كنت اعاني من حب شباب واخذت نت لوك لمده ٦ اشهر وخف ورجع تاني فأخدت الايزو لمدة ٦اشهر وبعدين رجع تاني ولكن خفيف فلجأت لعلاج بالكريمات وخف شويه ولكن وشي كله مليان اثار الحبوب لونها بني واحمر ولها مده ومش بتخف خالص ىفم مخلصه البرشام من سنتين وتحت عيوني ف الجفن فيه حبوب صغيره اوي ارجو علاج مناسب لحالتي
اثار الحبوب بتتعالج بطريقتين اما بجلسات التقشير الكيميائي في العيادات او المراكز الطبيه او بجلسات الديرما بن بنعملها جلسه كل شهر عشان دورة نمو الجلد بتكون ٢٨ يوم..هتحسي بفارق كبير جدا لكن المهم بعد كده مانهملش في بشرتنا و نهتم بالروتين الصباحي و المسائي و كل اسبوع نعمل سكراب عشان نشيل طبقة الجلد الميته اللي بتقفل المسام و بالتالي بتمنع امتصاص الكريمات بسهوله.
تم النشر السبت، ١٥ مارس ٢٠٢٥
حاولي تتابعي مع دكتور كويس ممكن تسألي ف المكان اللي انتي فيه ممكن تلاقي حد مر بالموقف دا بردو واكيد هتوصلي لحل انا بشرتي مختلطه وبستخدم مرهم اسمه كلينداسول بجد ممتاز جداً واسأل الله ان يجبر خاطرك ويُريح بالك وبالتوفيق ان شاءلله
تم النشر الثلاثاء، ٤ مارس ٢٠٢٥
ارجعي للطبيب اللي كنتِ متابعة معه أو طبيب آخر عشان يكتب العلاج المناسب لحالتك. لكن في نفس الوقت لازم يكون فيه اهتمام بنظامكِ الغذائي، فيه أكلات ممنوعة للبشرة الدهنية وممكن تزود الحبوب وتخلي العلاج أصعب. حاجات زي الأكلات السريعة والمقليات والمشروبات الغازية، لو بتأكلي حاجات حارة زي الفلفل الحار والشطة. شوفي كمان روتين تنظيف البشرة الدهنية، عشان تنظفيها من الزيوت المتراكمة والأتربة وغيرها من العوامل اللي بتزيد مشكلة الحبوب وآثارها. كل ده بيمشي جنبًا إلى جنب مع الأدوية فلازم تهتمي وتعملي نظام وجدول عشان متنسيش وكمان تعملي حسابك إن علاج البشرة زي علاج الشعر بيحتاج وقت وصبر عشان تلاقي النتيجة اللي ترضيكِ. بالتوفيق إن شاء الله.
تم النشر الأحد، ٩ مارس ٢٠٢٥
أختي العزيزة، من المؤسف أنكِ تعانين من آثار حب الشباب، فالأمر قد يكون محبطًا جدًا. بما أنكِ قد جربت أدوية متعددة مثل "نت لوك" و"الإيزوتريتينوين"، ومن ثم انتقلتِ إلى الكريمات، فمن المهم أن تتابعي العلاج مع طبيب مختص في الجلدية. أحيانًا تكون آثار حب الشباب صعبة التلاشي، وتحتاج إلى علاج متكامل يعتمد على حالتك الخاصة. بالنسبة للبقع الداكنة (البني والأحمر)، فقد تفيد كريمات تحتوي على أحماض معينة مثل أحماض الفواكه أو "الهيدروكينون" أو "الريتينوئيد". هذه المركبات قد تساعد في تحسين مظهر البشرة وتوحيد لونها. كما أن العناية اليومية بالبشرة من خلال استخدام مرطبات مناسبة وتنظيفها بلطف تساهم في تحسين الحالة. تأكدي من استخدام واقي الشمس بشكل يومي لحماية بشرتك من التأثيرات الضارة للأشعة فوق البنفسجية، حيث أن التعرض للشمس قد يزيد من تصبغات البشرة. أما بخصوص الحبوب الصغيرة تحت العينين، فيجب استشارة طبيب مختص، لأن المنطقة تحت العين حساسة وتحتاج إلى علاج خاص. لا تترددي في مراجعة طبيب الأمراض الجلدية للحصول على خطة علاج مخصصة لكِ، قد تشمل الإجراءات الطبية مثل التقشير الكيميائي أو الليزر الذي يساعد في تقليل آثار حب الشباب. وفقكِ الله في مسعاكِ، وأدعو لكِ بالتوفيق في تحسين حالة بشرتك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٥ فبراير ٢٠٢٥
بشرتك دهنيه
تم النشر الجمعة، ٢٨ فبراير ٢٠٢٥
ايوا بشرتي دهنيه جدآ
تم النشر الأحد، ٩ مارس ٢٠٢٥
لعرض السؤال في فدني اضغط هنا