بصي لما بنبدأ نتعامل مع علاقتنا باللي حوالينا بإننا نبدأ ندور على طريقة معينة يعاملنا الطرف التاني بيها ونبدأ ندور على تقصيرات أو كسور مفيش أسهل من إننا نلاقيها ونبدأ نحس بالوحدة معاهم إحنا ك بشر بنختلف من شخص للتاني في طريقتنا في التعامل مع مشاعرنا والتعبير عن حبنا للي حوالينا يعني مثلا أنا لغة الحب عندي المشاركة إني أفضل أشارك أي حاجة إيجابية للحد القريب مني ومبقدرش أشارك السلبي عكسي صاحبتي إللي لغة الحب عندها ف إنها بتحب تسمع وإنها تحكي مشكلة حاصلة معاهت للحد إللي هي بتحبه، حصل بينا خلاف إني ليه مش بثق فيها ومش بشاركها الحاجات إللي بتدايقني وأن هي ليه مش بتتعامل معايا بالطريقة الفلانية، وبعد فترة من الفتور والتعب من الطرفين جالنا لحظة إدراك إن هي كده، دا الشخص ودي الطريقة إللي بيقدر يعبر بيها عن مشاعره. هو ممكن يكون بيعبر عن حبه ليكي بطريقة تانية إنتي مش واخدة بالك منها، زي إنه بيشتغل ويجيبلك طلباتك مثلا، بيعمل حاجات صغيرة أوي إنتي ممكن مش واخدة بالك منها بس بالنسبة ليه هي دي الطريقة إللي يقدر يعبر بيها. حاولي إتكلمي معاه بالراحة ويا فلان أنا بحس كذا وكذا وكذا وطلعي كل حاجة والعتاب والكلام بيفرق فعلا بدل ما تكوني شايلة منه وحاولي حطي إتفاق إنه يحاول علشانك مثلا. بصي على مميزاته والحاجات الكويسة إللي بيعملها بردو ،لإن إحنا بشر، طبيعي يبقى في حاجات حلوة وحاجات وحشة فينا.
تم النشر الثلاثاء، ٣٠ أبريل ٢٠٢٤
2 تعليق
شكرا لحضرتك ♥️♥️
تم النشر الثلاثاء، ٣٠ أبريل ٢٠٢٤
اجابة جميلة يا ندا
تم النشر الثلاثاء، ٣٠ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك