انا كان عندي قط و كنت بحبه اوي بس من فتره تعب جدا و حاولت اعالجه بس للاسف مكانش في تحسن بالعكس حاولت معاه كتير برضو مفيش تحسن و المرض اللي كان عندو كان ممكن يعدينا اخويا خده وداه شلتر بعيد وانا من ساعه م مشي وانا حاسه اني عملت حاجه غلط و زعلانه عليه جدا و ابقى قاعده عادي افتكره و اعيط مع اني حاولت كتير بس دايما مضغوطه بسببه و مش بعرف انام كويس و دايما فاكراه ومش عارفه انساه و دا ضاغطني اوي
السلام عليكم ورحمه الله وبركاته. انت شخصيه حنينه جدا جدا جدا ويعني واضح انك ارتبطتي بالقط ده ارتباط نفسي وكان في تفاصيل ليها علاقه يعني باليوم هو كان جواها. مساله ان احنا نتخلى حد تعودنا عليه سواء بقى بني ادم او حيوان وضعه خالص خليني اقول لك انه افضل حاجه تعمليها بما ان الموضوع خلاص خارج عن ايدك. ما كنتيش تقدري تعملي حاجه اكثر من كده وده الحل الافضل لي وليكي عشان يكون في حد يعني يعتني به او يقدر يقدم له ان هو محتاجه لانك خلاص تقدريش تقدمي له ان هو محتاجه فخليني اقول لك. انه افضل حاجه تعمليها كل ما تفتكريها تحسي ان انت متضايقه شوفي القطط اللي موجوده حواليكي في نفس الشارع اللي انت فيه ودائما خلي عندك روتين انت كنت بتقدمي له اكل ايه وهو بيحب ياكله نفس الاكل هاتيه وادي له القطط تكون موجوده حواليك. قدمي نفس اللي كان بيخرج من جواكي للقط اللي وحشك قوي ده قدميه القطط الثانيه وهتلاقي انك برده بتتبسطي وبتبقى الوقت اللي انت بتفتكريه فيه مش وقت ضغطك لانك في عندك حاجه عايزه تطلعيها وخلاص مش لاقياها عشان تطلعي نفس الحاجه معاه. فتقدري تعمليها برده وتطلعي اللي جواكي وانت اهم حاجه انك مطمنه عليه لو في فرصه انك تقدري تروحي الشلتر ده او المكان اللي فيه الرعايه ده حتى لو بعيد لو تقدري تقولي اي حتى ولو مره هيكون كويس تطمني عليه تشوفيه. لو ده هيفرق معاكي وهيريحك.
تم النشر الجمعة، ١٤ فبراير ٢٠٢٥
عزيزتي، من الواضح أنك كنت مرتبطة للغاية بقطتك، وفقدانها قد ترك أثرًا عميقًا في قلبك. من الطبيعي أن تشعري بالحزن والأسى بعد فقدان حيوان تحبينه، حيث يتمتع الحيوانات الأليفة بمكانة خاصة في حياتنا وتكون جزءًا من عائلتنا. إن شعورك بالذنب لتجربتك في التعامل مع حالتها أمر مفهوم، لكن يجب أن تتذكري أن محاولتك للعلاج والعناية بها كانت نابضة بالحب. أحيانًا تكون الأمراض أكثر من أن نقاومها، ولا يمكننا أن نتحكم في النتيجة. يمكنك محاولة تذكّر اللحظات الجميلة التي قضيتيها مع قطتك وتقدير تلك الذكريات، بدلًا من التركيز على الألم والفقد. من المهم أيضًا أن تتحدثي مع شخص مقرب أو صديق حول مشاعرك، فهم قد يساعدوك في التعبير عن حزنك. حاولي أن تعززي من انتباهك إلى أمور أخرى في حياتك، والبحث عن أنشطة جديدة قد تصرفي بها انتباهك. إذا استمر الشعور بالحزن والضغط، فقد ترغبين في استشارة متخصص نفسي للمساعدة في التعامل مع هذه المشاعر. تذكري أنه لا بأس في الحزن، فهو جزء طبيعي من عملية التكيف مع الفقدان. وقد يحتاج الأمر بعض الوقت، لذلك كوني صبورة مع نفسك.
تم النشر الخميس، ١٣ فبراير ٢٠٢٥
بكون مبسوط اوي لما بشوف أن في ناس قلوبها رحيمه بالحيوانات كل اللي تقدري تعمليه انك تتابعيه وتهتمي بيه من بعيد عشان ده قدره وجيبي قط تاني شبهه عشان يفكر بيه ومتنسهوش وااالامور دي دايما بتحصل مع اللي بيربو حيوانات انا مره جبت ترسه صغيره قعدت معايا اسبوع بس وماتت ومع اني عارف انها ماتت والمفروض ادفنها قلبي كان مش مطاوعني وسبتها في الميه ٣ايام قلت يمكن تصحي طبعا بضحك علي نفسي بس من الصدمه مكنتش حابب ادفنها وفي الاخر ريحتها طلعت ودفنتها ومن ساعتها مرضتش اجيب حاجه تاني اربيها مبحبش اشوف حاجه تموت قدامي
تم النشر الخميس، ١٣ فبراير ٢٠٢٥
حاسّة بيكي جدًا، وعارفة قد إيه الموضوع صعب عليكي، لأن القط كان جزء من حياتك وتعلقتِ به جدًا. بس من كلامك واضح إنك حاولتِ بكل الطرق تعالجيه وما كنتِش مقصّرة معاه، وفي الآخر أخوكي خد القرار لأنه شايف إنه الأفضل له. طبيعي جدًا تحسّي بالذنب والندم، بس لازم تفتكري إنك ما كنتِش السبب في مرضه، وإنك عملتِ اللي تقدري عليه. حاولي تاخدي وقتك في الحزن، بس ما تلوميش نفسك على حاجة خارجة عن إرادتك. ممكن تتواصلي مع أخوكي وتعرفي أخبار القط من وقت للتاني، ولو حسّيتي إن حزنك مأثر عليكي جدًا، جربي تكتبي مشاعرك أو تتكلمي مع حد قريب منكِ يفهمك. مع الوقت هتحسّي إن الألم بيخف، وذكرياتك الحلوة معاه هتفضل معاكِ دايمًا.
تم النشر الخميس، ١٣ فبراير ٢٠٢٥
لعرض السؤال في فدني اضغط هنا