مش عارفه ابدا منين ولا اقول اي بس بجد الفتره دي عباره عن صدمات بتعرضلها مكنتش أتوقعها ومن مين من اقرب الناس ليا سندي ف الدنيا خذلوني جامد وحسسوني اني مليش قيمه وفضلوا اختي عليااا وقتلوا جواياا حجات جميله طموحي وتفوقي ف الدراسه ومحدش فاهمني ولا بيحاول يفهمني بقيت حسه إن صحابي احسن مني بكتير وبقيت حسه إن الدنيا انتهت ف نظري واني عايشه زي مش عايشه اخر امل لياا السنه دي اني انجح واجيب مجموع وتسافر بعيد عنهم فضلوا وراياا لحد ما حطموه وقفلوني من الدنيا بجد عمري ما كنت اتمني ال وصلتله لالد اعدائي مش عارفه اعمل اي بجد ٠احساس ان كل ال حوالياا هينجحوا ف حياتهم بما فيهم اختي ونا لا هيموتني
حاولي تنظمي وقتك وتبدأي في المتابعه مع جدول منظم للمذاكره وان شاء الله هتقدري
تم النشر الأربعاء، ٨ مايو ٢٠٢٤
هتابع إن شاء الله بس مش عارفه اعمل اي ف امتحاناتي ال كمان شهر دي
تم النشر الثلاثاء، ٧ مايو ٢٠٢٤
مش اي موقف بيكون مناسب ممكن ناخد موقف يأذينا أكتر ، لازم يكون سلوك أو تصرف فعال ومناسب ودا بيطلب تطوير لمهاراتنا وتدريب ، انصحك بالمتابعه مع متخصص
تم النشر الثلاثاء، ٧ مايو ٢٠٢٤
كل مره بيبقي متعمد يضربني ع دماغي مش عارفه لي وبسبب كدا الصداع مش بيروح من عندي دا غير اني بقيت بنسي كتير ومبقاش فيه تركيز خالص مش عارفه اعمل اي ف دا كله بجد
تم النشر الثلاثاء، ٧ مايو ٢٠٢٤
حاولت اكتر من مره اخد موقف بس برضوا مازال زي ما هو حتي صحابي لما بيبقوا عندي بيحاول يقلل مني قدامهم ويظهر عيوبي قدامهم
تم النشر الثلاثاء، ٧ مايو ٢٠٢٤
فهمت قصدك واكيد الضرب والاساءه مرفوضه ، في حاجات في حياتنا مش بنختارها ، ممكن نكون مش بنختار اهلنا لكن بنختار ازاي نقدر نتعامل مع المنا وازاي نحافظ علي حدودنا وازاي نرسم بأيدينا اللي جاي حتي لو أهلنا مش داعمين المهم انا ناوي اعمل ايه ، وازاي اتعامل في المواقف المشابهه دي مهارات محتاجين نتدرب عليها ، حاولي تبعدي عن اي مصدر تشتيت حتي لو هتفضلي في غرفتك طول اليوم تذاكري ، حتي لو هتنزلي تذاكري في Workspace المهم اننا نوصل في النهاية وان شاء الله هتقدري
تم النشر الثلاثاء، ٧ مايو ٢٠٢٤
نفسي ارجع لطبيعتي تاني واذاكر علشان مفضلش علي امتحاناتي غير شهر بس بايظه من كل النواحي
تم النشر الثلاثاء، ٧ مايو ٢٠٢٤
كنت متوقعه منهم أنهم هيساعدوني اكون انسانه سويه واعيش حياه مستقره بس هما بيعملوا ال يخليني مقدرش ع كدا أبدا ونا حاربت اليأس كتير وحاولت وكل ما اقف ع رجلي من تاني ويبقي عندي امل يرجعوا يكرهوا ف الحياه بتصرفاتهم وكلامهم القاسي وضربهم لياا ع اتفه الأسباب
تم النشر الثلاثاء، ٧ مايو ٢٠٢٤
مش قادره اكون ملمه بجوانب المشكله لان في تفاصيل كتير ناقصه زي ازاي خذلوكي وازاي فضلوها عنك وعملوا ايه وصلك منه أن ملكيش قيمه عندهم لكن مقدره شعورك بالخذلان هو صعب جدا الحقيقه خصوصا لما بيكون من أقرب الناس لينا ، لكن مهم جدا اول حاجه نحاول نفرغ مشاعرنا حتي لو بالكتابه ونتقبل إحساسنا بالألم ونفهم أنها فتره وهتعدي المهم هنتعلم ايه منها ، فكره ان الناس هتوصل وهتنجح وانا لاء فكره هتعطلك ، محتاجين ناخد هدنه وبعدها نفكر اللي جاي هنعمل ايه عشان نتخلص من المشكله وحياتنا تكون احسن ، هيساعدك الفتره دي ( الكتابه ، الچيم ، التواصل مع أصدقاء داعمين ... ) لو مقدرتش تتخطي لواحدك يبقي هنحتاج نستشير متخصص في جلسه فرديه وان شاء الله هتعدي
تم النشر الثلاثاء، ٧ مايو ٢٠٢٤
لعرض السؤال في فدني اضغط هنا