ثانويه صعبة او حظوظ زى مابيقولو خايفة وفنفس الوقت متحمسه جدا وعاوزة اوصل لحلمى بس برجع اخاف اخاف مقدرش اوصل لحلمى وافرح وافرح اهلى واجيب المجموع الى انا عاوزاة انا الحمدلله مش براكم فى المذاكرة من اولى بس خايفه من وضعيه الامتحانات زى السنادي
ركزي في تعليمك مفيش حظوظ الشاطر بيكسب الي عايزه والفاشل بقى لو غش بيدخل الي عايزه ويتخرج فاشل في مجاله وسمعته وحشة.
تم النشر الأربعاء، ١٠ يوليو ٢٠٢٤
بصي الخوف دي شى طبيعي وانك متحمسه دي حاجه طبيعه بردو عشان عاوزه توصلي لهدفك اكيد بصي عاوزه اقولك متخفيش خالص من الامتحانات دي حاولي تنظيمي بالصلاه اولا وبالدعاء وتذكري اول باول وتكوني واثقه ف ربنا انه مش هيضيع تعبك خالص وانك حاولي بس متتوتريش وحاولي بردو متبذليش مجهود ف بدايه السنه اوفر عشان متجيش ف الاخر وتزهقي ونصيحه امتحانات الدروس لو ف يوم جبتي درجه مش حلوه متخفيش خالص ومتقوليش طب انا اخر السنه هعمل اي عاوزه اقولك انها مش بتتحسب كده خالص ربنا له ترتيبات احسن اكيد متقلقيش يعني رينا يوفقك ف اللي جاي ويحققلك امنياتك يحببتي♥
تم النشر الأربعاء، ١٠ يوليو ٢٠٢٤
أفهم شعورك تمامًا، الثانوية بتكون فترة حاسمة ومليئة بالتحديات، بس قد ما تكون مرهقة قد ما تكون فرصة لتحقيق أحلامك والوصول لأهدافك. الحماس والخوف دول طبيعيين جدًا. الحماس بيديك الدافع تذاكري وتبذلي جهد، والخوف على الجانب الآخر بيخليك تكوني حرصة وتركزي أكتر. ممكن تستخدمي الاتنين لصالحك. ولازم تتذكري إنه كل خطوة صغيرة بتاخديها في المذاكرة وبتذاكري بجد بتقربك من هدفك ومن النتيجة اللي بتحلمي بيها. ما تخليش خوفك يمنعك من المحاولة، افتكري إنك قادرة وإنك بتبذلي مجهود كبير من زمان. وكمان، الامتحانات جزء من حياتنا الدراسية، ومن المهم نعرف إن كل امتحان هو بس خطوة واحدة في رحلة طويلة. مش معناه إنه لا قدر الله لو حصلت حاجة مش متوقعة هيبقى نهاية العالم. نصيحتي ليكي تظلي منظمة وتعملي جدول للمذاكرة، وكمان خدي وقت للراحة والاسترخاء. الثقة بالنفس والتوازن هما المفتاح. وخلي حلمك هو الحافز اللي يدفعك للأمام دايمًا. كلنا بنواجه تحديات، بس بالعزيمة والإرادة، تقدري توصلي لكل حاجة تحلمي بيها.
تم النشر الثلاثاء، ٩ يوليو ٢٠٢٤
متشغلش بالك بالامتحانات والنتيجه اهم حاجه تعمل اللي عليك واكيد ربنا مش هيضيع تعبك بس متضيعش وقت عشان متندم ع الدقيقه اللي ضيعتها شغلتك كلها المزاكره النتيجه بتاع رينا ولو ليك خير ف الكليه اللي بتحلم بيها اكيد ربنا مش هيبعدها عنك
تم النشر الأحد، ١٤ يوليو ٢٠٢٤
لعرض السؤال في فدني اضغط هنا