السلام عليكم انا طالبه ف الصف الثاني الثانوي انا كنت بذاكر في أولى وكدا ومستوايا كان كويس بس انا بدأت السنه دي وانا مش عندي اي شغف حتى كمان مبقاش ليا خلق ان اذاكر وكل اما ارجع من الدروس وادخل البيت بحس ان مش طايقه نفسي مع ان ببقا ناوينها ان ارجع اذاكر بس اول ما يمسك الكتاب بحس ان مصدعه وان مش طايقه ان اذاكر حتى الواجبات بقيت بكتبها ب العافيه بس الصراحه انا مريت بمواقف صعبه فعلاا وانا بقيت وحيده يعني صحابي انخذلت منهم وعمي كان متخانق مت بابايا من سنتين وانا من وقتها وانا نفسيتي مش كويسه خالص مت ان المفروض انسا بس مش عارفه انسا خالص والله بحاول انسا بس مش عارفه مع ان اهل بابا بقينا كويسين معاهم وكدا بس انا كل اما ابقا كويسه معاهم ببعد لان هما اذوني كتير ودمروني نفسيا وبفتكر ان هما أذوني ف بقول ليه انا ارجع ليهم بس انا عايزه حل لمشاكلي دي لأنها مأثره على نفسيتي جدا مع العلم ان انا قريب من ربنا جدا وبصلي كل فروضي في وقتها بس انا بقالي اكتر من شهر مش كويسه خالص وعياط ومش طايقه ان اقعد مع حد خالص ودايما بتكلم مع أشخاص من مخيلتي بس مفيش حد اصلاا بيبقا بيتكلم معايا
فى البداية كده الخلافات والمواقف الصعبه اللى شفتيها ومريتى بيها اتسببت ليكي فى أذى نفسي كبير رغم أن الأمور صارت افضل لكن انتى نفسيا غير متقبله الأوضاع دى. حاولى انك تهونى على نفسك لأنها أرهقت من المواقف دى وتعاملي مع الوضع المحيط بيكي بهدوء أكثر ومن بعيد يعنى خدي وقتك لحد ما تهدي. مذاكرتك ومستقبلك اهم حاجه عندك علشان كده لازم يكون عندك إرادة قوية وثقة بالنفس علشان تقدرى تتغلبي على الشعور اللى جواكى. اكتبي دايما كل اللى جواكى واللى بتحس بيه هيفرق معاكى جدا حددى ايه هدفك وازاى تقدري توصليله وايه الصعوبات والتحديات اللى ممكن تقف قدامك وازاى ممكن نحلها. ابدأي تطورى من نفسك وفكرى ايه الحاجات اللى حابه تدعمي نفسك بيها حاولى تكونى صداقات جديدة ده هيفرق معاكى جدا ممكن تغيري روتين يومك وتعملي حاجات جديده ،كفئي نفسك على كل حاجه أنجزتيها الدعم النفسي مهم جدا علشان كده حاولى تتكلمى مع لايف كوتش أو حد بتثقي فيه وشاركيهم افكارك ومشاعرك لأن ده مهم جدا وهيساعدك تتخطي المرحلة دى وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ١٧ أغسطس ٢٠٢٤
ايه سبب الي خلاكي زعلانة مثلا لما حصل مڜكلة بينك وبين والدك واهله هل مثلا زعلانة عشان كان نفسك يكون اب واهله يكون كويسين ويحبوكي ويكون علي فطرتهم السليمة ان هما يحبوكي وميكونڜ سبب في اذي ليكي لو ده سبب لازم تتقبلي فكرة ان هما اشخاص موذين ومتحوليش تلاقي ليهم اي مبررات زي مثلا مايمكن مش قصدهم او اي رد فعل منك طلع في لحظة غضب زي انا كده وحشة ومادام تاذيتي منهم من حقك تحطي حدود يعني كلام يكون علي القد وتزوريهم في الاعياد والمناسبات وتركزي علي دراستك لان دي اهم خطوة في حياتك متخليش فكرة شعور بذنب ناحية اي رد فعل منك حصل اتجاه اذاهم انه ياثر علي باقي من حياتك
