بصوا يجماعه انا نفسى ابقا مميز في الصنعه بتاعتى بس الفكرة انى مش عارف عشان مش لاقى تفسير لأسئلتي زى ايه سر الصنعه زى طيب اللى انا بعمله اى حد يعمله زيي، انا افهم ايه عن اللى مش فاهم او ايه الفرق مابين المساعد والصنايعى كفنيات مش إدارة بس
أفهم تمامًا شعورك بالبحث عن التميز في فنك وصناعتك. من الواضح أنك تواجه بعض التساؤلات حول مهنتك ورغبتك في فهم الجوانب الفنية بشكل أعمق. إليك بعض الخطوات التي يمكن أن تساعدك: البحث والدراسة : ابدأ بقراءة الكتب والمقالات المتعلقة بصناعتك. حاول أن تبحث عن المواد التي تناقش تطورات هذا المجال، وتاريخ الصناعة، وأفضل الممارسات. التعلم من الآخرين : حاول أن تجد معلمين أو موجهين في مجالك. يمكن أن يكون لهؤلاء الأفراد خبرات كبيرة يمكن أن تساعدك في فهم التقنيات المتقدمة. الممارسة المستمرة : التميز يأتي من الممارسة. حاول أن تخصص وقتًا لممارسة المهارات الفنية بشكل دوري، واستكشف طرق جديدة لتطبيقها. التفكير النقدي : اسأل نفسك لماذا تفعل ما تفعله، وما الذي يميز عملك عن الآخرين. هذا قد يساعدك في تحديد أسلوبك الفريد. التفاعل مع المجتمعات : انضم إلى مجموعات أو منتديات يتحدث فيها المحترفون في مجالك. تبادل الأفكار والخبرات مع الآخرين يمكن أن يلهمك ويفتح أمامك آفاق جديدة. البحث عن مراجعات لعملك : لا تتردد في الحصول على ردود فعل من محترفين آخرين أو أصدقائك حول عملك. هذا سيساعدك في تحسين مهاراتك وفهم نقاط القوة والضعف لديك. بالتأكيد، كل شخص لديه طريقة معينة للتعلم والنمو، لذا ابحث عن الطرق التي تناسبك. تذكر أن التميز يتطلب وقتًا وجهدًا، لذا كن صبورًا مع نفسك وتابع السعي نحو أهدافك.
تم النشر الخميس، ٦ مارس ٢٠٢٥
هقولك حبه إجابات كده. ايه مثلا سر الصنعه مفيش صنعه ليها سر حاليا المعلومات متاحه في كل حاجه بس الإحسان هو اللي بيفرق. اتقانك للشئ هو اللي بيعاملك قيمه وتميز. زي الفرق بين المكن الألماني والصيني. الالماني بيدور ع كل التفاصيل ومش بيسترخص في اي حاجه لو هيركبها هيجيب كل واحد شاطر في جزء فيها عشان اما توصل للعميل تبقى هتعيش معاه ١٠سنين وعمل سمعه وباعها غاليه. طيب ثقافه الصين لا انا عامل حاجه تمشي معاك سنتين جايب قطع غالي ع رخيص وعارف سعري مش هغلي بس هبيع كتير. طيب ماديا ممكن هيكسبوا نفس الماديات بس سمعه السوق وكاتجوري الناس اللي انا بستهدفهم بالمنتج غير. ثانيا في حاجه مهمه في التسويق بتقولك اهتم برحله العميل بمعنى انه اقدمله كوالتي حلو واطمنه انه معاه لو اي حاجه باظت حتى لو خرج من الضمان انا صيانتي تغطيه. ثالثا مش كل اللي عارف بيعمل. فخليك دايما فاعل ممكن نكون ١٠في شغل كلنا معانا نفس الداتا معانا نفس التعليم بس مش معانا نفس التنفيذ والخطوات ونقطه قوتي غير وتنظيمي للوقت غير. يعني لو انطلب مني حاجه ادور ازاي ابقي اول منجز فيها باادق تفاصيل. ازاي. اعرف اشرح انا