فعلا هحاول بإذن الله اظبط الوقت واعمل كده وربنا يبارك فى الوقت ان شاء الله ولو كملت خير مكملتش خير برضو وابقى جاهزه لوظيفة تانيه بخبرة وامكانيات وربنا ييسر الحال ، شكرا لحضرتك على النصيحه والرد وبعتذر لك جدا لو اخدت من وقتك كتير
تم النشر الخميس، ٢٧ يوليو ٢٠٢٣
بالظبط كده انتى ماشية بخطوات صح وثابتة ولو طورتى نفسك بردك فى حاجات سريعه ومش هتاخد منك وقت كتير ولاكن هتضيفلك كتير بردك هتفرق معاكى جدا سواء فى الشغل اللى فيه أو فى شغل تانى زى مثلا الكتابة السريعة على الكيبورد أو تعلم الوورد أو البور بوينت
تم النشر الخميس، ٢٧ يوليو ٢٠٢٣
فكرت فعلا اصلى استخاره اليوم لانى احترت جدا الصبح وفضلت افكر وافكر فى الموضوع ومبقتش عارفه له حل ولا اللى هعمله هو الصح حاليا ف ان شاء الله هقوم واعملها وربنا يهدينى للخير، وفعلا good point مكنتش واخده بالى منها ان اللى عديت بيه فى الشغل كان صعب ف مش هيحصل حاجه لو استحملت فترة كده بالطول والعرض اكون صليت واشوف اى النتيجه واكون دورت على شغل احسن ومن غير تسرع عشان ميتكررش الغلط تانى
تم النشر الخميس، ٢٧ يوليو ٢٠٢٣
خلاص يبقى انتى جاوبتى على نفسك اهو اللى خلاكى تستحملى كل اللى فات ده استحملى كمان فترة مثلا تعمليها لنفسك وليكن 3 شهور بس تدورى فيهم على شغل كويس جدا واول ما تلاقى حاجة كويسة تروحى وقتها بقى تقوليلى على موضوع المرتب رضى وتمام كملى معاه مرضيش يبقى لقيتى الشغل التانى الحمد لله بس بردك نصيحة مهمه جدا صلى استخارة
تم النشر الخميس، ٢٧ يوليو ٢٠٢٣
هو لو على الناس فهما كويسين ومشوفتش منهم حاجه وحشه زى ما انت قولت انما منه هو مفيش تقدير حتى وفكرة انى اكلمه بصيغة مباشرة خايفة منها لان الوضع فى الشغل مش ناقص ضغط منه لما يعرف ان الوضع مش مريحنى وانى ممكن اترك له العمل فى اى وقت وخصوصا انى لسه ملقتش وظيفه تانيه
تم النشر الخميس، ٢٧ يوليو ٢٠٢٣
يبقى بدل ما عندك تفكير لحاجات زيادة مذكرتهاش فى الموضوع وحاسة انك مش لاقيه حل ولا حد فايدك بحاجة روحى صلى استخارة لو مش عارفة تصليها ازاى أو تعرفى ازاى أن الخير فى حاجة معينة عندك فديوهات كتير على النت لشيوخ جميلة ومبسطة تقدرى تفهمى منها بكل سهولة وده بجد هيكون احلى حاجة تعمليها انك تجعلى همك على الله
تم النشر الخميس، ٢٧ يوليو ٢٠٢٣
عندك حق الموضوع حاليا معايا بس هو تانيب الضمير والتفكير الزياده لجهات متفرعه للموضوع بتجيب مليون سؤال وسؤال فبتخلينى اعيد التفكير واشك فى القرار
تم النشر الخميس، ٢٧ يوليو ٢٠٢٣
يبقى بدل ما هو عمال يستعبط كده يبقى تروحى تقوليلى بنفسك بصيغة مباشرة مرضيش خليكى زى ما انتى فى الشغل لحد ما تلاقى حاجة افضل وتتناسب مع دراستك وبيتك ويكون فيها تقدير نوعا معا من الناس اللى شغالة معاهم ومن المرتب
تم النشر الخميس، ٢٧ يوليو ٢٠٢٣
يارب اللهم آمين وياك ان شاء الله
تم النشر الخميس، ٢٧ يوليو ٢٠٢٣
ربي يوفقك بعملك ويفتحها عليكي من أوسع أبوابه
تم النشر الخميس، ٢٧ يوليو ٢٠٢٣
ولو على الشغل اللى مسئولة عنه ف انا مش بشكر فى نفسى بس الحمد لله بنفذه على اتم وجه وبعمل اكتر من المطلوب كمان
تم النشر الخميس، ٢٧ يوليو ٢٠٢٣
حاولت كذا مره انى اقول بطرقة غير مباشرة بس هو فاهم وعارف انا قصدى على ايه وبيبقى عامل مش واخد باله فكرت انى اقول بطريقه مباشره بس لما لاقيت زمايل معايا فى الشغل كلموه بطريقه مباشره جدا فى الموضوع ده ولما سالتهم قالوا انهم بقالهم خمس سنين بيكلموه فيه وهو مزودش مع ان فى لائحة العمل عندنا مكتوب ان فى زياده سنويه بس مش بتتنفذ ف مفكرتش اكلمه فى الموضوع ده تانى بعدها
تم النشر الخميس، ٢٧ يوليو ٢٠٢٣
بما انها صار لها سنه وشوي تشتغل يبقى مو بالساهل يتركها وثانيا اي صاحب عمل طول ما بشوف العمل الي عنده ساكت وراضي مستحيل يفكر يزيد راتبه
تم النشر الخميس، ٢٧ يوليو ٢٠٢٣
انا لما اجيت اترك الشغل طلبة شهادة خبره وانا كتبت الصغيرة تبعتها
تم النشر الخميس، ٢٧ يوليو ٢٠٢٣
الفكرة أنها لو هى محتاجة الشغل ده وخصوصاً أنها لسه طالبة فصعب تلاقى شغل أو بيكون كله استغلال وخصوصاً للبنات وكمان هى بتقول انها لو عندها امتحانات أو محاضرات الراجل جزاه الله خير بيسيبها ويتفاهم حاجة زى كده فلو معاملة المدير بتاع الشغل والناس اللى معاها كويسة فدى حاجة مش دايما هتلاقيها برة فى اى شغل تانى وكمان ممكن هو يرفض فتسبب الشغل وهى مش فى ايداها شغل تانى وهى تكون محتاجة للفلوس دى علشان بتصرف على نفسها علشان كده بقول تقوله بشكل غير مباشر بحيث لو رفض تبقى عاملة حسابها أنها هنكمل شغل عادى لحد ما تلاقى مكان احسن فى المبلغ وكده والناس اللى ببشتغلوا معاها معاملتهم كويسة بردك وقتها ممكن تستأذن من صاحب المكان وتروح الشغل الجديد
تم النشر الخميس، ٢٧ يوليو ٢٠٢٣
ولو كانت صيغة مباشره وين المشكله ونصيحه، لا تعلميها كل شي خلي عندك اسرارك بالعمل
تم النشر الخميس، ٢٧ يوليو ٢٠٢٣
لعرض الإجابة في فدني اضغط هنا