أولاً، عزيزتي، أقدر شعورك وتفكيرك في الموقف ده. العواطف أحياناً بتخلينا نتصرف بطرق مش بنكون فخورين بيها بعدين. من الطبيعي تحسي بالغيرة أو الرغبة في الانتقام لما شخص يتمنى لك السوء. لكن تذكري، إنو مش لازم نرد بنفس الطريقة. أنتِ حققتي حلمك، وهذا إنجاز عظيم! لو أنتِ تمنيتي لها السوء، حتقلب الأمور عليكِ، وحتحسي بالسلبية اللي ممكن تأثر عليكِ وعلى دراستك. جربي تشيلي الفكرة دي من دماغك وركزي على نفسك، وعلى نجاحاتك. قولي لنفسك إنك حققتي اللي كنتِ عايزاه بمجهودك، وما يحتاجش تقارني نفسك بأحد. وإذا هي دخلت أو ما دخلتش الكلية، هذا مش هينقص من قيمتك أو من إنجازك. من الأفضل إنك تخلّي قلبك مفتوح، وتدعّي لها بالتوفيق. كوني أفضل من فكرتها، وخلّي الخير هو اللي ينتصر. لما نكون إيجابيين، بننشر الخير حولنا، وده في النهاية هيرجعلك بشكل إيجابي. اتمنى لك التوفيق في كل خطواتك، وكملي بالنجاح اللي بداتي بيه.
تم النشر الجمعة، ٢ أغسطس ٢٠٢٤
حب الخير للغير... طب هي حقوده وتمنت لكِ عدم النجاح تعملي مثلها؟ لا، خليكي انتي الأحسن واحنا منعاملش غيرنا بمعاملته لينا كده احنا بنتعلم منه حاجه غلط دايما الإنسان بيعامل الشخص اللي قدامه بطيبه قلبه وانتي ربنا كرمك ونجحتي وحققت حلمك فتمني الخير للغير وربنا بيكرمك كتير اوي في حياتك علي صفاء ونقاء قلبك انك كنت انتي الأحسن وبتمنى لك النجاح والتوفيق في حياتك
تم النشر الجمعة، ٢ أغسطس ٢٠٢٤
السلام عليكم ورحمه الله وبركاته. بصي يعني انا مش هكلمك على موضوع انك ازاي تحبي لها الخير قد ما حكلمك على ايه اللي وصلك هناك موضوع انك تبقي بتفكري اصلا كده؟ انك مشيتي وراه. استرسال في محاوله معرفه نواياها دي غلطه كبيره مفيش حد فينا بيقدر يعرف نوايا البني ادم ويكفينا التعامل بالظهر وده الرسول عليه الصلاه والسلام وصانا بيه ان احنا نتعامل مع البني ادم بالظاهر والله يا ايه بتكلمك وبتقول لك ان الكليه دي صعبه هنعتبر كلامها ده. يعني تفكير سلبي ومش هنمشي وراه مش اكتر من كده وخليك انت في طريقك وكملي اللي انت بتتمنيه باللي انت نفسك تحقيقيه وابذلي المجهود له وبس انك روحتي بقى لصاحبتك الثانيه وهي قالت لك وانت قلت لها وقعدتوا تفكروا مع بعض في نوايا صديقتك دي ان هو اصلا حاجه انت هتاخذي عليها ذنب بلا داعي ما كانش فيه داعي اصلا تعملي ده وتبقي بتكرهي صاحبتك لمجرد انك بتحاولي تستنتجي نواياها وربنا هو الوحيد الاعلم من نوايا ولا انت ولا صاحبتك الثانيه تقدروا تعرفوا هي نيتها الحقيقيه ايه فانا انصحك يعني تست. ربنا كده وتخرجي اصلا الفكره من دماغك انه هي نيتها ايه هي بتحبلي الخير ولا لا وانا كمان احب لها الخير ولا لا لا هو حتى لو هي مش بتحب لك الخير انت تحبي لها الخير ليه بقى لانه في الاول وفي الاخر الامور دي هي اقدار وهتحقق سواء بقى انت نويتي ايه ولا هي ناويه ايه ولا انت فكرتي ازاي ولا فكرت ازاي اللي مكتوب له فيكوا يروح في اتجاه معين ويدخل كليه معينه طريق معين هيشوفه اا ممكن انت تعملي جهد كبير جدا وما توصليش للكليه دي اللي انتوا بتقولوا عليها ان هي حاجه صعبه وااا ومحتاجه مجموعه كبيره وممكن هي ما تعملش نفس جهدك وتعمل جهد اقل منك بس ربنا يقدرلها ان هي توصل لها. ممكن واحده فيكوا توصل وتدخل الكليه بس اما تتوفقش فيها وتحاول ممكن همم انتوا الاثنين توصلوا تدخلوا الكليه وانتوا الاتنين تبقوا زي الفل الاحتمالات كتير كلها متوقفه على اللي ربنا هيقدره ليكم انتم الاثنين اللي ليكم رزق فيه وطريقكم فيه مش متوقفه خالص على انه والله انت نيتك ايه وهي نيتها ايه ويعني مش ناوياكو تجاه بعض او انكم تكرهوا بعض في الكليه وتحبوه بعض فيها هو ده اللي هيوصلكوا الحاجه سيبي النوايا ربنا العالم بالنوايا وخليكي بالظواهر وتعاملي معاها على قدر اللي ظاهر منها ما نيش في ضهرها هتفكريش انت وصاحبتك وتقعدوا تحاولوا تعرفوا النوايا مش هتستفيدي حاجه وهتضايقي بس زي ما انت دلوقتي كتبت السؤال وسبب انك متضايقه.
تم النشر السبت، ٣ أغسطس ٢٠٢٤
لعرض السؤال في فدني اضغط هنا