السلام عليكم اختي اول اشي تعوذي بالله من الشيطان الرجيم ومن كل هاي الوساوس الي بتيجيكي ، بعدين حطي بوصلة بحياتك الي هي ارضاء خالقك ومش ارضاء الناس ، وتذكري انو كل الناس بشر وفش انسان كامل بس احنا لازم نسعى عشان ما نغلط ونتوجه لربنا. اذا حسيتي في وسوسة انك مثلا مش منيحة وطريقتك مش منيحة جاوبي نفسك بإنه " معلش بحسنها انا شخص منيح ممكن اكون احسن اه ممكن بس مش لدرجة اكره نفسي وما اتعايش معها " لما تدرسي وتعملي اي اشي بحياتك تذكري انه ربنا ودود بتعرفي شو يعني؟ ولله المثل الاعلى تخيلي اعطاكي شخص هدية وقلتيلو شكرا، راح اعطاكي كمان هدية لانك قلتيلو شكرا، هذا الشخص ودود ولله المثل الأعلى♡ يعني ما تقسي على نفسك وما تخليها تعمل شو بدها يعني خدي الوسط.. مثلا اذا كنت بمناقشة او بجلسة وحسيتي انك ضايقتي حدا بكلامك مع انه ما بين انه منتبه، ممكن تعتذري وكمان ما تلومي كتير حالك قولي "المرة الجاي بنتبه اكثر بس ربنا عارف انه مش قصدي اضايق الشخص بكلامي"... سؤالك كان شوي عام وحاولت اغطي بإجابتي كل الجوانب ♡ بالتوفيق يا رب🌼
تم النشر الأربعاء، ٢ أكتوبر ٢٠٢٤
2 تعليق
العفو❤ آمين
تم النشر الجمعة، ١١ أكتوبر ٢٠٢٤
شكرا كتير وحقيقي هحاول اعمل بنصيحتك وفقنا الله جميعا♡
تم النشر الجمعة، ١١ أكتوبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك