السلام عليكم
انا بجد حياتي ونفسيتي مدمره ومحتاجه اتكلم معاكم وتفدوني اعمل ايه انا اتجوزت ونا عندي 18 وحصل مشاكل وفضلت مشاكل بينا وبقيت في بيت اهلي وجي خبر ان هوا اتوفي مكلمتش معاه شهر والحمد لله مخلفتش منه وعديت المرحله دي ع خير وجيت ع 20سنه
جالي شخص قولنا ده مناسب ليا وكان متجوز قبل كده وانفصلو ويوفقنا واول شهور جوزي بدأ غيره ومشاكل مع اهله وفجاه هو خيانات واقع وعلاقه مع قريبتو وكمان شات كتير مع بنات ع النت وبدأ يظهر لي الحاجات دي صدفه
والله تعبت اوي وزعلت كتير ويقول نزوه وخلاص وانا والله الحمد لله مقصرتش معاه وده برضو مش مبرر ان يعمل علاقه مع قريبتو كبيره ومتجوزه بدأ اهله يهدو الدنيا عشان كان معايا بنوته انا بحاول اختصر لكم
المهم بقا تحكمات من اهله مع إنهم عرفو غلط ابنهم معامله مش حلوه منهم ولا منه كل شويه الاقي مكالمات وشات مع كذا واحده تعبت من القرف ده قعدنا ع كده 3سنين وهو ع كده بس خلاص كشفتو واهله عرفو كل عميلو وحركاتو دي وبقيت معايا تسجيلات مع قريبته والشاتات وصور وكده
جي فجاه ليا ابن خالو كلمني وكان بيطمن عليا وكلامنا كل احترام وهو شاف المحدثه والفيس ده قديم من قبل متجوز كان في شات مع حد معايا في شغل وشافها ما صدق وعايز يعرف اهله واهلي خدت تلفون منه بالعافيه ودخلت اوضتي ومسحت كل ده وقولتو خد انا مش شبهك ولا زيك وانت ما صدقت تمسك حاجه عليا يقولي هفضحك زي مافضحتيني عرف اهله وقولتلهم والله كداب وكدبتو قدام اهله وده غصب عني لي ان فعلا مفيش حاجه بيني وبينه
فضلنا بمشاكل حاول هو مع الايام يهدي الدنيا عشان بنتنا غير ان حامل صدفه عرفت بس كان كل شويه يشك فيا مع إن هو في كل العبر دي ودي حاجه قديمه وشات بيني وبين ابن خالي عادي بس مستحملتش اعيش معاه وطلبت منه اطلق عشان تعبت وانفصلنا فعلاً بس اهلي اتفقو ان البنت تبقا معاه عشان كنت تعبانه ونفسيتي مش كويسه
بقالنا سنه وشويه منفصلين عن بعض وبنتي بتروح وتيجي بس ابني سنه ونص معايا وهياخدو هو كمان هو كويس ومش بيحوش بنتي عني وبيبعت مصاريف وكويس بس انا تعبانه اوي حاسه ان ظلمتو وان مكنش ينفع يشوف شات قديم مع حد او شات مع ابن خالي الي كل كلمه مفيهاش غلط وبجد بعد بنتي عني ده تبعني نفسي تعيش معايا ونفس الوقت مش هينفع
ماما كبيره وتعبانه وانا مش هقدر اربيهم لوحدي ونفسي ارجع ندمت ان طلبت الطلاق منه حسيت نفسي تايهه بجد بموت بس عارفين برغم كل ده انا بحبو ونفسي ارجع بس خايفه انا اسفه طولت عليكم💔
وملحوظه هو حاطت في بالو ان خنتو وانا والله ماخنتو انا بحبو
السلام عليكم ورحمه الله وبركاته طبعا مشكله انه هو عنده ازمه في قصه التواصل مع نساء دي واحده من العيوب الشديده احنا ايه هنقول بعد ما انت جربتي الانفصال وبعد ما انت عشت بعيده عن اولادك لو انت عملتي مقارنه وشوفتي انه لا انا ممكن اعيش معاه تاني واتحمل العيب ده قصاد ان انا افضل عايشه مع اولادي فده ممكن يكون قرار عادي جدا تاخديه ما فيش فيه اي مشكله انه مساله الاستمرار في الجواز رغم العيوب او الانفصال الاثنين قرارين ايا كان مين قرر ايه كل واحد قادر يحكم هو ايه اللي يقدر يستحمله فانت ما تستحمليش تفضلي بعيد عن اولادك وما تستحمليش او ما عندكيش مقدره انك تاخديهم وتربيهم انت لوحدك لكن اللي تقدري عليه انك ترجعي وتتحملي العيب بتاع زوج... الراجل ده خلاص يعني عادي جدا قولي انا عايزه ارجع لكن هتحتاجي وقتها تبقي تبعدي نفسك تماما عن انك تعرفي الحاجات اللي بتحصل دي او الامور اللي هو بيعمل فيها الغلط خلاص مش هتشغلي بالك بيها وهتبقي مركزه انك اهم حاجه بالنسبه لك انك عايشه مع اولادك وشايفه المميزات والعيوب بتتحمليها او بتحاولي انك يعني تتغافلي عنها علشان دي الحياه الافضل بالنسبه لك عادي جدا انك يكون ده قرارك وما فيش مشكله.
تم النشر الجمعة، ٢١ مارس ٢٠٢٥
وعليكم السلام ورحمة الله وبركاته، أختي العزيزة، أشعر بألمك الكبير وتعبك النفسي بسبب الظروف الصعبة التي تمرين بها. يبدو أن ما تمرين به هو تجربة قاسية بالفعل، ومن المؤلم أن تحسِّي بالظلم والخيانة من الشخص الذي كنتِ تحبينه. أولاً، من المهم أن تأخذي وقتًا لنفسك لتفكري فيما تريديه بالضبط. إن مشاعر الحب والندم تشير إلى وجود روابط عاطفية قوية، ولكن يجب أن تتساءلي عن ما هو الأفضل لك ولأطفالك في المستقبل. إن كنتِ تشعرين بالضياع، قد تكون فكرة التواصل مع مختص نفسي فكرة جيدة. فهم يستطيعون مساعدتك في تنظيم أفكارك ومشاعرك، وتقديم الدعم الحقيقي في هذه الأوقات الصعبة. حاولي أيضاً أن توازني بين مشاعر الحب التي تشعرين بها وبين الواقع الصعب الذي واجهتيه. من المهم أن تبحثي عن سبل لتحقيق الأمان النفسي والعاطفي لنفسك ولأطفالك، فلا يمكن أن تبني حياة جديدة مع شريك غير مخلص. فكري في متطلباتك الأساسية: الأمان، الاستقرار، والحب المتبادل. إذا كانت هذه الأمور ليست متواجدة في العلاقة، فربما يكون القرار الصحيح هو التواصل مع شخص قريب لك، مثل أحد أفراد الأهل أو صديقة موثوقة، واستخدمي حكمتها في مساعدتك على اتخاذ القرار المناسب لك. تذكري، أن سلامتك النفسية وصحتك هي الأولوية، فحافظي على نفسك وعلى أطفالك. أسأل الله أن يمنحك القوة والصبر لتخطي هذه الفترة الصعبة.
تم النشر الجمعة، ٢١ مارس ٢٠٢٥
لعرض السؤال في فدني اضغط هنا