هل الطيبه في الزمن دا خطأ ولا مش مع كل الناس !
ولو عاملت الناس بطريقتهم دا صح ولا؟
الطيبة هى احد الصفات بداخلنا ...ما يجعلها سيئة هو عدم دعمنا ليها بصفات اخرى....زى الحزم لما اكون طيب بس سايب الناس تستغلنى ...هنا بقت وحشة. لما اكون طيب بس قادر اوقف اى حد يستغلنى...هنا بقت مفيهاش مشكلة. ابقي طيب واسامح اللى غلطان واعتذر ...هنا حلوة ابقي طيب واروح اسامح اللى معتذرش ومش معترف بغلطة فيا وكمان اتحايل عليه نتصالح ...يبقي هنا مش حلوة. الموضوع مينفعش يبقي قانون ...اعلمل الناس بطريقتهم والا هبقي بلا شخصية ومجرد رد فعل . نبقي عندنا قواعد اه ...بس ليها حدود ...اللى يعدى الحد يلاقى رد فعل تانى.
تم النشر الثلاثاء، ٢١ فبراير ٢٠٢٣
فيه فرق ما بين الطيبة والسذاجة.. عمر ما كانت الطيبة صفة سيئة، بالعكس ديه صفة جميلة جدا.. هل تقصد لو شخص سئ وبيعاملك بطريقة سيئة هل تعامله بنفس الطريقة ولا لا؟ طيب فيه شخص مش كويس ليه تتعامل معاه اصلا؟ ولو لازم تتعامل معاه ممكن تكون المعاملة سطحية مش لازم تبقى عميقة.
تم النشر الاثنين، ٢٠ فبراير ٢٠٢٣
شكرا علي النصيحه الجميله
تم النشر الاثنين، ٢٠ فبراير ٢٠٢٣
معاملة المرء غيره بمثل ما عامله به من إساءة ـ إن كانت مما يباح ردها بالمثل ـ لا تعد ظلما إن كانت بقدر الإساءة دون بغي وزيادة، ولا يعد ظالما من انتصر من ظالمه بقدر ظلامته، قال تعالى: وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ وَلَئِنْ صَبَرْتُمْ لَهُوَ خَيْرٌ لِلصَّابِرِينَ {النحل:126}، وقال تعالى: وَجَزَاءُ سَيِّئَةٍ سَيِّئَةٌ مِثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ {الشورى:40}. -فمن سبه أحد أو شتمه فرد عليه بقدر إساءته ـ إن كانت مما يباح ردها بالمثل ـ كان قد انتصر بذلك انتصارا مباحا، ولا يعد ذلك ظلما منه للبادئ بالإساءة، وقد جاء في الحديث عن النبي ـ صلى الله عليه وسلم ـ أنه قال: المستبّان ما قالا، فعلى البادئ ما لم يعتد المظلوم. أخرجه مسلم.
تم النشر الاثنين، ٢٠ فبراير ٢٠٢٣
الشكر لله ، ربنا يريح قلبك
تم النشر الاثنين، ٢٠ فبراير ٢٠٢٣
الطيبة عمرها ما كانت غلط لا في الزمن ده او في آخر ، هي المشكلة دايما في الناس اللي معندهاش ضمير واخلاق ، ولا متعاملش الناس بنفس طريقتهم ده هيخليك تفقد هويتك وتتحول تدريجيا وتبقي شبههم ، بالعكس خليك علي طيبتك وفطرتك السليمة بس في نفس الوقت تبقب فاهم كل حاجه ميضحكش عليك ، والشخص اللي يئذيك ابعد عنه وامنع التعامل معاه
تم النشر الاثنين، ٢٠ فبراير ٢٠٢٣
لعرض السؤال في فدني اضغط هنا