السلام عليكم.
انا تقريباً انسانه مابعرفش اتعامل مع حد نهائي بترعب اني اتعامل مع حد او حتىٰ ادخل فِـ نقاش دايمًا بكون الطرف اللي بيسمع مابيتكلمش وبخاف اكلم أي حد وابص فِـ عنيه وحتى مش باعرف اتعامل مع مدرسين بخاف اقول كلام متلخبط بعيد عن ان 60٪ كان فيه مشاكل عائليه ومازالت وحاسه ان ده اللي اثر فيا اني اكون انسانه بقلق كتير وبخاف ومش عندي ثقه بنفسي 1٪ حتى خايفه افضل كده دايمًا
بتكلم مع نفسي كتير وبعيط اكتر وبترعش من الخوف ومن نفسي ومن الحياه والناس عمومًا وانا شخص حساس جداً وبعيط على اتفه الاسباب جداً وحد هادي جداً جداً ومش عارفه ابدأ ازاي وبخاف من كلام الناس جداً ومش عارفه اطور نفسي واغير نفسي وابقى بحب نفسي وعندي ثقه فِـ نفسي وبعرف اتكلم مع الناس.
فى البداية.من الواضح انك انسانه رقيقه وحساسه جدا ودى ميزة فيكى . والثقه بالنفس دى اهم حاجة لازم تكون مع كل صفاتك الجميلة دى لأنها هتساعدك جدا فى مجال عملك وتعاملاتك وحياتك عموما.لازم تقوي ثقتك بنفسك وده طبعا ممكن ياخد وقت شويه بس اهم حاجه انك تكونى قويه وتصبرى لحد ما التغيير ده يحصل. فى البداية كده لازم تكونى راضيه عن نفسك جدا وتحبيها . اكتبى كل اللى بتحسى بيه.انجازاتك.كل موقف أو عمل بتثبتى فيه نفسك . اى موقف أو عمل مكملش معاكى دى مش اخر الدنيا لازم تحاولى اكتر من مره وبطرق مختلفه. حددى هدفك ويكون قابل أنه يتحقق وتكتبى الخطة اللى هتقدرى ازاى توصلى ليها كونى صداقات جديدة ومارسى رياضه هتفرق معاكى كتير وممكن كمان تقرائى روايه أو كتب بتحبيها. حاجات كتير ممكن نعملها وتغير نمط حياتنا المهم تكونى صبوره وانتى هتلاقى اختلاف وممكن لو فى صديقه مقربه أو لايف كوتش معاكى الموضوع هيفرق كتير وافتكرى دايما أن ربنا معاكى فى كل خطواتك وبيساعدك. وانك قوية وهتقدرى 🌷
تم النشر الأحد، ٣٠ يونيو ٢٠٢٤
انا كنت كدا زيك او كتر كمان بس انتي لازم تدي نفسك فرصه الأول تفهمي وتعرفي نفسك الأول وتقربي من الناس للي حواليك اهلك قرايبك مثلا وحولي صاحبي ناس شبهك وزيك هيفرق معاكي جامدا وممكن تبدي تاخذي كورسات ده برضو هيخليكي تتعاملي مع الناس اكتر وأهم من ده كله دايما خلي علاقاتك بربنا قريبه ده هيفرق في حياتك بجد
تم النشر السبت، ٢٩ يونيو ٢٠٢٤
خلي عندك ثقه في نفسك والناس هي اللي هتبقى عايزة تكلمك مش انتي حطي في دماغك انك حلوة وتستاهلي الاحسن والحلوين محدش بيعرف يكلمهم بسهوله
تم النشر الأحد، ٣٠ يونيو ٢٠٢٤
وعليكم السلام، حبيبتي. أنا ذكية، ويسعدني أساعدك وأكون جانبك في اللحظة دي. أولاً، عايزة أقولك إن مشاعرك طبيعية جداً وأي حد ممكن يحس بنفس الاحساس ده في مرحلة معينة من حياته. المهم إنك بدأت تلاحظي المشكلة وعايزة تغيّريها. نبدأ بشوية خطوات بسيطة: فهم السبب : حاولي تتعاملي مع المشاكل العائلية بشكل موضوعي. فهم السبب ممكن يساعدك تتفهمي ليه بتحسي بالخوف وعدم الثقة. لو قدرتي، اتكلمي مع حد تثقي فيه عن مشاكل العائلة وتأثيرها عليكي. تحدي الخوف بخطوات صغيرة : مش لازم تبدأي بنقاشات كبيرة. ابدأي بحاجات صغيرة، زي محادثة بسيطة مع حد في المدرسة أو المحل. لو بدأت تتحسني في المواقف الصغيرة، دا هيزيد ثقتك بنفسك. التنفس والاسترخاء : لما تحسي بخوف أو توتر، جرّبي تقنية التنفس العميق. خدي نفس عميق وطلعي الهواء ببطء. دا بيساعد على تهدئة الأعصاب. التحدث مع النفس بشكل إيجابي : بدلاً من التركيز على الجوانب السلبية، جربي تذكير نفسك بإنجازاتك وحاجات إيجابية في حياتك. قولي لنفسك إنك قوية وقادرة على التغلب على الخوف. الاستشارة النفسية : ما فيش حاجة تخجلي منها لو قررتي تروحي لمستشارة نفسية أو مدربة حياة. هم مدربين على مساعدة الناس يتغلبوا على مشاكل مشابهة. التواصل الاجتماعي : حاولي تنضمي لأنشطة أو مجموعات في المدرسة أو المجتمع. لما تتعرفي على ناس ليهم نفس اهتماماتك، هيبقى أسهل تتكلمي وتعبّري عن نفسك. العناية بالنفس : اهتمي بصحتك الجسدية والنفسية. النوم الكفاية، التغذية السليمة، وممارسة الرياضة ممكن تساعد على تحسين حالتك النفسية. افتكري، التغيير بياخد وقت ومافيش حد بيتحول بين يوم وليلة. كوني صبورة مع نفسك وخليكي فخورة بأي تقدم حتى لو كان بسيط. أنا هنا دايماً لو احتجتي تضيفي أي استفسار أو دعم. 🌸❤️
تم النشر السبت، ٢٩ يونيو ٢٠٢٤
لعرض السؤال في فدني اضغط هنا