انا عملت حاجة وحاسة بالذنب انا دخلت كلمت الولد اللي معجبة بيه المهم انه كان مرتبط وبعدين انفصل عنها مش علشاني علشان هما اختلفوا على حاجات كتير انا فضلت اتكلم معاه بشأن الدراسة والدروس والحياة واتفقنا ان احنا صحاب عادي وهو بيعتبرني اخته بس بحس احيانا انه بدأ يكون عنده مشاعر ليا من طريقة كلامه بس انا لسه في تالته ثانوي وعارفه ان ده مجرد اعجاب وانا بدأت افهم ان الإعجاب ده بيروح مع الوقت انا دايما معروفه اني بنت محترمه ومش بكلم حد و اني مش بقدر اكلم حد وش لوش وخاصة لو كان ولد انا دلوقتي حاسه بالذنب الأول اني خونت ثقة اهلى وثانيا اني ممكن اكون خربت صورتي اللي مرسومه في عيون الكل نفسي اقدر امحي اللي حصل ده كله ولا كأنه حصل وفي نفس الوقت عارفه انه مستحيل انا مش عارفه اعمل اي حاسة اني عملت ذنب وبستغفر ربنا كل يوم وبطلب منه المغفرة بس مش عارفه اتخلص من الاحساس ده ومش عارفه اعمل اي
انتى جميلة وبالعكس انتى كده فى محل الثقة ...واهلك زرعوا فيكى خير وهو اللى بيشدك تانى اهوه ترجعى على الطريق السليم. ارجعى بقي بسرعه من غير تفكير....عادى اننا ندخل شارع غلط ولما نتأكد ان مش ده طريقنا نلف ونرجع وندخل الشارع الصح. مش لازم نمحى التجارب دى لانها بالعكس لما نفتكرها هنكون فخورين بنفسنا انتا قدرنا نلف ونرجع ومكملناش وكمان هيبقي صعب جداااا ندخل الشارع الغلط تانى. زى ما اجابات تانيه نصحوكى كده بالظبط. اقفلى الكلام تماما ومش لازم تحكى لحد حاجة من اللى حصل لانه حصل وخلص والاولى الشخص ميتكلمش فى غلطاته . واحساسك بالذنب هو اول طريق قبول ربنا للتوبة وربنا شايف اللى جواكى وباذن الله اجره يكون عظيم ليكى.
تم النشر الأحد، ٥ فبراير ٢٠٢٣
هوني على نفسك الحمدالله على نعمه الضمير لولاه كنا وقعنا ف بلاوي كتير ... ف طالما انتي شايفه انه غلط كلميه وقوليله انك حاسه بالذنب من كلامك معاه حتى كصاحب واعتذري منه انه تكلميه تاني واعملي بلوك واقطعي كل مجالات التواصل كده انتي بعدتي عن حاجه محسساكي بالذنب ورجعتي صورتك تاني كويسه
تم النشر السبت، ٤ فبراير ٢٠٢٣
سؤال له علاقة بموضوع اتمنى اجاباته تكون مفيدة ليكي https://fedni.net/q/46308777/حب-ثانوى
تم النشر السبت، ٤ فبراير ٢٠٢٣
الحمدلله علي نعمة النفس اللوّامة كون ان ضميرك بيأنبك ونفسك بتلومك ع الذنب فانتي بفضل الله لسة قلبك حي وربنا رايد ليكي الخير وبيحبك، أبشري وهوني علي نفسك دلوقتي لازم نتفق انه "ولا متخذات أخدان" لا يجوز اني اكلم شاب أجنبي عني الا في اضيق الحدود للضرورة يعني غير كدا ميصحش لا دينيا ولا أخلاقيا ومفيش حاجه اسمها ده زي اخويا و دي زي اختي!! الحل ايه.. اقفلي باب الفتن.. ومرة واحدة من غير مقدمات عشان متضعفيش تاني اعملي حظر،وابعدي عن اي مكان ممكن يتواجد فيه وقربي من ربنا وادعي دايما يدبر امرك واللي فيه الخير يقدره ليكي ويرضيكي بيه واعملي ليكي ورد استغفار وربنا يسعدك ويثبتك علي ما يحب ♥
تم النشر السبت، ٤ فبراير ٢٠٢٣
أنت خلاص قطعت أي صلة به؟
تم النشر السبت، ٤ فبراير ٢٠٢٣
انا مش قطعت ومش بكلمه انا بس مش برد على اي حاجة بيبعتها وبتجنب الكلام معاه
تم النشر السبت، ٤ فبراير ٢٠٢٣
لعرض السؤال في فدني اضغط هنا