انا لما بتعصب او بضايق او بطلع كل دا علي ايدي او جسمي بخربش و اخليها تحمر و ممكن لدرجة تنزل دم او تحرقني و كل اللي في دماغي لما بعمل كدا محدش هيستحمل عصبيتي او ضيقي غير انا او ايدي ازاي اتخلص من المشكلة دي
فكريني ليه مش بتطلعي غضبك دا على اللي قدامك؟ هل عشان اللي قدامك مش هيستحمل؟ ولا عشان حرام؟ عشان مينفعش نجرح ونإذي اللي قدامنا تحت أي سبب ودا حرام لإنك هتإذي خلقة الله.. طب ما إنتِ كمان خلقه الله وحرام تإذي نفسك! بتطلعي غضبك على نفسك ودا هيخليكي تحسي بألم وغضب أكبر .. المره الجايه لما تحسي بالشعور دا حاولي تتحكمي في نفسك وتاخدي نفس كبير و تشتتي تفكيرك في حاجه تانية أو تستغفري ولو خلاص حاسه انك لازم تعملي حركة تطلعي غضبك فيها سقفي ايدك في بعض وحاولي تهدي وصدقيني لما توصلي لمرحله إنك بتقدري تتحكمي في غضبك و عصبيتك دا هيخليكي أحسن وهتقدري تفكري بحكمه أكبر في إنك تحلي الموقف بدل ما تتعصبي بلا هدف لازم تتوقفي نهائيا عن جرح نفسك وإقنعني نفسك إنك زي ما مينفعش تجرحي اللي قدامك جسديا إنتِ كمان مينفعش تعملي في نفسك كدا
تم النشر الأربعاء، ١٥ مايو ٢٠٢٤
اولاً استحلفك بالله اتوقفي عن الأذية لنفسك، الجرح النفسي والجسدي ليس الحل الصحيح للتعبير عن مشاعرك. بدل ما تتأذي بنفسك، جربي تطبيق تقنيات الاسترخاء مثل التنفس العميق والتأمل. وتذكري دائمًا أنك تستحقين أن تشعري بطيب النفس والهدوء. في حال استمر الانفعال العنيف، يمكنك البحث عن المساعدة من مختصين في المجال النفسي لمساعدتك على التعبير عن مشاعرك بشكل صحيح وبناء.
تم النشر الأربعاء، ١٥ مايو ٢٠٢٤
حاولي تتملكي عصبيتك ومتخليش اي حاجه تأثر عليكي
تم النشر الجمعة، ١٧ مايو ٢٠٢٤
كل ما تتعصبي اكتبي مشاكلك في ورقة بعدين قطعيها او ارميها +اذكري الله كتير لما تتعصبي و خليكي عارفة ان جسمك امانة انتي مسؤولة عنها مش لازم تأذيها و ابعدي اي ادوات حادة عنك و لو مربية ضوافرك قصيها
تم النشر الخميس، ١٦ مايو ٢٠٢٤
إيذاء الذات ممكن يكون مؤشر لضعف المهارات الشخصيه زي ( مهارات تنظيم المشاعر ) وممكن يكون عرض لاضطراب في الشخصيه ودا بيحتاج تقيم وتشخيص ومع الجلسات النفسيه والتدريب علي المهارات اللي مفتقدينها المشكله بتختفي ان شاء الله
تم النشر الأربعاء، ١٥ مايو ٢٠٢٤
لعرض السؤال في فدني اضغط هنا