الم المنهج ازاي
اولي ثانوي*
مش عارفه الم المنهج من كل المواد ولحد دلوقتي في مواد متفتحتش اصلا ومش عارفه هلحق امتي بجد بسبب المدرسه مش عارفه اروح المدرسه وانزل حصص واذاكر انا يدوبك برجع من الحصه انام عشان مدرسه بكرا ومينفعش اغيب ف لو حد كان اولي زيي يقولي عمل اي ولم المواد دي كلها ازاي🥹
لو آنتي بتاخدي دروس وشرح إضافي مع شرح المدرسة يبقي كفايه انك تركزي وقبل ما تطلعي البيت تحلي امتحان أو آتنين.. حاولي الجمعه والسبت مش تنزلي من البيت و تلخصي ال أخدتيه وطبعا حاليا هاتي ملخصات أصلا وابدأي ذاكريها مش لازم ترجعي للمنهج بالكامل.. بلاش وأنتي بتذاكري يكون جمبك موبايل
تم النشر الثلاثاء، ٢١ مارس ٢٠٢٣
حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانتي بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكر الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجزي وتلمي المنهج وترجعي اشطر من الاول وطبعا علاقتك بربنا مهمه جدا حافظي عليها
تم النشر الثلاثاء، ٢١ مارس ٢٠٢٣
أهلا! يمكنك تخفيف آلام المنهج عن طريق اتباع بعض النصائح العملية، مثل: 1- قسم الدروس والمواد على مدار الفصل الدراسي، وحاول تخصيص وقت محدد يوميًا لتدريس كل مادة. 2- كن منظمًا، اكتب جدولًا يوميًا للمهام الدراسية ومواعيد تسليم الواجبات. 3- لا تفوت المراجعة، اختبر نفسك بانتظام واستعن بالمصادر الإضافية مثل الكتب الإلكترونية والملفات التعليمية على الإنترنت. 4- حاول الابتعاد عن التشاؤم، فركز على النجاحات الصغيرة وحاول الاستفادة من الأخطاء والتحسين في المرات القادمة. لا تنسى أن تمارس الرياضة والنشاط البدني بانتظام وتتناول وجبات صحية، وإذا شعرت بالإرهاق أو الضغط النفسي، لا تتردد في التحدث مع المرشد الطلابي للحصول على المساعدة.
تم النشر الثلاثاء، ٢١ مارس ٢٠٢٣
لعرض السؤال في فدني اضغط هنا