السلام عليكم
محتاجه رايكم فى موضوع
انا طالبه عندى 20 سنه وبشتغل سكرتاريه فى شركة مع الدراسة وبقالى سنه و 3 شهور فى الشغل مواعيد عملى كانت من 9 صباحا حتى 7 مساءا والراتب 2,500 جنيه مصرى اول ما تعينت وحاليا اتعدلت المواعيد وبقت من 9 الى 8 والراتب مازال كما هو، مش هكدب عليكم بس اول ما قدمت للشغل كنت متحمسه جدا مبصتش لبعض العيوب منها المواعيد والراتب اللى صعب جدا مع مصاريف البيت بس حاليا بقيت مخنوقه من المكان وبرهق جدا فى العمل وبرجع البيت مش ببقى جادره اعمل اى شئ غير انى انام
من فترة فكرت بترك العمل بس كان بيمنعنى انى بساعد فى المصاريف ف مش هينفع اتركه غير انى مش هقدر الاقى وظيفه تتقبل موضوع انى لسه طالبه ولازم احضر محاضراتى فى الكليه غير ايام الامتحانات ف تغاضيت عن الفكره ولكن حاليا صاحب الشغل عين سكرتاريه معايا وعايزنى اعلمها الشغل وقال لى فى مره ولكن بهزار كده انه عايزنى اعلمها الشغل عشان يمشونى بقا مش عارفه اذا كان ده بجد ولا هزار بس قلقت وقررت انى ادور على عمل واترك العمل هنا وبقالى يومين على الوضع ده بحاول لو اعرف اى حد اكلمه اقوله يشوفى وظيفه تانيه بس اليوم الصبح حسيت بتانيب ضمير تجاه صاحب الشغل انى هسيب الشغل هنا وانا عارفه ومدركه قد ايه الشغل اللى كنت بعمله هيتبهدل من بعدى وهيحتاج وقت ومجهود كبير عشان الوضع يرجع يستقر تانى وده خلانى ارجع اتررد فى موضوع ترك المكان
ف مش عارفه اعمل اى وبقيت مشتته جدا ومحتاره ومش عارفه اتخذ قرار
زى ما انتى دورى على شغل تانى مناسب اكتر لصحتك ويكون المقابل بتاعه مناسب للمجهود اذا صاحب الشغل قدر انك الشغل محتاجك وشاف انه افضل انه يحافظ عليكى هيتفاوض معاكى . لكن هو نفسه لو لقى حد ياخد اقل منك هيقولك معلش مصلحتى اهم ...فمتشيليش انتى هم الشغل اللى هيبوظ من غيرك اوى كده .
تم النشر الخميس، ٢٧ يوليو ٢٠٢٣
اعرضى عليه بشكل غير مباشر يزودلك حقك حتى لو مبلغ بسيط لو انتى فعلا مديه الشغل حقة ومنتظمة فى مواعيدك فحقك انتى كمان أنه يزودلك المرتب حسب ما هو هيقدر تعبك أو انتى تقدرى تعبك بكام وتقوليلى بس خليها بصيغة غير مباشرة افضل
تم النشر الخميس، ٢٧ يوليو ٢٠٢٣
خليكي زي ما انتي في الشغل اللي انتي فيه، ودوري على شغل تاني ويفضل كمان تشوفي اونلاين .. هيكون مناسب معاكي اكتر .. اعملي اكونت ع وظف ، ولينكد ان، فرصنا .. وشوفي الفرص من عليه .. وومكن كمان تشتغلي مودريتور ع اي بيدج .. فيه جروبات كتير ع الفيس بخصوص المودريتور دوري عليها وشوفي لو الموضوع مناسب ليكي.
تم النشر الخميس، ٢٧ يوليو ٢٠٢٣
مش فاهمه قصدك معلش ممكن توضحى السؤال؟
تم النشر الأربعاء، ٢ أغسطس ٢٠٢٣
قدمتي عليها ازاي ؟
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا