انا مخطوبه بقالي سنه من ساعت الخطوبه كان فيه اعتراضات من نحيته زي لبسي وشغلي وطلوعي ونزولي كان بيتحكم فيها كتير اوي وغيرت فعلا من لبسي وكل حاجه هوا عاوزاه بس مكنتش حابه اني اتغير انا اتغيرت بسبب اني مضتره ان اتغير زي للعلم ان لبسي او اي حاجه كام بيتحكم فيها انا مش بعمل حاجه اوفر او غلط بالعكس انا ازهريه وعارفه ديني كويس منكرش اني مش ملتزم بزي الشرعي وكدا وكنت بلبس بناطيل بس بحدود وانا فاهمه وعارفه كويس اي الصح من الغلط المهم من ساعت ما اتخطبت حاجات كتير اتغيرت للاسف اجبار وبتتغير بعد محاوله مني وان احاول افهم خطيبي ان انا كدا وبحب اسلوب حياتي كدا بس للاسف مكنش بيسمع ليا ف انا كنت بسمع الكلام وبعمل الي عاوزه بس مره بعد مره التحكمات بدات تخنقني جاامد ودخلت ف حاله اكتئاب بسبب كدا بس واجهته وماما اتدخلت وفهمته ان اتحكمات دي هتخليها تقفل منك وتزهق وطبيعي كل بني ادم وليه طاقته ف للاسف مهتمش وكان كل ردت فعله ان انا بعمل الصح وان دا المفروض تعملي كدا من نفسك ي ازهريه وهكذا بقا دا غير تحكمات تاني ك مخرجش ف مكان لوحدي ولو نزلت تبقي بشروووط لحد ما بقيت منطفيه جدا من كل الي حواليا حتي صحابي مبقتش اروح لحد ولا اكلمهم داف اول خطوبتنا من شهر ونص بقا تعاملي معاه جاف جدا مبقاش ف مشاعر نهائي وهوا لاحظ كدا قولتله كذا مره كل شئ قسم ونصيب لان حرفيا كان كل يوم خناق بينا مبيعديش يوم الا واحنا متخانقين انا والله حاولت ان علاقتنا تبقا كويسه بس معرفتش وف حاجات كتير احبطتني من علاقتنا منكرش انه بيحبني جدا بس احنا مش عارفين نتفاهم خالص قولتله كذا مره بس هوا مش مقتنع وبيقول لا احنا كويسين انا دلوقتي مش عاوزه اظلمه ولا اظلم نفسي وثقتي ف نفسي اتعدمت ومبقتش اهتم بنفسي ولا حياتي زي الاول وف حاجات كتير مزكرتهاش بس دا ملخص الموضوع نفسي الاقي حل لحياااتي وهل انا كدا غلط ولا اي بالظبط
انا رأيي لو هو مش عاجبه لبسك و تصرفاتك و مش متقبل رأيك ده غلط كبير لازم يتعالج الغلط ده من دلوقتي و يتقبل شخصيتك زي ما هي لو انتي غيرتي كن نفسك و مش متقبلة فكرة انك تتغيرتي علشانه ده غلط اكبر لانك بتضحكي علي نفسك و بعدها هيحصل مشاكل ما بينكم و يا إما تتغيروا علشان بعض ي إما بصراحة الانفصال هو انسب قرار رغم اني محبش قرارات الانفصال دي و بنصح ان الطرفيين يضحوا شوية لو بيحبوا بعض
تم النشر الجمعة، ١ ديسمبر ٢٠٢٣
لو علاقتكم زي ما حضرتك حكيتي كدا بالظبط. فمن رأي ان افضل حل بالنسبالك فعلا انك تنهي العلاقه دي وهي لسه ف فترة الخطوبة. انا ضد التحكمات واملاء شروط ف العلاقه من طرف واحد، ممكن يبقي ف شروط عادي بس من جانب اطراف العلاقه، لان الجواز شراكه فيها طرفين يجب ان يبقي فيها توافق بين ارادتك وارادته. ومكنش ينفع تديله فرصه اكتر من ٣ شهور، ومينفعش ترضي بواقع وبعد كده تندمي عليه، حضرتك اختارتيه، يبقي تقبليه زي ما هو عليه وهو اختارك يبقي يقبلك بوضعك وع وضعك، انما يختارك ويقبلك وبعد كدا يقول لا دا عاجبني ودا مش عاجبني واعملي ومتعمليش ودا محظور ودا حرام ودا مستحب ودا واجب! ملوش الحق ف دا، يشوف حد شبهه من البدايه، حقيقي مبقدرش افهم العقليات الي بتصادر ع ربنا سلطاته علينا، ربنا هو الي يأمر وينهي واحنا نطيع او نعصي ونحاول نتوب ونضعف ونتوب ونعمل خير ونعمل شر، وربنا هيحاسبنا ف الاخر ويوازن بين كفتين الخير والشر. مينفعش اقرر اخطب منتقبه وانا ليبرالي وافرض عليها تقلع الحجاب او النقاب، ومينفعش البس واحده سايبه شعرها طرحه، السوق حرفيا مليان واختار الي يناسبك وتناسبه. غير كدا بندخل ف مشاكل زوجيه و استحكام للخلاف، وطبعا الانسان ضعيف 😂 والست تبحث عن متنفس ف شات مع شاب والزوج يخون، ويكون ف اطفال ف النص، وتصبح الزوجه اما مضطره تحافظ ع ولادها وتدفن حياتها، او تطلق ونشتغل احنا كمحامين لارهاق الزوج او الزوجه. وحتي فرصها في الحياه تصبح اصعب والاطفال ينشأو ف بيئه سيئه ويكبرو عندهم مشاكل يصدروها لعيالهم وللمجتمع ونرجع نعيد الكرة. رسالتي ليكي انهي العلاقه دي وفكري الف مره قبل ما ترتبطي بشخص، واقعدي مع نفسك كدا بالليل ف روقان وهدوء مع ورقه وقلم وارسمي معاييرك للشخص الي ترتبطي فيه وازاي هتقدري تساليه وتستجوبيه كمان وتركزي ف اراءه وسلوكه بحيث تقدري تحددي اذا كان الشخص المناسب تقضي باقي حياتك معاه ولا لاء.
تم النشر الجمعة، ١ ديسمبر ٢٠٢٣
لو مش مستريح يبقى افسخي الخطوبه قبل ما تتجوزو
تم النشر الجمعة، ١٩ يناير ٢٠٢٤
طالما مش مستريحه يبقي متكمليش عشان هي مش لعبه ده عمر أما كلامه عن اللبس ..الخ خدي الصح من كلامه وتغذيه فهذا أمر الله ومتخديهوش أنه تحكم رزقك الله الزوج الصالح
تم النشر الاثنين، ٨ يناير ٢٠٢٤
لعرض السؤال في فدني اضغط هنا