أهدافك الدراسية. تفرغي لقراءة، أو ممارسة أنشطة تحبينها، أو الانخراط في أنشطة جماعية مع أشخاص يدعمونك. الدعاء والاستغفار : تذكري أن العلاقات الإنسانية جزء من اختبار الحياة. فتسليم نفسك إلى الله والدعاء أن يهديها ويقويك في اتخاذ القرارات الصائبة قد يكون له أثر إيجابي على وضعك النفسي. البحث عن الدعم : تحدثي إلى أصدقاء آخرين موثوق بهم يمكنهم دعمك في هذا الوضع. وجود نظام دعم يمكن أن يعطيك القوة للتعامل مع المواقف الصعبة. الأهم من ذلك، كوني حنونة مع نفسك واعتبري أن إنهاء العلاقات السلبية في حياتك أمر يُظهر قوتك ووعيك الذاتي. وفقك الله في مسيرتك، وأعانك على إيجاد توازن في علاقاتك.
تم النشر الأحد، ٢٢ سبتمبر ٢٠٢٤
تجاهلها وهي هتبعد لوحدها
تم النشر الاثنين، ٢٣ سبتمبر ٢٠٢٤
حاولي انك تبعدي عنها قد ما تستطعي يعني مثلا طبقي مقوله صباح الخير يا جاري انت في حالك وانا في حالي يعني مثلا قالت لك صباح الخير قولي لها صباح النور لكن ما تتكلميش معاها في الحاجات الهايفه بس في الضروره
تم النشر الاثنين، ٢٣ سبتمبر ٢٠٢٤
اتفقنا، جزاكِ الله خيرا🫶🏻
تم النشر الأحد، ٢٢ سبتمبر ٢٠٢٤
تمام، في الحالة دي محتاجة تبقي حازمة معها أكتر، لحد ما تقطعي معها بالتدريج خليكِ شديدة واتعلمي تقولي لأ... هترن عليكِ قولي لها ورايا مذاكرة زي ما بتقولي لقيتيها بتحاول تجرك زي ما بتقولي وتدخلك في مواضيع قولي لها آسفة مش هينفع نتكلم، خليها في وقت تاني أبقى فاضية فيه وقولي مع السلامة واقفلي.... لو اتضايقت متهتميش ما دام هي مش بتهتم لانشغالك ولمذاكرتك... من أهم الحاجات أصلا اللي لازم تتعلميها عشان تنجحي في حياتك إنك تتعلمي امتى وإزاي تقولي لأ... فيه حاجات طبعًا مينفعش نقول فيها لأ زي حالة طوارئ أو بابا وماما عاوزين مننا حاجة... غير كده أي حد يعطلنا أو يشغلنا بحاجة مش مطلوبة مننا وبتضيع وقتنا نقول لأ ونكون قويين واحنا بنقولها... وزي ما باقي الإجابات نصحتك اعملي واقطعي معها بالتدريج. بالتوفيق لك.
تم النشر الأحد، ٢٢ سبتمبر ٢٠٢٤
أنا باخد كل دروسي بره وهي مش بتاخد غير درس واحد بس وبتقعد تذاكر الباقي في البيت وهي قيلالي إنها بتذاكر بالنهار وبتبقى عارفه مواعيد دروسي من باب الفضول وطبعا بخلص ع المغرب وبروح أكل وأخد شاور وأول ما ابتدي أذاكر تروح ترن عليا بقولها ورايا مذاكره تدخلني في مواضيع كتير مليش دعوه بيها لحد ما ماما تزعق وأقفل طبعا بكون خلصانه فبنام ومش بذاكر فضل الموضوع ده يتكرر وأسالها ذاكرتي حاجه تقولي مفتحتش كتاب وتحبطني لحد ما أكتشفت انها طلعت من الأوائل وأنا اللي كنت دايما بطلع الأولي طلعت التامنه من ساعتها وأنا بحاول أتقبلها مش عارفه
تم النشر الأحد، ٢٢ سبتمبر ٢٠٢٤
طيب إيه اللي أكد لك إنها بتتعمد تلهيكِ عن المذاكرة؟ هل شخص آخر نقل لكِ الكلام ده عنها؟
تم النشر الأحد، ٢٢ سبتمبر ٢٠٢٤
أنا عملت كده فعلا ونقلت دروسي من البلد لبلد تانيه أصلا بس هي بردو لسه متمسكه بيا وبتقولي إني من ساعت ما صحبتها ابواب الخير اتفتحت وابتدت تبقى شاطره
تم النشر الأحد، ٢٢ سبتمبر ٢٠٢٤
السلام عليكم و رحمة اللّٰه و بركاته ممكن مثلا لو هي عندك واتساب او غيرو مترديش ع الرسايل قللي معاها كلام و خروج قوليلها مش فاضيه مش لازم تقولي بذاكر قوليلها برتب مع ماما مثلاً او خارجين ف الدروس ممكن تغيري مواعيد دروسك ف مجاميع تانيه كوني صحاب جديده هتلاقي نفسك اتعاملتي معاهم اكتر منها تلقائي و هي مع الوقت هتبعد بنفسها مثلا هي فتحت مواضيع انتي اقفلي المواضيع و ردي ع قد السؤال هي ، و بكدا هتكوني بعدتي بهدوء و منغير متجرحي مشاعرها .
تم النشر الأحد، ٢٢ سبتمبر ٢٠٢٤
لعرض السؤال في فدني اضغط هنا