تم النشر الأحد، ١٨ أغسطس ٢٠٢٤
وعليكم السلام طيب بصي انا يعتبر في سنك اصغر منك بسنه بس انا جبت مجموع مش قد كدا ف تالته اعدادي بسبب ان ببايا الله يسامحوا مدنيش دروس في لقيت ان عائلتي زي خالتي وكده قالو حلو من قدامي وورايا بيقعدو المجموع قليل وفلان دي جابت اعلي منها وامي قالتلي جمله عمري ما هنساها بجد رغم اني مكنتش باخد دروس في قولت انا هبدا اولي ثانوي ازاي؟ يعني كلوا مستنيني انجح واسقط بس صليت ودعيت وربنا الحمدلله الفكره اتشالت من دماغي وقولت مستقبلي اهم انا اضمر نفسي ب كلامهم ليييه فهماني في دا معني فكك من اي حاجه انتي لازم تبقي اقوي من كدا اصل مستقبلك لو ضاع هيقولو شوفو وشوفو في انتي اثبتلهم ان انتي هتبقي حاااجه كبيره وصلي وقربي من ربنا وصلي قيام الليل وقراءه قرآن ب استمرار وركزي في دروسك وحددي هدفك لما شغفان يجي متخفيش ربنا قادر علي كل شيء بس حاولي تشيلي الفكره بمعني ال فات فات اصل هتفكري مفيييييش حاجه هتتغير غير مستقبلك ال بيضيع غير ان مفيش مذاكره وربنا معاكي احسن من مليون صاحب وعلي فكره انا معنديش صحاب برضوا ولوحدي دايما بس الحمدلله ربنا معانا دايما احسن حاجه ان مفيش صحاب عشان نركز في المذاكره ياريت المعلومه تكون وصلت ❤
تم النشر السبت، ١٧ أغسطس ٢٠٢٤
وعليكم السلام ورحمه الله وبركاته طب خلينا نقول من مشكلتين قلت بالمذاكره والمشكله بتاعه اهل باباكي انه انت بتقفي بتقفي ما بتكمليش لقدام فكملش لو اتكرر تاني انا اخاف احس بنفس الاحساس تاني طبعا دي حيله نفسيه وحيله بتحصل من العقل ولكن هي مضره جدا لانه خلينا كده نفكر فيه وانا لو فعلا فضلت واقفه مكاني بفكر نفسي بالمشاعر السيئه دي يبقى هي لو لو حصلت يبقى انا كده حميت نفسي في ان ان هي ما تحصلش وما تتكررش قدام يا سلام طب ما هي لو حصلت واتكررت قدام ده فرضا اهو طب ما هو هتيجي نفس المشاعر فانا هحسها طب انا بوجودي وسطها انا منعت نفسي ان انا برده بحسها هو انا كده بعمل ايه فهي مجرد حيله ولكن ما بتؤديش لاي نتيجه كويسه خالص انا برده كده حاسه باحساس وحش فانا ما منعتش نفسي من احساس الوحشه. ده احتمال الاحتمال الثاني انه انت تكوني واقفه في مكانك في الظرف السيء ده ومش عايزه تتقدمي لقدام لانك قررتي انه خلاص كده مفيش حاجه حلوه ثاني ممكن تحصل بعد ما الحاجه اللي انا اتعرضت فيها لموقف وحش او احداث وحشه حصلت وكاني حطيت قرار بايدي لنهايه العالم. لقدام البني ادم لما بيعمل كده بيبقى زي اللي بيحكم على نفسه بنفسه بالسجن انا دلوقتي في ظرف كان صعب فرغم ان الظرف خلص والامور اتحسنت والدنيا مشيت لقدام للاحسن الا ان انا قررت افضل واقفه في المكان اللي فيه الظرف وحش وافضل قاعده زعلانه. فانا اللي عملتها انا اللي حكمت عن نفسي بالسجن رغم انه مفيش حد جه ولا سجد ولا حاجه انا اللي عملت كده بنفسي طب ليه انا بعمل كده بنفسي جايز يكون خوف من تكرار ده قدام فانا افضل خليني هنا فاكره اللي حصل علشان انا خايفه لو مشيت لقدام انسى ان ده حصل فيتكرر ثاني فلو اتكرر ثاني.
