ليه دايما بحس بتنمر من كل الناس سواء علي طريقتي او شكلي او تفكيري مع اني بحس اني دايما صح بس باخد احباط من كل الناس وبجد مش عارفه ليه
طالما شايفة انك صح خلاص .. واذا كان على الناس ف الحقيقة كده كده الواحد مش هيسلم من كلامهم .. لان الناس مش هتعرفي ترضيها ع اي حال من الاحوال. واحنا برضه مش مطلوب مننا اننا نرضيهم، طالما احنا بنحاول نعمل الحاجه الصح وراضين ربنا يبقى خلاص. اما الناس حتى لو عملتي ايه؟ برضه هيبقى فيه انتقادات .. هي ديه طبيعتهم. ف الافضل انك تهتمي بنفسك وبرضا ربنا وبس.
تم النشر الأحد، ٢٣ يوليو ٢٠٢٣
ببساطه عشان هما مرضه اللى يتنمر على شكلك دا مريض عندو نقص وبيطلعو عليكى دى مشكلتهم هما وطالما شايفه انك بتعملى حاجه صح كملى فيها وفكك ورأيهم دا محدش طلبة ولى حد عطاهم الحق يقولو وعلى فكره الفكره الغريبه دى فى معظم الأحيان اللى بتكون الفكره الناجحه لأنها بره الصندوق
تم النشر الاثنين، ٢٤ يوليو ٢٠٢٣
علشان اجاوبك و مدكيش إحساس غلط أو فكر غلط ممكن تديني مثال بسيط على موقف ما ؟ لو مش حابة مفيش مشكلة و هجاوبك باللي أعرفه و هرشحلك فيديو لشخص بيوضح الفرق بين التنمر و التعدي على الشخص و ده بسبب أى و ده بسبب أي و هقولك برضوا على حد علمي بس ده ممكن يخلي عندك إحساس بالعظمة وهيخلي عندك إحساس معادي للناس .
تم النشر الاثنين، ٢٤ يوليو ٢٠٢٣
حاولي التركيز على نفسك وعلى الأشياء الإيجابية في حياتك بدلاً من التركيز على آراء الآخرين. احرصي على محيطك واختر الأشخاص الذين يقدرونك ويحترمونك كما أنت. لا تقارني نفسك بالآخرين باستمرار، فكل شخص فريد من نوعه. تذكري أن لكل شخص نقاط القوة ونقاط الضعف. حاولي التركيز على تنمية نقاط قوتك. مارس الرياضة أو الأنشطة التي تساعد على تخفيف التوتر ورفع معنوياتك. أتمنى أن تساعدك هذه النصائح. وتذكري أن تقدير الذات يأتي من داخلنا، لا من الآخرين.
تم النشر الأحد، ٢٣ يوليو ٢٠٢٣
انتي شخصيتك حساسة و انا زيك ففهماكي بس صدقيني هما ي أما مش قصدهم يقللو منك ابدا و ده فمعظم الحالات و حتى لو قصدهم فكلام الناس ملوش لازمة و مهما عملتي مش هترضي الكل فأحسن حاجة اقتناعك بأنك صح متفكريش فأي حاجة تانية
تم النشر الأحد، ٢٣ يوليو ٢٠٢٣
حبي نفسك اكتر متهتميش للناس وكلامهم لو عوزه تعيشي مبسوطه لن الناس ناس كلو هتلقي بيتكلم عليكي بلحلو والوحش فا سبيهم يتكلمو وانتي عيشي حياتك.
تم النشر الاثنين، ٢٤ يوليو ٢٠٢٣
دا عشان ثقتك مهزوزة فنفسك كلام الناس ملهوش اى لازمة ولا بيقدم ولا بيأخر حاولى تحبى نفسك اكتر وتشتغلى عليها وممكن تعملى الحاجات اللى بتبسطك وممكن بردوا تسمعى بودكاست وفى بودكاست حلو اوى اسمه النفس اولا على برنامج سبوتفاى نزليه واسمعيه هيفيدك جدا ان شاء الله
تم النشر الأحد، ٢٣ يوليو ٢٠٢٣
لعرض السؤال في فدني اضغط هنا