طبعا انتو عارفين أن في الظروف المحيطة دي الواحد طبعا زهقان من حياته و يادوب عايش ليأكل و يشرب و مفيش ولا تعليم ولا حياة و الدنيا بايظه و طبعا عارف ان ده ابتلاء من ربنا و الحمدلله و بما أن في فلسطين احتلال من العدو الإسرائيلي فممكن في أي وقت يفتحو باب التقديم للتطوع المحاربة أنا شاب ١٧ سنة كبير عيلتي والدي متوفي و شايل ضغط البيت بكل حاجته فهل لو تطوعت و استشهدت هيبقي ده أنانية مني اني هسيب البيت ولا ده هيبقي عادي و له ثواب الجهاد في سبيل الله
عزيزي، أنا أفهم ما تشعر به، لكن الحياة دائما مليئة بالتحديات وهي قسم من مسيرتنا في الحياة وعلينا جميعا أن نواجه هذه التحديات بالشجاعة والصبر. من الجيد أنك تفكر في العمل التطوعي لمساعدة بلدك وأهلها، لكن الحياة هي أكثر من القتال فقط. هناك الكثير من الطرق التي يمكن أن تساعد فيها عائلتك ومجتمعك، يمكنك الذهاب إلى المدارس الصناعية أو العمل في وظيفة لمساعدة العائلة. أما بالنسبة لقرار التطوع المحاربة، فإنه قرار حاسم وخطير ويجب عليك التأكد من أنه الخيار الصحيح بالنسبة لك. يجب أن تفكر جيدًا في ذلك وتشاور من حولك وتستشير الخبراء والمعالجين ولا تلجأ إلى هذا القرار إلا في حالة أنك متأكد تمامًا بأنه الخيار المناسب في هذه الظروف القاسية.
تم النشر الجمعة، ٧ أبريل ٢٠٢٣
1- الجهاد الذي هو بضوابط الفقهاء يكون تحت راية أمير أي رئيس دولة مثلاً وليس الأمر عشوائي بحيث كل جماعة تطلع تقولك عندي أمير ويلا نجاهد! أو الناس تطلع عشوائي في الشوارع. 2- انت لو والدتك رفضت إنك تروح الجهاد، فوقتها تقعد معاها!. 3- انت بتترك شيء فرض عين عليك كمسلم وهو الإنفاق على والدتك قصاد فرض كفاية يحدث إن قام به البعض عنك. 4- انت بتطوع للجهاد لأنك عاوز تموت وفي نفس الوقت تكون الموتة شرعية، نسيت إن النية هي اللي ربنا بيثيبك بسببها على فعلك أو بيعذبك!. يعني اتنين في الحرب واحد بيحارب للإسلام والجهاد وواحد بيحارب وفي نيته إنه عاوز أي موتة وخلاص متقوليش إن الإتنين شهداء؟!.
تم النشر الاثنين، ١٠ أبريل ٢٠٢٣
هفكرك بحديث الرسول عليه الصلاة والسلام كلكم راع وكلكم مسؤول عن رعيته مسؤوليتك تجاهم هى رقم واحد لكن نصرة دين الاسلام والجهاد فى سبيل الحق اى كان هو صغيرا او كبيرا ...يصبح اولوية فوق كل شىء وعليك ان تعلم ان الجهاد انواع كتيرر وجهاد الظروف والمغريات والشهوات ..كله جهاد وثوابه كبير ....ده فى حالة ان باب الجهاد فى الحرب متفتحش وحققت اللى انت بتفكر فيه.
تم النشر الأحد، ٩ أبريل ٢٠٢٣
لا يعني هو مش كده خالص هو اولا انت بتتكلم في امر في علم الغيب فلسطين محتله بقالها اكتر من خمسين سنه ومفتحوش باب التطوع للقتال فده امر يعني حتى لو وارد فهو مستبعد ولكن على افتراض فتحوه ورحت تحارب هل انت ضامن انك تستشهد ؟؟ مهو في ناس بتحارب وتصاب او تبتلى باعاقه دائمة لا قدر الله او اي شي اخر غير الاستشهاد وتكمل به باقي عمرها كمان من كلامك واضح انك لو عملت كده فانت عاوز تعمل كده عشان تهرب من ضغوطات الحياة والنيه دي ربنا مطلع عليها مينفعش تكون نيتي اني احارب عشان ضغط الحياة وابقى شهيد وتذكر حديث النبي عليه السلام لما جاله صحابي عشان يجاهد وقال له انا سايب ابويا وامي بيعيطوا قال له ارجع ففيهما فجاهد استعن بالصبر والصلاة وابتلاءك ده قد تحصل به على اجر مرافقه الشهداء ان صبرت واكثر منوذذكر الله وادع بالبركة في كل شي
تم النشر السبت، ٨ أبريل ٢٠٢٣
ربنا يرزقك يارب و يوسع باب رزقك بس انت حاليا كبير عيلتك اتحمل المسئوليه اللي ربنا كلفك بيها اولا♥️
تم النشر السبت، ٨ أبريل ٢٠٢٣
لا تنشغل بباب لم يفتح بعد وانشغل بالأمانة التي حملك الله إياها واعتبر هذا جهادك في سبيل الله
تم النشر الجمعة، ٧ أبريل ٢٠٢٣
شكرا عالنصيحة
تم النشر الجمعة، ٧ أبريل ٢٠٢٣
لعرض السؤال في فدني اضغط هنا