تم النشر السبت، ١٧ أغسطس ٢٠٢٤
وعليكم السلام. أنا آسفة إنك بتمر بفترة صعبة زي دي. من الواضح إن الضغوط اللي عايشة فيها وأحداث حياتك الأليمة مأثرة عليك بشكل كبير. أول حاجة مهم إنك تعترفي بمشاعرك ومش تحاولي تكتميها. حاولي تكتبِ أو تتكلمي مع حد تثقي فيه. ممكن تكوني محتاجة وقت لنفسك، ومش عيب إنك تفكري في راحة نفسك قبل أي حاجة. بالنسبة للدراسة، حاولي تقسمي وقت المذاكرة على أجزاء صغيرة، مفيش مشكلة لو مش قادرة تذاكري لفترات طويلة. ابدئي بحاجات سهلة وطبقي أسلوب "مذاكرة لمدة 25 دقيقة واستراحة 5 دقايق" مثلاً، دا هيساعدك تعودي نفسك على المذاكرة تاني. وحاولي تخصيصي وقت لنفسك ولمشاعرك. مثلاً، مارسي رياضة خفيفة أو اقرأي كتب تحبيها، أي حاجة ترفع من روحك. وكمان، التوجه للصلاة والدعاء بيكون له تأثير كبير على النفسية. إذا كان الموضوع صعب جدًا، ممكن تفكري تتكلمي مع مختص نفسي، لأنهم أكتر قدرة على مساعدتك في التعامل مع المشاعر الثقيلة اللي عايشة فيها. حاولي تبقي هادئة مع نفسك، وصبري على البنات. كل حاجة هتتحسن إن شاء الله.
تم النشر السبت، ١٧ أغسطس ٢٠٢٤
لو علي الكتب ممكن تبعيها لحد او تسبيها للسنه الجاية فكري بجدية في الموضوع بدل ما تندمي بعدين و قولي لأهلك
تم النشر الأحد، ١٨ أغسطس ٢٠٢٤
بصي دلوقتي أنتي لازم تعرفي أن انتي مش هيبقالك ف حياتك غير مستقبلك ف فكك من أي حد حاولي تتخطي لأن إنتي كده بتدوسي على مستقبلك برجلك دراستك أهم من أي حاجه اهم من أي شخص ف حياتك اي كان هو مين
تم النشر الأحد، ١٨ أغسطس ٢٠٢٤
بصي خليكي دايما تذكاري وملكيش دعوه بكلام الناس وروحي الدروس عشان الدروس بحس إن هي بتبعدك عن الضغوطات
تم النشر الأحد، ١٨ أغسطس ٢٠٢٤
المشكله ان م هينفع ان اعمل تأجيل وانا بدأت اصلاا ف الدروس وحجزت واشتريت كتب ف هتبقا صعبه
تم النشر الأحد، ١٨ أغسطس ٢٠٢٤
نصيحة ليكي لو تقدري تأجلي السنه أجلي ، لاني جيالك من تجربة متشابهة و بسبب اني مأجلتش معرفتش اذاكر لاني كنت نفسيا مش افضل شيء ، ف افضل حال أجلي السنه و في السنه الي اتعالجي من كل مشكلة و كل حاجه بتضايقك و ارتاحي نفسيا
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا