عندي فتور شديد ف كل حاجة وللاسف منها العبادات .. انا بصلي ال٥ فروض بس .. لكن بغيب من حلقة القرآن بعد م كنت منتظمة فيها اكتر من ٧ سنين وبتهرب منها ! مش بقرأ قرآن قراءة حتى الا فين وفين ولا اذكار ..بطلت ادعي بعد م كنت يوميا مرتين ف اليوم ع الاقل لازم ادخل البلكونة وادعي .. بطلت استغفر بعد م كنت بستغفر بالالاف يوميا... سبت الچيم بعد م كنت بحقق انجازات ملحوظه جدا ! ... أكلى كله فاست فود وسكريااات بعد م كنت مقلله دقيق وبعمل العيش الخاص بيا وبحسب كله بالجرامات ! .. نومي ملغبط وكمان سريري بحط عليه هدوم وبنام وسطها كده وبرتب اوضتي فين وفين ومش بخرج منها الا للضروريات.. جوايا كسل وكركبة مش عادية وده بدأ من فترة وزاد جدا لما اخدت الاجازة تقريبا من شهرين كده واللى زاد اوى يعنى ف العبادات بجد مش قادرة ع حاجة الا الفروض ال٥ وبالعافية خصوصا بعد م عملت عمرة !! .. انا قولت لما اروح حالي هيتصلح وهتغير بس لسه زي م انا وكمان اسوء وحاسة ان في تسلط من الشياطين من كل جانب ! مش عارفة في ايه ومش عارفة السبب وخايفة من عدم القبول 💔 وحياتي واقفة وحاسة بهشاشة نفسية غريبة .. ايه السبب وايه العمل وايه الخطوات الاولية قبل العمل .. محدش يقولي قربي من ربنا ويجري حد يتخيل وضعي وينصحنى بناءا عليه رجاءا
عموماً طالما بتصلي فالاساس موجود فا الحمد لله. مشكلتك سببها هو قله هرمونات السعاده. لأن الي بيحفزك تتحركي وتشتغلي هي الهرمونات. فا لو الاكل طعمه وحش مش هتاكليه فالغالب حتي لو جعانه لأنه مش بيمنحك قدر السعاده الي انتِ عايزاه. ممكن دا يكون بيحصل بوعي او بدون وعي بس دا الواقع الخاص بفسيولوجيه الإنسان. انصحك بأنك تعملي نشاطات ترفع هرمونات السعاده عندك. شوفي ايه الي تقدري عليه واعمليه زي انك تتمشي مثلاً كل فتره بليل او الصبح بدري اوي. تمارسي رياضه. تقرأي كتاب او روايات لأن الكتب والروايات مُثبت علمياً انها بترفع هرمونات السعاده بسبب الاحساس بالانجاز. حاولي تكتبي فبدايات اليوم المهام الي ناويه تعمليها والي بتعمليها فالعاده وكل ما تخلصي اعملي جمب المهمه علامه صح ، دا هيديكي احساس بالانجاز. اقرأي كتاب الذكاء العاطفي هيساعدك جداً. واعرفي انك قيمتك مش فشكلك وانك تقدري تصلحي من نفسك الداخليه والخارجيه. عن طريق الرياضه والثقافه و النشاطات مع الناس. وشكراً جزيلاً.
