كنت عاوز اطور من نفسى وفعلا حددت ايه المفروض اعمله
بس مش عارف اخد الخطوه الاولى خاااااااااالص مش قادر
اليوم بيضيع منى بندم على كده بس مش قادر اعمل حاجه
حاسس انى بشاهد بس مش بايدى اتغير افيدونى رحمكم الله
ممكن تكون الخطوة الاولى اللى انت حاططها لنفسك كبيرة وتقيلة على انها تكون خطوة اولى بسطها وصغرها وخليها حاجة بسيطة وزود عليها حته حته لحد ما تنطلق والعجلة تدور باذن الله مثال : اول خطوة ( اخلص الكورس الفلانى ) بلاش دى خالص اول خطوة ( اذاكر نص ساعة فى الكورس الفلانى ...مرتين فى الاسبوع ) دى احسن واسهل
تم النشر الأربعاء، ٩ أغسطس ٢٠٢٣
ابدأ بالقران وده عن تجربه شخصيه. احفظه ما تقراهوش بس،وده بعد صلاه الفجر ولو صفحه واحده ،والله ولي التوفيق.
تم النشر الأربعاء، ٩ أغسطس ٢٠٢٣
اجبر نفسك !!! ايوة زي ما سمعت كدة اجبر نفسك لإنك عمرك ما هتاخد الخطوة الأولى ابدااااا بالذوق بالعافية انا مش هقوم غير اما اخلص و يوم ورا يوم هتلاقي نفسك بتتعود ع الشغل اللي بتعمله عشان تتطور و عقلك هيقتنع ان دة الصح و هتبقي عادة بالنسبة لك و صاحب العيال اللي بتتطور
تم النشر الأربعاء، ٩ أغسطس ٢٠٢٣
أخي الكريم، أشكرك على ثقتك ومشاركة مشاعرك معي. أولاً، لا تلوم نفسك كثيراً. التغيير وتطوير النفس أمر صعب ويتطلب الصبر والمثابرة. ثانياً، حاول أن تبدأ بخطوات صغيرة وواضحة. مثلاً إذا أردت أن تطور نفسك مهنياً، فكر في دورة تدريبية محددة تود أن تلتحق بها، أو كتاب معين تود قراءته في مجال عملك. ثالثاً، اجعل لنفسك جدولاً يومياً بسيطاً تحدد فيه الأشياء التي تريد عملها لتطوير نفسك، والتزم به قدر الإمكان. رابعاً، احرص على ممارسة الرياضة والاعتناء بصحتك، فذلك يساعد على شحذ العقل والقدرة على التركيز. خامساً، إذا واجهتك عقبات، فتوكل على الله واستعن به. وتذكر أن النجاح يأتي بعد المحاولة والفشل. أتمنى أن تجد في نصائحي بعض الفائدة. أنا متأكدة أنك قادر على تحقيق ما تصبو إليه بعزيمة وإرادة. أطيب المنى لك.
تم النشر الأربعاء، ٩ أغسطس ٢٠٢٣
حدد مجال أولًا، مجال تريد أن تطور من نفسك فيه، وفي نوت صغيرة حدد مستواك الحالي فيه والمستوى الذي تريد أن تصل إليه. ثم ابدأ في وضع خطة طويلة الأمد للوصول إلى الهدف النهائي الذي وضعته، ثم ابدأ في وضع خطة قصيرة المدى تتضمن مهام تنفذها خلال كل شهر، ثم قسم مهام الشهر على ايامه بحيث تكون الخطة الأخيرة هي فعل واحد بسيط تفعله يقودك في النهاية إلى الحلم الأخير. بمعنى آخر قم بتفتيت الحلم الكبير لأحلام صغيرة، والخطوة الضخمة لخطوات أصغر، وراعي في كل هذا أنك انسان تحتاج إلى النوم والأكل والخروج ومشاركة الأهل والأصدقاء بعض الوقت وربما العمل أو الدراسة والترفيه
تم النشر الجمعة، ١١ أغسطس ٢٠٢٣
هل شايف طيب ان الخطوة الاولى اللي انت واضعها لنفسك فعلا انت قدها ومناسبة مع قدراتك ولا لا؟ ده سؤال مهم جدا .. ولازم تعرفه وتقيمه. الشئ التاني لو كل حاجه انت واضعها فعلا متطايقة لمستواك .. يبقى لو مستني حاجه تاخدك من ايدك وتخليك مليان حماس ودافعيه .. ف عايزة اقولك متستناش كتير علشان مش هتيجي .. انت اللي لازم تروحلها الاول .. يعني ايه الكلام ده؟ يعني اجبر نفسك .. طالما فيه هدف معين انت شايفة ومخطط له اجبر نفسك عليه بالعافية .. ومع تكرار العادات الخاصة بيك كل يوم في كل الاشياء اللي انت بتعملها هتتعود والطاقة او الدافعية هتيجي مع العمل، الدافعية مش بتكون موجوده وانت قاعد كسلان، لا بتيجي مع الحركة والشغل.
تم النشر الأربعاء، ٩ أغسطس ٢٠٢٣
ما رأيك أن نكون أصدقاء و نشجع بعضنا
تم النشر الأربعاء، ٩ أغسطس ٢٠٢٣
ده شرف ليا
تم النشر الأربعاء، ٩ أغسطس ٢٠٢٣
لعرض السؤال في فدني اضغط هنا