انا والدي متوفي من 7 سنين وكل الناس متخيله انه عشان مافيش اب يبقي انه احنا حالتنا صعبه وكده مع ان الحمدلله احنا مرتاحين جدا وانا واختي في كليات قمه ووالدتنا حرفيا مش مخلبانا عاوزين حاجه بس الناس مش فاهمه بجد حاجه زي دي وانا بجد زعقت لدرجة نفسي اسيب بلدنا ظي ونروح مكان تاني الحوار مستفز بشكل غير طبيعي
يمكن الناس مش شايفه كدا يمكن قصدهم يتعاطفوا معاكي مش اكتر و الله اعلم نواياهم ايه بس دي حاجه كويسه انهم فاكرين ان حالتكوا صعبه عشان ميحصلش حسد دا احسن بكتير بدل ميقولو شوفو الست اللي بناتها كليات قمه و عيشتهم مرتاحه مع ان زوجها متوفي و يحسدوكوا مش لازم كل الناس تعرف ان حالتكوا عامله ازاي او عيشتكوا عامله ازاي خلي الحاجه دي ذيها ذي الأسرار العائليه اللي مينفعش تطلع برا عشان الحسد بقا منتشر ربنا يحميكوا منو
تم النشر الاثنين، ١ يناير ٢٠٢٤
بصى مبدأيا كده انتى واضح من كلامك انك ساكنه فى الأرياف .. والحاجات دى وارد جدا تحصل مع كل حد والده متوفى الناس بتحب تساعد من باب الإنسانية وعمل الخير باعتبار أن أنكم ايتام وخاصة لو زى مهو باين من كلامك انكم بنات مفيش اخ ليكوا . بصى متاخديش الأمر بحساسية وبلاش تهديها من باب انكم محتاجين فالناس عاوزه تساعد .لكن ممكن تاخديها من باب قول الله تعالى "وكان ابوهما صالحا .." ممكن ربنا بيرد عمل والدك الصالح على هيئة ناس دائما نفسها تساعد باى شىء . اه ممكن تكونوا مش محتاجين ودى حاجه كويسه ودايخليكى تشكرى ربنا أنه غناكوا عن سؤال الناس وفى نفس الوقت دائما محسسكوا أن موقف ليكوا ولاد الحلال وان عمل والدك باق فى الدنيا . لكن لو الموضوع دا مضايقك فهو ليه حل وان ربنا مدام مأنعم عليكوا من فضله فاظهروا للناس نعم ربنا عليكوا والناس لما تشوف يعنيها أن باين عليكوا فضل ربنا وكرمه ونعمه هتبطل تحاول تساعد بالماديات وهيقتصر المساعدة على الجانب المعنوى فقط
تم النشر الأربعاء، ٣ يناير ٢٠٢٤
بصي يمكن نظرة الناس ليكم مش كده اوي، على ما هي مثلا انكم لوحدكم مثلا .. ومع ذلك الحمد لله والدتك عامله اللي عليها. ممكن متكونش نظرة احتياج زي ما قولتي .. ولكن هقولك على حاجه تانية .. ايه رايك تسيبك من اي نظرة مهما كانت .. وتفكر في نفسك وبس. يعني طالما انتم الحمد لله مع بعض ومش محتاجين لحاجه ولا حد، ،على ما اظن ديه احسن حاجه .. واحمدي ربنا عليها. ونظرة الناس ولا هتودي ولا هتجيب .. هي مش مهمه للدرجة ديه. ف متشغليش بالك بيهم، الناس علطول بتتكلم على اي حاجه واي حد.
تم النشر الاثنين، ١ يناير ٢٠٢٤
اهتمي بنفسك ومتشغليش نفسك بالناس
تم النشر الأربعاء، ٣ يناير ٢٠٢٤
المشكله تتلخص فى انك بتهتمى بكلام الناس .....فى قصه بتحكى أن فى واحد اسمه جون ومعاه زوجته وكان معاه حصان فى صحراء فكان راكب على الحصان هو ومراته شافه حد من الناس قال بس المفتريين مش راحمين الحصان ازاى ....فنزل من على الحصان وركب مراته بس فناس قالت بص الراجل مراته سيقاه .....فنزله من على الحصان وركب هو شافه حد من الناس قالك بص ده مش راجل راكب هو ومخلى مراته تمشى. ..فنزل من على الحصان هو ومراته فشافه حد من الناس قالك بص الاغبياء شاريين حصان ومش عارفين يستخدموه فكل مره كان حزنه وزعله بيزيد عن المره الى قبليه وكان بيضايق اكتر ومش عارف يعمل ايه كلمته مراته وقالتله تعال منهتمش بالناس وكأنهم ولا حاجه وعمل الاربع اشياء إلى كان بيعملهم تانى بس الفرق أن الناس بالنسباله شويه رماد كان ساعته ولا حاجه مزاوله ولا مضايق من حاجه ولا فى حاجه مضيقاه ......هيه قصه اجنبيه ولكنى حاول اترجمه بابلدى كده يعنى 😅...المهم يعنى وربنا بردو سبحانه وتعالى قال (وَلَا يَحْزُنكَ قَوْلُهُمْ ۘ إِنَّ الْعِزَّةَ لِلَّهِ جَمِيعًا ۚ هُوَ السَّمِيعُ الْعَلِيمُ) تخيلى كانو بيتكلمو عن النبى صلى الله عليه وسلم اشرف الخلق مش عايزه الناس تتكلم عليكى.....بالمختصر ....متهتميش للناس اعتبريهم رماد ...واقرئ كتاب فن اللامبالاة حرفيا الناس ملهاش لازمه فى حياتك بعد الكتاب ده..... . . . ختاما هختمه بشعر والله لو صاحب المرء جبريلا ما سلم المرء من قال ومن قيل قد قيل فى الله اقوال مدبجه تتلى إذا رتل القران ترتيلا قيل أن له ولدآ وصاحبتن جورآ عليه وبهتانا وتضليلاا تلك مقولتهم فى الله خالقهم فكيف إذا قيل فينا بعض ما قيلا اتمنى اكون فدتك
تم النشر الاثنين، ١ يناير ٢٠٢٤
وضحي ايه المشكله..لأن اعتقد كده معندكيش مشكله..المشكله عند الناس الغير سويه مش عندك خالص
تم النشر الاثنين، ١ يناير ٢٠٢٤
لعرض السؤال في فدني اضغط هنا