عاوزة اي وسيلة تساعدني على التركيز مش ببقى بفكر في حاجه ومع ذلك مش مركزة وبالذات لو كنت بقرأ كلام مكتوب فببقى بقرأ بس مش فاهمة مع ان الكلام بيكون سهل بالنسبالي وبفقد تركيزي بسهولة جدا
بصي أنا عندي نفس مشكله وعملت كام حاجه نفعوا معايا.. قللت كافيين اخري كوبايتين وآحده الصبح و وآحده فنص اليوم ولوهشرب بلبن ممكن اضيف وآحده كمان بس الاحسن ٢ كفايه لازم أخد قيلوله بجد بتفرق آوي آوي وفالشغل البريك بتاعي مش لازم أنام بس بعمل ستريتشات ترخي جسمي ورقبتي واتنفس كويس واحاول اصفي ذهني التطويل في السجود وعيني مفتحه بجد بيشفي وبيزود تركيز جدا ابلكيشن شعله فعلا من حاجات ساعدتني بردو مواعيد النوم لما بتكون مظبوطه بيفرق جدا مواعيد الاكل بردو لما بتكون كل يوم فنفس التوقيت أو مقارب بيظبط معايا جدا جدا وكلام ده علمي بحت مش تجارب المكسرااااات آوي آوي بجد سبحان الله و الفاكهه تدوين الافكار وعمل ملخصات والكتابه اثناء المذاكره والشغل ودايما لما بحس خلاص مفيش فايده بقوم أغير مكاني واتمشي أو انط حبل واستغفر وادعي واغسل وشي واسرح شعري أو مساج لوشي وشعري ٥ دقايق بفوق واركز.. جربي كله مع بعض عشان توصلي فعلا لنتيجه
تم النشر الأربعاء، ١٥ فبراير ٢٠٢٣
اتأكدي الاول ان معكيش اي مشكله صحيه زي انميا مثلا او ضغوط نفسيه لان كلهم بيأثروا ع التركيز ... وحاولي تقرأي بصوت عالي ولو حسيتي انك مش فهماه قسميه وحاولي تشرحيه لاي حد قدامك عشان تجبري نفسك تحطي تركيزك ف النقطه دي وفي تطبيق اسمه شعله بيعمل تدريبات انتباه تركيز هيسعدوكي تقويها
تم النشر الأربعاء، ١٥ فبراير ٢٠٢٣
طرق كثيرة تساعد على تحسين التركيز والانتباه، ومنها: 1- تقليل المصادر المزعجة: عليك تجنب الضجيج أو الموسيقى الصاخبة وأصوات الهواتف المحمولة وأي شيء آخر قد يشتت انتباهك. 2- التمارين الرياضية: تساعد التمارين الرياضية على تحسين الدورة الدموية وزيادة نسبة الأكسجين المخصص للدماغ وتحسين النشاط العقلي وبالتالي تحسين الانتباه. 3- النوم الكافي: عليك بالحرص على الحصول على قسط كاف من النوم والراحة، حتى تستطيع تحسين الانتباه وزيادة الاستيعاب والتركيز. 4- تقنية الاسترخاء: قد تساعد تقنيات الاسترخاء مثل التأمل، التنفس العميق، واليوجا على تهدئة العقل وتحسين التركيز. 5- الدمج: يمكنك استخدام الدمج كأداة لتحسين التركيز، فالدمج هو المهارة التي تمكنك من تجميع الأشياء المتعددة في ذهنك في مكان واحد لتسهيل وصول المعلومات. 6- التخطيط والتنظيم: يمكنك تحسين التركيز عن طريق التخطيط والتنظيم، حيث يساعدك ذلك على اكتشاف الأشياء التي تشتت انتباهك وتحديد الأولويات وتسجيل المهام في قائمة والانتهاء منها بالتسلسل المحدد.
تم النشر الاثنين، ٢٠ مارس ٢٠٢٣
اكيد ده بسبب الافكار الكتير والتوتر تقدرى تساعدى نفسك اولا بانك تقرأى وانتى بتتمشي او انتى بتغيرى وضع جسمك كل شوية من الوقوف للجلوس مع كل سطر مثلا . القراءة بصوت عالى وباستخدام صور امامك . اتمنى النصائح دى تساعدك ان شاءالله.
تم النشر الخميس، ١٦ فبراير ٢٠٢٣
لعرض السؤال في فدني اضغط هنا