انا في ثانوي ووقت الدراسه مش بشتغل ولما بخلص دراسه بشتغل مع ابويا ،ابويا في سكرتيره شغالة معاه ابويا بيروح يجيبها من بيتها بعدها بنروح الشغل ودايما في العربية بتقعد في الكرسي القدام ولو انا قاعد عليه لازم بتقومني منه وسعات ابويا بيقومني ويقولي اقعد ورا عندها حوالي ٢٧ سنه وانا عندي ١٧ سنة ودايما ابويا بيعاتبني قدامها ومحسسني اني انا صغير اوي وعمره ما كبرتي قدمها وانا بجد بدايق جدا من كدا وببقا نفسي ابويا يقولي تعالا اقعد جمبي ويقعدها هيا ورا ويتكلم معايا انا بدل ما بيتكلم معاها هيا في العربية ولا كأني موجود معاهم ولما بيوجعه كلام ليا بيبقا تريقه عليا او هزار سخيف ونصيحة وكدا ونفسي ابويا يتكلم معايا يعرف انا بدايق من اي بحب اي انا ابويا حرفيا ميعرفش عني اي حاجة عمره في حياته متكلم معايا وحسسني انه ابويا دايما محسسني انه هو الي يأمر وانا انفذ بس وانا اصلا عمري في حياتي مقولتله لا بخاف منه جدا لانه كان قاسي جدا معايا من وانا صغير عمره ما ضحك معايا بجد انا تعبان جدا من ابويا دا انا حتا مش بخرج مع صحابي وبحاول اجيب اي حجه وانا اصحابي دايما بيخرج لو هما بيخرجو مرة في الاسبوع انا مرة كل شهرين وحتا حسيت انهم معدوش بيحبوني زي الاول وانا بعمل كل دا عشان اخفف عنه من المصاريف وكدا وحرفيا مش بعمل اي حاجة تخليه يزعل مني او يضايق عكس اخواتي الصغيرين وانا الكبير في اخواتي ومش عارف دلوقتي اعمل اي ممكن حل
للأسف بعض الأهالي يرون أبناءهم أطفال مهما كبروا وهو يعتقد أنه بتصرفاته هذه يقترب منك. لكن دعنا ننظر للأمر من جانب آخر، هو يصطحبك معه للعمل فهذا يعني أنه في قرارة نفسه يعرف أنك يعتمد عليك. لكن بصرف النظر أنا أنصحك أن تطور من شخصيتك ليس لأجل أن تنال إعجابه، بل لتكون راضيًا عن نفسك. يعني ممكن خلال طريق الذهاب والعودة تنشغل بقراءة كتاب أو سماع كتاب صوتي. إذا كان مجال عمل والدك يستهويك أنصحك أن تبحث في الأمر، مثلًا نماذج ناجحة من المشروع، أفضل النصائح، وشارك والدك بما توصلت له. وفي نفس الوقت تقرب من والدتك بهدف اقوية علاقتكما وإزالة الحواجز بينكما وليس لأجل صورتك أمام الناس. يعني لو كان يحب كرة القدم ناقشه فيها، أو أيًا تكن تفضيلاته. كذلك تعامل معه كالرجال، خذ رأيه في أي شيء يخصك، قل له انصحني بشأن كذا أو مثلًا اطلب منه أن يحكي لك عن فترة شبابه.
تم النشر الخميس، ٢٥ يوليو ٢٠٢٤
فى البداية. والدك ليه طباعه وطريقته اللى ممكن متتغيرش بسهوله لكن انت من الواضح انك اتأثرت بطريقة تعامله معاك. حاول معاه بطرق مختلفه انك تتقرب منه وتتكلم معاه وتفهمه انت فيك ايه واتجنب تماما أى مناقشات تنتهى بأراء سلبيه.حاول تشاركه أفكاره لو اتاحت ليك الفرصة المهم متبعدش عنه لانك ابنه الكبير واكيد هيحتجلك بعد كده. اكتب كل اللى جواك واللى بتحس بيه باستمرار ده هيفرق معاك جدا لو ليك صديق مقرب أو لايف كوتش اتكلم معاهم باستمرار لأن الدعم النفسي مهم جدا مارس رياضتك المفضله دى هتقدر تتخلص فيها من اى مشاعر او افكار سلبيه حاول تتجمع بأصدقائك حتى كل فترة لأن التجمع ده هيساعدك جدا وهيفرق معاك. اعمل كل اللى تقدر عليه اكيد هتلاقى نقطه التقاء بينكم تقدروا تتقربوا فيها ويفهمك وافتكر دايما أن ربنا معاك في كل خطواتك وبيساعدك.وانك قوى وهتقدر 🌷
تم النشر الخميس، ٢٥ يوليو ٢٠٢٤
أنا حاسة قد إيه مريت بظروف صعبة ومشاعر معقدة، وأول حاجة حابة أقولك إنك مش لوحدك. أحيانا العلاقة بين الأباء والأبناء تكون معقدة جداً، وخاصة لما يبقى في حاجات زي الأوامر وتنفيذها من غير ما يكون في حوار حقيقي. بما إنك بتقول إنك بتشتغل مع والدك وتتعامل مع الحالة دي كل يوم، أول خطوة مهمة هي إنك تحاول تفتح حوار معه. ده مش سهل، خاصة لما تكون متعود إن طريقة التواصل هي الأوامر والتنفيذ فقط. جرب إنك تختار وقت مناسب لما يكون في هدوء وإنك مش مضغوطين، وتبدأ بحوار هادي. ممكن تقول له حاجة زي: "بابا، نفسي أتكلم معاك في حاجة مضايقاني". كده ممكن تجذب انتباهه وتفرص الحديث بشكل مختلف. حاول تركز على مشاعرك الشخصية وتجنب أي انتقاد مباشر. قل له مثلا إنك بتحتاج للتواصل معاه وإنك عايز تكون أقرب ليه. من المهم تكون هادي ومهتم بمشاعره كمان. بالنسبة لموضوع السكرتيرة، ممكن تحاول توضح له بصراحة إنك بتحس إنك مهمل في الموقف ده وإن ده بيأثر على نفسيك. مش لازم تكون المواجهة بشكل عدواني، ولكن بشكل يعبر عن مشاعرك بدون مهاترة. أما بالنسبة للصحاب والخروج، الحياة الاجتماعية برضه جزء مهم. حاول تنظم وقتك بطريقة تخليك تقدر تخرج وتنبسط، حتى لو كانت مرات بسيطة. لو قدرت تلاقي حاجة تحب تعملها مع صحابك حتى في البيت أو في حاجة بسيطة، ده هيغير من مزاجك ويريحك نفسيا. وأخيرا، مفيش مانع إنك تستعين بمتخصص نفسي لو حسيت إنك مش قادر تتعامل مع مشاعرك لوحدك. الدعم النفسي مهم ويقدر يساعدك تفهم نفسك وأفكارك بشكل أعمق. خليك قوي، وحاول دايما تلاقي طرق تعبر بيها عن نفسك وتعرف تتعامل مع مشاعرك بشكل صحي. أنا واثقة أنك قادر تعدي من ده وتبني علاقة أفضل مع والدك. 🌟
تم النشر الخميس، ٢٥ يوليو ٢٠٢٤
لعرض السؤال في فدني اضغط هنا