احد معارفي عنده مشكله وهي كالآتي
١- كان يعرف بنت لمده معينه وعارف والدتها، وقطعت التواصل بينهم لفتره.
٢- ف الفترة دي عرف واحده او كان يعرفها معنديش فكره، المهم انه اتقدم وخطبها وانا حضرت الخطوبه 😊 المهم هو ف الجيش وكلمته من يومين قالي ان البنت كلمته وكلم امها وسبب انها قطعت تواصل، ان والدها عرف وعمل مشكله والبنت دي تعبت نفسيا (عشان مش هتتواصل مع صاحبي دا) وبيقول انها بتتعب جسديا جدا، حرفيا زي ما تكون ف الإنعاش، اما بتتعب نفسيا.
٣- صاحبي دا غبي واكيد مش هيعرف يمهدلها، انا اقترحت عليه يعرف امها انه خطب ومامتها هتعرف تمهدلها بس هو مش عايز يعمل كدا، تقريبا قال لأمها انه هيتقدم وخايف من المواجهه . انا حرفيا بفكر ف انها متتاذيش نفسيا وهو بيفكر ازاي يخلع من غير وجع دماغ.
السؤااااااااااال
ازاي بني آدم زي دا يعرفها انه خطب، ازاي نعرف البنت بطريقه متصدمهاش، حد فاهمني؟
عن نفسي ممكن اتجاهل مشكلته بس ضميري مش مريحني، عشان نفسية البنت دي، هي تقريبا أولى كليه يعني صغيره لسه، وابوها عميد ف الجيس، فانا اظن انها شخصيه انطوائيه ومنغلقه ودا سبب رد فعلها الاوفر.
هو مينفعش خالص انه يقولها انه هيتقدم! طيب وبعدين ؟ ما هو اصلا خاطب وذنب البنت الجديدة ايه؟ لازم يقول الحقيقة كما هي لوالدتها .. ده رأي يقول ان الاخبار اتقطعت وانه خطب، ووالدتها بقى تمهد لها الموضوع، وهي لازم تتواصل مع معالج نفسي او اخصائي. بس مينفعش خالص انه يفضل موارب الباب كده، المضوضوع هيتقعد جدا، هو مش هيحل بالطريقة ديه.
تم النشر السبت، ١٨ نوفمبر ٢٠٢٣
صاحبك ده الله يعينك عليه بجد مش تخليه يعرفها خليه يقطع علاقتوا بيها لو هوه مش بيحبها مثلا اما لو لسه بيحبها فيبقى الأفضل انو يرجعلها . اما بالنسبه لخطيبتوا فممكن انو ينفصل عنها لو مفيش مشاعر ذى الأولى ويقولها ربنا يعوض عليكى يا بنت الحلال. بصراحه المعضله صعبه ربنا يستر . لو مش هيسيب التانيه يبقى يقطع علاقتوامع الأولى ومع امها وخى الخبر يجيهممن برا والا هتتأذى البنت دى جامد لو عرفت الخبر منو وكلها أفكار لحل المشكله وربنا ييسر ان شاء الله
تم النشر الاثنين، ٢٠ نوفمبر ٢٠٢٣
بص هو صحبك غبى لأن واضح أن هى حبتو وانت بتقول ابوها عميد فا اكيد مدلعها فا قلبها مش بيستحمل الزعل على شان كده هى بتتعب وهو كده اخد زنب كسر قلبها لانو كان بيلعب بيها فى البدايه ومش حبها وهى للاسف الشديد حبتو وكسرة قلبها هتبقى صعبة وهى لسه صغيرة بس انت اعمل الصح وانصحها بدل ما تنجرح اكتر من كده
تم النشر الأحد، ١٩ نوفمبر ٢٠٢٣
متشكر لدعمك برأي، وان شاء الله ربنا يقدم الي فيه الخير
تم النشر الأحد، ١٩ نوفمبر ٢٠٢٣
ايوا ممكن تقوله يقول لوالدتها تذكرها بالله ومن قبيل هذا الكلام
تم النشر الأحد، ١٩ نوفمبر ٢٠٢٣
انا معرفهاش ومليش تواصل معاها. انا اقترحت انه يكلم والدتها، فقلت اسال هنا اسمع منكم اقتراحات
تم النشر الأحد، ١٩ نوفمبر ٢٠٢٣
ذكرها بالله وعرفها أن ربنا هيعوضها بالأحسن منه وإن هي في بلاء بسبب حب الله ليها وخليها دائما متمسكة بدينها حتي تصمد أمام عواصف الاحزان والدنيا القاسية
تم النشر الأحد، ١٩ نوفمبر ٢٠٢٣
لعرض السؤال في فدني اضغط هنا