نفذت ده ازاي بشكل تفصيلي لان ده بيطمن وبيدعم كلامي لو بشرحه. كمان حاول تقرا كتير اوي في مجالك ايا كان ولو في بودكاست يخصك ناس متميزه فيه اسمعهم. وقبل كل ده خليك دايما مركز انه وماتوفيقي الا بالله. ربك اما بيوفق بتاخد الخطوه مضروبه في الف. استعين بربنا كتير اوي وخليك دايما شخص مساعد في البيئه بتاعتك وتقين انك كل مابتساعد ربنا بيوسعها في طريقك ويسهلك طرق من حيث لا تحتسب. وبتحفظ خطوات اي حاجه تشرحها لحد دي مبرمجه جوانا كده. ورزقك مكتوب وربنا هيزيدك طول ماانت بتسعي خليك دايما مركز انك تسعى النتايج ربنا هيبهرك بيها ♥️
تم النشر الخميس، ٦ مارس ٢٠٢٥
ايه الفرق بين المساعد والصنايعي هو كثره التجارب اللي فيها risk. بمعنى انك تتحمل المسئوليه. المساعد بيبقى دايما عنده حد يرمي عليه أي غلطه فتحسه شغال بنص ثقافه بنص وعي بنص مسئوليه . طيب ازاي ابقي صنايعي لو معايا سيوله ادرب نفسي وافتح البزنس لو صغير اوي واجرب اشيل مسئوليه طلبيه كامله لمره واحده هتلاقي مشاكل وحاجات كتير اوي بتواجهك اول مره تعدي عليك.لو شغال في حاجه تصلحها هات وجرب انت الموضوع من الألف للياء. التجارب هي اللي بتقوى ادراكك حتى لو انت عارف وشايف لكن الشغل بالايد وسرعه البديهه وفكره انك عندك مهاره انك تجيب حلول لكل مشكله بيفرق كتير اوي. الغلط بيعلم بشكل مذهل.
تم النشر الخميس، ٦ مارس ٢٠٢٥
تمام بس انا شايف انى محتاج اعرف انا مثلا هل انا مؤهل كفايه وهل ناقصنى حاجه انا مش عارفها حاسس انى محتاج ابقا شامل كل حاجه وحتى لو حد كلمنى زى مشرف او غيرووو اكون عارف ارد عليه لان الشغل اكيد مش لحام او لمحه او مقاسات وخلاص بحس ان فيه حاجات تانيه مهمه انا مش عارفها والا كان كله زى بعضه دا على حسب رأيى
تم النشر السبت، ٨ مارس ٢٠٢٥
تمام شكرا جدا والله وربنا المستعان
تم النشر السبت، ٨ مارس ٢٠٢٥
أعتقد كل ده بييجي مع الخبرة و التجربة و خاصة ان ديه صنعة مينفعش معاها كلام مكتوب او انك تسمع الكلام من شخص و خلاص و بردو انك تسمع من الاشخاص الليهم خبرة فى مجالك هيفيد جداا بس مش لازم تلاقي اجابة محددة ممكن تلاقي اجابة من استنتاج ليك بعد المعرفة
تم النشر السبت، ٨ مارس ٢٠٢٥
عجبني حماسك ما شاء الله.. شايف انك لازم تمارسها كل يوم حتى لو معندكش شغل وحاول تشغل دماغك وتبدع .. ثانيا التسويق لنفسك بيفرق جدا عن غيرك مش الشطارة بس .. زي انك تصور فيديو وترفعه وسط مجموعة تعرفهم (ومتيأسش من الحقاد) .. ثالثا وأهم حاجة الصدق مع الله زي انك تستغل شغلك وتعمل حاجات لربنا زي تصلح حاجة بايظة في المسجد ببلاش .. واخيرا لازم تعمل وقت ترفه عن نفسك عشان وقت الشغل يبقا مزاجك عالي وتعرف تجيب افكار جديدة .. بالتوفيق الله ينجحك
تم النشر الجمعة، ٧ مارس ٢٠٢٥
تمام عندك حق بس الفكرة اني مش لاقى اجابه مقنعه زى ماانا عايز عالعموم شكرا
تم النشر الخميس، ٦ مارس ٢٠٢٥
لعرض السؤال في فدني اضغط هنا