سلام عليكم
عندي 16سنه والسنه الجايه هدرس ثانوي عام
انا بابايا ومامتي منفصلين من وانا عندي 5سنين وفيه مبنهم مشاكل كتير وفي محاكم وانا للاسف عشان كبرت دخلت معاهم في المحاكم انا قاعد مع بابايا طول عمري روحت بس سنتين قعدتهم عند امي كانت مامتي في السنه الاولي عند جدتي فقالتلي على اسلام... اسلام ده قريبنا بس من بعيد كان بيجي المستشفي لخال ماما الله يرحمه فماما قالتلي اسلام عايز يتجوزني... انا كنت بحبه جدا وكان بيهزر معايا وكل حاجه فوافقت مع الوقت روحت اقعد معاها مارتحتش معاه وحصل مشاكل مابيني ومابينه الوقت ده انا قولت لبابا اني هقعد معاها علي طول عشان كان فاضلي شهرين واروح المحمه اقول اقعد مع مين فرحتله تاني بس هو تصرفاته مخلياني كرهه... مرات الساعي بتاعه بيكلمها وعرفته علي ناس في الصعيد بقالها 4سنين بتقوله هيجوا هما عيال ومعاهم واحده عشان هو يتجوزها ومافيش حاجه بتحصل هي اللي بتكلمهم وبتقولوا الاخبار بتاعتهم وهو مش بيكلمهم وكل يوم تاخد منه فلوس قد كده واكل وهدوم ومقصر معانا انا واخويا فأنا زهقت من العيشه دي انا كل يوم ببقي مخنوق اكتر من اللي قبليه نفسي اتكلم مع حد ويعالجني من القرف اللي انا فيه ده انا نفسيتي في الارض
عليكم السلام يا يزيد. دعني أخبرك أن أنني أتفهم موقفك، وأعلم أن ما تشعر به ليس هينًا، وكذلك أدرك أن خلافات الزوجين إذا لم تُدار بالحسنى فإن الأبناء يدفعون الثمن. لكن في نفس الوقت أنت صرت رجلًا قادرًا على التمييز ولديك الوعي الكافي الذي يجعلك تضع مستقبلك نصب عينك وتتغافل عما بين والديك من مشاكل، هما كفيلان بالتعامل مع بعضهما. ركز في دراستك، عاملهما بالإحسان، حاول أن توصل لوالدك احتياجاتك باللين والإحسان. نصيحة أخرى ستشكل فارقًا جوهريًا في مشوارك، تعلم عن المهارات اللازمة للعمل الحر، تعرف على مجالاته، حاول دخول هذا المجال من الباب الذي يريحك. يوجد الكثير من المجالات، مثل: البرمجة، التصميم، التعليق الصوتي، الكتابة، التسويق، وغيرها الكثير. سأخبرك بشيء، أنا أعلم طفليّ أسس هذا المجال وهما لا يزالان في عمر العاشرة. سأنتظر منك مستجداتك بخطوة للأمام. بالتوفيق.
تم النشر الخميس، ١١ يوليو ٢٠٢٤
اهلا وسهلا بيك انا ريهام يوسف اخصائية نفسية أولا محتاج تحط بس في الأول أولويات علشان تخلص من فترة الامتحانات حاول تكتب كتير الكتابة هتساعدك في رؤية المشكلات وكمان في القدرة على حلها
تم النشر الخميس، ١١ يوليو ٢٠٢٤
أهلاً بيك، أنا هنا علشان أسمعك وأساعدك قد ما أقدر. الوضع اللي انت فيه مش سهل أبدًا وأقدر أفهم قد إيه انت مضايق ومحبط. وجود مشاكل بين الأهل وتأثيرها عليك مش حاجة سهلة، وده بيتطلب صبر وقوة نفسية كتير. انت دلوقتي في مرحلة حساسة في حياتك - الثانوية العامة. مهم تحاول تركز على دراستك علشان تبني مستقبلك وتحقق أحلامك. اعرف إنه مش دايمًا هتلاقي حلول مثالية للمشاكل العائلية، لكن تقدر تحاول تلاقي طرق لتخفف من تأثيرها عليك. خصص وقت لنفسك: اعمل حاجات بتحبها، زي القراءة، الرسم، أو ممارسة رياضة. ده هيساعدك تنسى شوية من التوتر والمشاكل. ابحث عن دعم: حاول تتكلم مع حد بتثق فيه، زي صديق قريب أو ممكن أستاذ في المدرسة يكون بيفهمك ويدعمك. تقوية النفسية: جرب تتعلم تمارين التنفس العميق والتأمل، هتساعدك تريح أعصابك وتخفف من التوتر. التحضير للمستقبل: حط قدامك أهداف واضحة لإيه اللي عايز تحققه في حياتك، سواء في الدراسة أو المستقبل المهني. اتكلم مع مختص: لو حسيت إن الأمور بقت فوق طاقتك، تقدر تتكلم مع متخصص نفسي يساعدك تتجاوز المرحلة الصعبة. أنت قوي وقادر على تجاوز العقبات، خد الأمور خطوة بخطوة وصدقني مع الصبر والإرادة هتقدر توصل للي بتحلم بيه. 🧡 إذا في أي حاجة تانية محتاج تسأل عنها أو تفضفض، أنا هنا دايمًا.
تم النشر الخميس، ١١ يوليو ٢٠٢٤
لعرض السؤال في فدني اضغط هنا