لو علاقتكم زي ما حضرتك حكيتي كدا بالظبط. فمن رأي ان افضل حل بالنسبالك فعلا انك تنهي العلاقه دي وهي لسه ف فترة الخطوبة. انا ضد التحكمات واملاء شروط ف العلاقه من طرف واحد، ممكن يبقي ف شروط عادي بس من جانب اطراف العلاقه، لان الجواز شراكه فيها طرفين يجب ان يبقي فيها توافق بين ارادتك وارادته. ومكنش ينفع تديله فرصه اكتر من ٣ شهور، ومينفعش ترضي بواقع وبعد كده تندمي عليه، حضرتك اختارتيه، يبقي تقبليه زي ما هو عليه وهو اختارك يبقي يقبلك بوضعك وع وضعك، انما يختارك ويقبلك وبعد كدا يقول لا دا عاجبني ودا مش عاجبني واعملي ومتعمليش ودا محظور ودا حرام ودا مستحب ودا واجب! ملوش الحق ف دا، يشوف حد شبهه من البدايه، حقيقي مبقدرش افهم العقليات الي بتصادر ع ربنا سلطاته علينا، ربنا هو الي يأمر وينهي واحنا نطيع او نعصي ونحاول نتوب ونضعف ونتوب ونعمل خير ونعمل شر، وربنا هيحاسبنا ف الاخر ويوازن بين كفتين الخير والشر. مينفعش اقرر اخطب منتقبه وانا ليبرالي وافرض عليها تقلع الحجاب او النقاب، ومينفعش البس واحده سايبه شعرها طرحه، السوق حرفيا مليان واختار الي يناسبك وتناسبه. غير كدا بندخل ف مشاكل زوجيه و استحكام للخلاف، وطبعا الانسان ضعيف 😂 والست تبحث عن متنفس ف شات مع شاب والزوج يخون، ويكون ف اطفال ف النص، وتصبح الزوجه اما مضطره تحافظ ع ولادها وتدفن حياتها، او تطلق ونشتغل احنا كمحامين لارهاق الزوج او الزوجه. وحتي فرصها في الحياه تصبح اصعب والاطفال ينشأو ف بيئه سيئه ويكبرو عندهم مشاكل يصدروها لعيالهم وللمجتمع ونرجع نعيد الكرة. رسالتي ليكي انهي العلاقه دي وفكري الف مره قبل ما ترتبطي بشخص، واقعدي مع نفسك كدا بالليل ف روقان وهدوء مع ورقه وقلم وارسمي معاييرك للشخص الي ترتبطي فيه وازاي هتقدري تساليه وتستجوبيه كمان وتركزي ف اراءه وسلوكه بحيث تقدري تحددي اذا كان الشخص المناسب تقضي باقي حياتك معاه ولا لاء.
تم النشر الجمعة، ١ ديسمبر ٢٠٢٣
1 تعليق
ده شخص سام بيحبك حب تملك فقط مش حب حقيقي ولما هتتجوزيه مش هيعوزك ولا هيبقا كويس معاكي هو بيربطك بيه مش اكتر وانتي لو مش عجباه وعايز يغير فيكي مكنش قبلك علي كده من الأول الي بيحب حد يحبه زي ما هو ميحاولش يغيره وان حاول لازم تكوني راضيه لو مش راضيه لا فبجد انهي العلاقه دي هيأذيكي وهتيجي تخلفي عيل او اتنين بعد الجواز وهما الي هيحاسبو علي اختيارك الغلط لأبوهم فبلاش
تم النشر الأحد، ٣ ديسمبر ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك