انا عندي مشكله
وهي اني بعمل اي حاجه تبعدني عن هدفي يعني مثلا المفروض اخلص كورس معين اركنو ومعملش كدا واضيع وقتي في اليوتيوب ممكن اكون بتفرج علي حاجه مفيده لاكن بتكون عشوائيه والفايده بتقل ولو ال انتا هتقولي تنظيم الوقت عايزه اقول الموضوع بقاله 3 سنين 🥲😶😭
فا انا في مرحله وحشه جدا والمقروض انا لو كنت بدأت من وقتها كنت هبقا في حته تانيه
أهلاً Maha! مبسوط إني أول مشارك بإجابة على سؤالك، والأهم إني وقعت في نفس المشكلة! في أسباب كتير ممكن تندرج تحت إنك بتضيعي وقتك: مش حابة الكورس فعلاً، مش مستعدة نفسياً، شعورك إنك مجبرة تخلصي.. وغيره وغيره. هحكيلك لما كنت زيك عملت ايه، وطبعاً ممكن يناسبك واحتمال لأ، فـ خلينا نشير مع بعض: ١. أركن الكورس أو الموضوع ده لوقت تاني. ٢. أجرب طريقة تانية، يمكن مش شخصي بصري، أكون سمعي مثلاً فأسمع بودكاست عنه، أو أقرأ كتاب. ٣. لو لازم أخلص لأني محتاجه، يبقى أمشي بمبدأ "خير الأعمال أدومها وإن قل"، يعني ربع ساعة كل يوم أحسن من ساعة مرة في الأسبوع. ٤. أدور على زملاء في نفس المجال نذاكر سوا. ٥. أسأل حد Mentor مثلاً إزاي أقدر أستفيد بالكورس أو الطريقة المثلى للتعليم منه. ٦. أحدد وقت على Calendar بشكل يومي وله reminder عشان ماسقطش. ده أغلب اللي عملته واللي الحمد لله جاب نتيجة. أتمنى تكون فيهم حاجة مفيدة. وأتمنى لك كل التوفيق! 🙏🏻
تم النشر الخميس، ٨ يونيو ٢٠٢٣
عمرك فكرتي ايه الفرق بين اي حد فينا بينزل يتمرن في الجيم و بين روني كولمان ,مع احترام اختلاف الحجم طبعا ان دراع روني كان قد بني ادم كامل ........ بكل بساطة الفرق في وجهة نظر كل واحد اول واحد ال الالتزام اللي عليه شخصي في اي وقت متمرنش مش هيخسر كتير لكن روني هو حرفيا اكل عيشه معتمد علي عدات الاسكوات اللي بيجبها يعني فلوس و لقب و شهرة حياته كلها بقت في نزلة الجيم اللي اخينا الاولاني كان بينزله يوم اه و يوم لا و علي فكرة حتي ده(اخينا الاولاني) ليس عليه اي شئ لانه بالنسبة له هو محقق اللي هو عايزه , التمرين بالنسبة له مجرد متعة رغم ان نفس الدمبل متمرمط في المجاميع بين الاتنين زي م هو , لكن اللي اختلف وجهة النظر. العبرة انك قبل م تفكري في طرق تنظمي بيها وقتك او تعالجي بيها تسويف و تعملي في جداول و صرف علي كشاكيل و اقلام highlighters علي اساس تشجعنا و في الاخر احنا اللي بنحبطهم و بيتركنوا بالاسابيع .... فكري قبل كل الكلام ده الكورس اللي عايزة تاخدي او ال task اللي عايزة تنجزيها دي التزام مجبرة عليه سواء بسبب فرصة شغل او مكانة اجتماعية او غيره و لا هي فعلا في دائرة اهتمامتك و انت اختارتي تعمليها و عايزة تبقي في المكان ده لمجرد انه اختيارك لسبب موجود جواكي انت , و دي حاجة طبعا ترجعلك انك تقعدي مع نفسي و تعرفي توزني بين انت تقدري علي ايه و عايزة ايه لان 90 في المئة من الانضباط بيبقي في قيمة الحاجة اللي بتعمليها بالنسبة لك , ده ممكن وقتها انت نفسك اللي تبتدعي طرق تعالج التسويف . و متخافيش انك تجربي و تدوري في كذا حاجة و نصيحة بلاش تفكري في الوقت دلوقتي ,الوقت مش ملكك ف متفكريش في صفي نيتك و اتشغلي ب قدر ربنا ليكي خوضي في الرحلة دي و انت واثقة في انه مش هيضيعك . لان الرزق اللي في السماء ايا يكن شكله مضمون و ملهوش علاقة بالسعي ...السعي بيبقي للبركة و الثواب اللي بتاخديهم في حسابك من حاجة اختارتي انك تحوليها من شغل لموهبة تبدعي فيها. و شكرا لانك اول سؤال اجاوب عليه هنا علشان لفت نظري بصراحة ....اتمني اكون ساعدت + ربنا يوفقك في اختيارك💜
تم النشر الجمعة، ٩ يونيو ٢٠٢٣
كل اللي بيحصل ده بسبب حاجه اسمها (ريلز) على الفيسبوك و(الشورتس) على اليوتيوب ومقاطع التيك توك ومقاطع الانستجرام. ايه السبب في كل ده؟ باختصار المقاطع دي بتضيع وقت كتير من يومنا بسبب قلة وقتها ومحتواها الترفيهي الخارق للعاده فبيبقى عندنا كم كبير من الفيديوهات بنتفرج عليه يوميا من غير ما نحسب، المخ بيبقى مشتت بدرجه كبيره جدا بسبب المقاطع دي والأفكار اللي بتبقى فيها بغض النظر عن انها مفيده او غير مفيده، وجميع المشاهد اللي بنشوفها والمحتوى اللي بنشوفه في المقاطع دي كل ده بيعمل عمليه تشتيت رهيبه للمخ. اقول لك على حاجه ممكن الواحد يقعد نص ساعه نص ساعه فقط وده وقت قليل جدا يتفرج على المقاطع دي النص ساعه دي كفيله انها تضيع مننا اكتر من ساعة وساعتين تانيين. بسبب التشتيت اللي حصل فيها للمخ، المخ بيبقى مخدر مش قادر ينفذ اي مهمه تاني. الخلاصه امسحوا الفيسبوك امسحوا أي تطبيق فيه المقاطع اللي بتلحس المخ دي، على الأقل في الوقت اللي بيكون فيه هدف لازم نحققه.
تم النشر الأحد، ١١ يونيو ٢٠٢٣
حبيبتي مشكلتك إنك أتعودتي علي الملهيات وتضييع الوقت، وده خلاك تتشتتي بسرعة، وتزهقي من الحاجات ال بتتطلب منك تركيز وجهد، ومعندكيش مانع للفيديوهات والريلز لأن ده تسليه ومفيش جهد و مش بيزهق، فتكتشفي فنهاية اليوم إيه ده معملتش ال خططتله فاليوم ده وتندمي، وتزعلي من نفسك، وتقولي بكره هركز ومش هكرر ده لكن للأسف بيتكرر تاني، لحد م بتلاقي مشكلتك مع نفسك بتكبر وأتخنقتي من ده، فأنتٍ مشكلتك حاجتين الملهيات، والتسويف، التسويف من الصفات ال الشيطان بيحاولوا يوسوسلنا بيها أننا نشوف أي عمل هيفيدنا وهيصلح منا وده محتاج منك جهد إنك تتغلبي علي نفسك وتقوي عليها عشان تقدري تواصلي ال حابة تخلصيه وتتعلميه، الملهيات بقي دي أول حاجة هتتغلبي عليها بأولوياتك حددي حاجة تتعلمها كورس بقي أوي أيا كان، وفيه أكثر من أبلكيشن بيقول التطبيقات دي لحد ما تخلصي بجد فيه اكتر من تطبيقات تحديد وقت لمهامك وتقسيم الوقت عليها وبيحددلك بريك أنا شايفة إنك هيكون أحسن لو تنزليهم، نيجي بقي لل هتشوفيه أو تتعلميه نفسه لو الفيديو طويل قسميه يعني لو ساعة أسمعي ربع ساعة ووقفي الفيديو وأعملي مشروب أو هاتي تسالي وأرجعي أسمعي ربع ساعة ووقفي وروحي هزري مع ماما أو حد من أخواتك دقيقتين خمس دقايق وأرجعي أسمعي ربع، بعدين هاتي نوت مثلا وأكتبي فيها حاجة مثلا أو نامي علي السرير وأرفعي رجلك علي الحيطة، ده بيقلل التوتر بجد😂💚 لمدة خمس دقايق كده أو دقيقتين وأرجي أسمعي آخر ربع وبس كده عالنمط ده ممكن هتجيبي نتيجة، وكمان هتخلصي الساعة ف ساعة وتلت أحسن ما اليوم يعدي ومستفدتيش بخمس دقايق حتي
تم النشر الجمعة، ٩ يونيو ٢٠٢٣
تقريبا كان عندي نفس المشكله دي بس نصحت ليكي زي ما انا عملت بالظبط اول حاجه طبعا تستعيني بالله وتبدئي حاولي تقراي كتاب اداره الوقت لابراهيم الفقي كويس جدا وصغير هيقول لك ان انت تظبطي جدول اسبوعي كل اسبوع ترقبي نفسك وكده وحاولي مثلا شوفي اي هدف مثلا انت عايزه توصلي له كده وركزي على حاجه واحده بس لما تخلصيها خشي على الهدف الثاني وربنا يوفقك دائما وابدا ❤️
تم النشر الخميس، ٨ يونيو ٢٠٢٣
طيب ايه من وجهة نظرك اللي بيخليكي تبعدي عن الهدف المخطط اليه؟
تم النشر الخميس، ٨ يونيو ٢٠٢٣
إعملي وقت راحة بعد شغلك وهذا الوقت شاهدي مسلسل أو نامي أو أي حاجة عوزاها بس خليها بعد مرحلة العمل كمكافأة لنفسك فهي كالطفلة الصغيرة
تم النشر الأربعاء، ١٤ يونيو ٢٠٢٣
انا تقريبا نفس المشكلة عمال اجل ف الحاجات اللي المفروض تحصل دلوقتي لدرجة اني قربت انسى التخصص بتاعي اصلا ف حقيقي الموضوع متعب نفسيا جدا بغض النظر عن الخسائر المترتبه علية
تم النشر الخميس، ٨ يونيو ٢٠٢٣
الندم على الفرص الفائته مضيعه للفرص القادمه الى حصل حصل المهم نعمل حاجه مختلفه دلوقتى وزى ما ابو زيد قال الأستمرارسه اهم من الكمية فأبديه بحجات بسيطه وخصصيلها وقت واكتبيها فى نوت صغيره فكرى ايه الحجات المهمه الى المفروض تعمليهل ولكن الانسان بيبالغ فى تقدير امكانياته هتلاقى نفسك بتكتبى انك هتخلصى تلت محاضرات النهاردع مثلا من الكورس ودا غلط ابدأى بحجات بسيطه يعنى محاضره او نص محاضره فى اليوم عشان تضمنى فرصه اكبر للأستمرارسه ولما تبقا عاده عندك كمان تلت اسابيع مثلا هتلاقى نفسك بتزودى لوحدك ويمكن خلال اسبوع متستعجليش المهم تبدأى من دلوقتى بحجات بسيطه جدا حرفيا بس بالتوفيق🩵❤
تم النشر السبت، ١٠ يونيو ٢٠٢٣
حولي من جديد..امامك الوقت ..وعليكي تنظيم وتقسيم وقتك والالتزام ب جدول يومي خاص بيكي..كل الاعتماد عليكي وانتي صاحبه القرار لتكوني اولا تكوني
تم النشر الجمعة، ٩ يونيو ٢٠٢٣
ما تغير تفكيرك هتغيري حياتك #معلومه سريه
تم النشر الأحد، ١١ يونيو ٢٠٢٣
خليكي اتدلعي احد ما تكبري و ساعتها حاتقولي يا ريت اللي جرا ما كان
تم النشر الخميس، ٨ يونيو ٢٠٢٣
لعرض السؤال في فدني اضغط هنا