انا غير مقدرة عند زوجي مش حنين علياا ممكن يكون بيحبنى بس علشان مش ناقصه حاجه او مش مقصرة لو قصرت او زعلت مش بيراضينى مش حنين علياا مش جمبي لو محتاجة اتكلم واحكى عن حاجة وجعانى مش بيسمعنى و لو سمع مش بيحس بياا
اوقات كتير يمكن ٨٥% من وقتى معاه بحس بالوحدة بحس ان لوحدى هو راجل كويس بس مهمل فياا مع ان مفيش اي حاجة تمنع انه يهتم بياا عنده وقت ظروف شغله مش صعبه
لما بنزعل او يحصل مشكله عمره ماجه راضانى او صالحنى دايما بيغلطنى حتى لو غلطانه اوقات ببقا محتاجة احس ان غاليه وانه بيراضينى وان مش هاين زعلى عليه ، بجد انا استاهل استاهل اووى لان مش مقصرة ف اي حاجة
احنا متجوزين عن حب معرفش
انا بحبه اوووى و كان نفسي ف حاجات كتير اعيشهاا معااه
بجد مش بحس بالامان خالص ف العلاقه دى بيستقوى علياا لو ف مشكلة و زعلانه بيفضل طول الوقت يحسسنى انه مش فارقه
بجد تعبت اوي
انا داخلة عمليات بكرة و هو حتي مفكرش يراضينى بجد صعبان عليا نفسي اوى
اولا سلامتك الف سلامه ويارب تقومي بصحه وعافيه . السؤال هنا ما هو رد فعلك عندما يغلطك اولا يهتم او يحملك تقصير انت لم تقومي به ! رد فعلنا علي المواقف هو الذي يحدد كثيرا تصرفات من حولنا معنا . هل تاخدي موقف ، هل تعبري عن ضيقك او زعلك ؟ إذا كنت تعبرين عنه ؟ كيف ؟عن طريق المشاعر فقط ام تتحدثين معه بالمنطق او الفعل ورد الفعل المتوقع ؟
تم النشر الأحد، ٢٨ أبريل ٢٠٢٤
شوفي هنا في نقطتين نقطه بتاعه عدم احساسك بالامان. عدم احساسك بالامان هنا ممكن لانك بصه بس على الجزئيه بتاعه لما بنزعل بيسيبني ومش بيجي يراضيني فانا حاسه ان انا ايه بهون عليه فانت اختصرتي احساس الامان في النقطه دي. محتاجين نبص على مفهوم الامان بشكل اوسع شويه. تمام النقطه التانيه ان انا حاسه بالوحده طيب انا هو بيسيبك تكوني قاعده لوحدك يعني وانتم موجودين في البيت كل واحد قاعد في حته ولا الوحده دي لانك الجزئيه العاطفيه بتاعتك هو مش بيشاركك فيها بنفس القدر دي برده نقطه محتاجين نبص عليها كويس. النقطه الخاصه بقى بالمشكله كلها او اسبابها سبب المشكله ايه هو التوقعات؟
تم النشر الثلاثاء، ٣٠ أبريل ٢٠٢٤
مفيش رضا تام في علاقة ولا حتى في عدل تام في علاقة اي كانت لازم تلاقي طرف بيستحمل ويشيل وطرف بيسوق فيها ومطمع ودي ع تفاوت ، سواء كانت العلاقة بين اب وابنه أو أخ وأخوه صديق وصديقه أو شركاء ، غالبا هي الدنيا كدا فمتحمليش نفسك فوق طاقتها وتستنزفي طاقتك وتفكيرك في الموضوع لانك كدا بتضخميه ، لا يفرك مؤمن مؤمنه أن كره منها خلق رضي منها اخر دوري على الايجابيات وتغاضي وتغافلي عن السلبيات ليس الغبي بسيد في قومه ولكن السيد في قومه المتغابي
تم النشر الأحد، ٢٨ أبريل ٢٠٢٤
بصي لما بنبدأ نتعامل مع علاقتنا باللي حوالينا بإننا نبدأ ندور على طريقة معينة يعاملنا الطرف التاني بيها ونبدأ ندور على تقصيرات أو كسور مفيش أسهل من إننا نلاقيها ونبدأ نحس بالوحدة معاهم إحنا ك بشر بنختلف من شخص للتاني في طريقتنا في التعامل مع مشاعرنا والتعبير عن حبنا للي حوالينا يعني مثلا أنا لغة الحب عندي المشاركة إني أفضل أشارك أي حاجة إيجابية للحد القريب مني ومبقدرش أشارك السلبي عكسي صاحبتي إللي لغة الحب عندها ف إنها بتحب تسمع وإنها تحكي مشكلة حاصلة معاهت للحد إللي هي بتحبه، حصل بينا خلاف إني ليه مش بثق فيها ومش بشاركها الحاجات إللي بتدايقني وأن هي ليه مش بتتعامل معايا بالطريقة الفلانية، وبعد فترة من الفتور والتعب من الطرفين جالنا لحظة إدراك إن هي كده، دا الشخص ودي الطريقة إللي بيقدر يعبر بيها عن مشاعره. هو ممكن يكون بيعبر عن حبه ليكي بطريقة تانية إنتي مش واخدة بالك منها، زي إنه بيشتغل ويجيبلك طلباتك مثلا، بيعمل حاجات صغيرة أوي إنتي ممكن مش واخدة بالك منها بس بالنسبة ليه هي دي الطريقة إللي يقدر يعبر بيها. حاولي إتكلمي معاه بالراحة ويا فلان أنا بحس كذا وكذا وكذا وطلعي كل حاجة والعتاب والكلام بيفرق فعلا بدل ما تكوني شايلة منه وحاولي حطي إتفاق إنه يحاول علشانك مثلا. بصي على مميزاته والحاجات الكويسة إللي بيعملها بردو ،لإن إحنا بشر، طبيعي يبقى في حاجات حلوة وحاجات وحشة فينا.
تم النشر الثلاثاء، ٣٠ أبريل ٢٠٢٤
ممكن تشوفي ايه هي اهتمامته وتشاركيه فيها وتتكلمي معاه فيها او تقعدي تتكلمي معاه بكل الحجات دي وتقولي انه تفسك تعيشي معاه وتقضوا وقت سوا وحددي يوم انكو تقعدو فيه مع بعض كل واحد يتكلم مع تاني وايه الي شايفه ممكن يطور من علاقتكو سوا وايه الي مخليه بعيد عنك وهكذا لازم يبقا فيه لغة حوال تتفاهم عشان تقدري توصلي لحل يرضيكي ويرضيه
تم النشر الأحد، ٢٨ أبريل ٢٠٢٤
اكيد فهماكي على العموم الف سلامة عليكي بجد وان شاء الله تقدري توصلي لحل مناسب♥️
تم النشر السبت، ٤ مايو ٢٠٢٤
للاسف حاولت اعمل كتير ده يا سارة لكن النتيجة واحدة بيحسسنى انه مش محتاج كده و انه اللي عايزاه المفروض ان كبرت عليه مع العلم انا عندى ٢٩ سنة و ان خلاص عدينا كل المراحل دى .. بجد شئ يقهر ويحزن انك كمان تتطلبي اللي المفروض مايطلبش و كمان متلاقهوش او يبقا ردوا ده اخرى معنديش اكتر من كده
تم النشر الخميس، ٢ مايو ٢٠٢٤
معاكى كوتش شيماء بدر
تم النشر الأحد، ٢٨ أبريل ٢٠٢٤
لعرض السؤال في فدني اضغط هنا