كنت محتاج شغل انا 17 سنه و من المنيا لو حد عندوا شغل غير المصانع اللي 12ساعه ومرتبها ضعيف يقولي، حتا لو شغل اونلاين.
لو عندك مهارة معينة تقدري تحوليها لمصدر دخل. زي مثلا لو بتعرفي ترسمي حلو .. او بتعرفي تكتبي (مقالات، قصص، روايات، وغيره كتير). وممكن تمسكي إدارة صفحات السوشيال ميديا. وممكن لو عندك مهارة التسويق أو التصميم. وكمان ممكن لو شاطرة في لغة معينة ممكن تشتغلي مترجمة. وممكن كمان تكتبي ابحاث .. في ناس بتبقى طالبة حد يعملها بحث، وممكن لو صوتك حلو .. تشتغلي معلق صوتي.. وممكن فيه ناس كمان بتبقى طالبة أن حد يفرغ مجموعة صوتيات ويكتبها على ال word. ممكن لو شاطرة ف حاجه من دول وفيه منهم كتير .. تعرضي خدمتك على اي موقع من مواقع العمل الحر .. زي خمسات، مستقل ، كفيل.. ممكن كمان تشتغلي moderator وتمسكي صفحات على السوشيال ميديا. أو مواقع. مهم جدا تعملي حساب على لينكد ان وتتابعي الوظائف برده هناك. وبالتوفيق إن شاء الله. هحط ليكي لينك لقناة على اليوتيوب مهمة جدا في موضوع الشغل والتعليم الاونلاين هتفيدك إن شاء الله. https://youtube.com/@prceg لو انتي بنت فيه جروب اسمه اسألي هنا تبع المنيا نزلي بوست واسألي عن شغل وان شاء الله يكون فيه ترشيحات من الناس. https://www.facebook.com/groups/357137298041286/?ref=share&mibextid=NSMWBT وبقول لو انتي بنت علشان الجروب ده خاص بالبنات فقط. وربنا يوفقك
تم النشر الأربعاء، ٢١ يونيو ٢٠٢٣
أنت قولت إنك تعرف تشتغل على photoshop جمبا اعمل معرض لأعمالك وأظهرها على المواقع المتخصصة لده. اعمل profile على LinkedIn وارفع عليه بعض أعمالك الكويسة وابحث عن عمل أولاين من خلاله وعندك بردوا موقع وظف وبالنسبة للعمل الحر عندك خمسات ومستقل.
تم النشر الأحد، ٢٥ يونيو ٢٠٢٣
حاول تنزله علي السوشيال ميديا وتعرض شغلك وتسعره حتلاقي ناس محتاجين خدمتك ولو بياخدوا منك قيمة وشغل كويس حيجولك تاني أو يجبولك ناس تانيه
تم النشر الأربعاء، ٢١ يونيو ٢٠٢٣
بعرف استخدم ادوبي فوتوشوب بس صعب اني اتعرف وسط مليون حد.
تم النشر الأربعاء، ٢١ يونيو ٢٠٢٣
عشان تشتغل أونلاين لازم تتعلم مهارة معينة ديزاين بقا أيديت برمجة وغيره ، كل الكلام دة هو البيجيب فلوس دلوقتي صدقني لو ركزت علي مجال معين وفهمت كل حاجه عنه واتعلمت ازاي الناس بتكسب منه انت كمان حتكسب وشغلك كله حيبقا أونلاين
تم النشر الأربعاء، ٢١ يونيو ٢٠٢٣
لعرض السؤال في فدني اضغط هنا