تم النشر الخميس، ١ فبراير ٢٠٢٤
شكرا لحضرتك على المشاركة من كلامك شايفه انها دايرة دخلتها ممكن تراخي فالعبادات فالاول ادي الي فتور ادي الي ترك بعضها وكسل عن كل ماهو منجز بحياتك اليومية فتشعر بالذنب وتجلد نفسك وكهذا تلف فيها ولاتتركها الجميل ان الوازع الديني مازال جواكي وإحساس التقصير ممكن نحاول نلاقي ليه حل امتي بدأ الفتور ؟الكسل ؟ ايه حصل قبل ده ؟ ويومك الطبيعي كان ازاي ؟
تم النشر الاثنين، ٥ فبراير ٢٠٢٤
حاولى تدعى فى صلاتك على الثبات وان ربنا يقوى قلبك بالايمان وحاولى تتكلمى مع واحده صحبتك متدينة زيك وشوفى فديوهات دينية تنصحك وتريح بالك
تم النشر الجمعة، ٢ فبراير ٢٠٢٤
كل اللي بتحكيه ده عادي و بيحصل لينا كلنا دي فترة كلنا غالبا بنمر بيها فترة كلها كسل و فتور و ارهاق وتعب نفسي فاولآ متخافيش و تحسي انك لوحدك اللي كده.. اول حاجه هتعمليها انك تشتغلي علي فكرة اجبار نفسك يعني انا شايفه السرير و مكسله اعمله اقوم في نفس الدقيقه اعمله و كذلك خروجك من الاوضة قيسي علي كده كل حاجة شايفه ان صعب تعمليها صدقيني ده الحل وعن تجربه فكرة العبادات ف انك بتصلي الخمس فروض شئ مش قليل حتي لو بتعمليها بالعافية ربنا بيجازيكي علي كل مره بتغلبي سيطانط و وسوسته صلي الخمس فروض حتي لو بتقومي غظب عنك انتي ماشية صح و بكرر متخافيش صدقيني دي فترة بنمر بيها كلنا اتمني اكون افادتك و لو بقليل❤️
تم النشر الخميس، ١ فبراير ٢٠٢٤
متزعليش نفسك جاهدي نفسك يا جميله انتي جهاد النفس صعب وأرجعي تعبدي من الاول حتي لو هتعملي ده بصعوبه اعملي منبه لكل صلاه والاذكار تعلقي املك وحياتك وكل م تحبي بالله لانه هو الوحيد القادر على كل شيء
تم النشر الثلاثاء، ٦ فبراير ٢٠٢٤
انتي ايه اللي بتقوليه ده؟ هو في حد بيتصنع في العباده ولا ايه ؟ ياريت اكون فهمتك غلط بس
تم النشر الاثنين، ٥ فبراير ٢٠٢٤
يعني ايه حالة تصنع كنت عايشاها قدام الناس؟ .. والناس تقول عليا كذا وكذا ! انتى عندك مشكلة مع اللى بيأدوا العبادات وجاى ف بالك ان كلهم عندهم رياء؟
تم النشر الأحد، ٤ فبراير ٢٠٢٤
ابتدى بالاذكار وبتشغيل سورة البقره يوميا وسمعها
تم النشر السبت، ٣ فبراير ٢٠٢٤
حاضر ربنا يهديني
تم النشر الثلاثاء، ٦ فبراير ٢٠٢٤
لا انتي فهمتي صح 😅 .. الله المستعان
تم النشر الثلاثاء، ٦ فبراير ٢٠٢٤
عندي صاحبة كويسة بس كسولة جدا جدا فمحدش بيشجعني خالص
تم النشر الأحد، ٤ فبراير ٢٠٢٤
اعتقد ان فقدتي شغفك ف الحياه جايز تكوني كنتي منتظره شخص و الانتظار طول او كنتي منتظره حلم و محققتهوش كان نفسك ف شي جامد و الشئ دا اتبخر قدام عينك او جايز يكون معندكيش شغف من البدايه و تعبتي من حاله التصنع اللي كنتي عايشاها قدام الناس حبيتي تسترحي شويه جايز نفسك يقولو الناس انك بنت ملتزمه و محترمه.. الخ ولما ملقتيش اللي بتطمحيله بطلتي تعملي الحاجات دي لو لاقيا كلامي صحيح اكتبيلي ان فعلا في سبب من الاسباب اللي ذكرتها علشان اقدر اساعدك
تم النشر الجمعة، ٢ فبراير ٢٠٢٤
• هل أنتِ مُختمرة أو مُنتقبة ؟
تم النشر الجمعة، ٢ فبراير ٢٠٢٤
• ما المُشكلة التي حدثت وأدت بكِ إلى هذا التّغير ، وهل لديكِ صُحبة صالحة ، لأن الصُّحبة تُساعد كثيرًا.
تم النشر الجمعة، ٢ فبراير ٢٠٢٤
• كم عُمرك ، وهل أنت شاب أم بنت ؟
تم النشر الخميس، ١ فبراير ٢٠٢٤
لعرض السؤال في فدني اضغط هنا