من فتره اعجبت بواحد ولقيته هو كمان معجب بيا ف اديتله فرصه اتعرف عليه لقيته حنين وطيب وجميل ومشوفتش منه اي حاجه وحشه ارتبطنا بعد م عرفنا بعض ب اسبوعين بالظبط ف ملحقتش اعرفه هو شخصيا بعد م عرفنا بعض بشويه ادركت انه مش شبههي تماما ف حجات كتير ف مثلا طريقه تفكيره وانه متربي ف بيئه غير بيئتي ف اهله عندهم عادات وتقاليد غيرنا وهو نفسه تفكيره غير تفكيري وطريقه كلامه كمان بمعني انه قالي انه عايز يخلف قرطه عيال عشان يبقو عزوه ليه وعايزني اقعد ف اللبيت اربيله فريق الكوره ده والبسبه الجلبيه واخبزله فطير وادلكله رجله بعد م يرجع م الشغل وانا واحده بنت ناس متربيناش ع الحجات دي خالص اتربينا ع اننا نتخرج ونشتغل وساعتهت نبقي نتجوز ونشوف حياتنا ونخلف اقصي عدد ٣مثلا فبعدت عنه رغم انه مفيهوش اي عيب خالص غير موضوع انه مش شبههي ده فهل انا كده سطحيه
مش الفكره بس كل واحد عندو اسلوب وتفكير معين طلما هو مش مناسب ببساطة جدا بلاش تكملي وربنا يرزقك بالاحسن
تم النشر السبت، ٣٠ مارس ٢٠٢٤
صلي صلاة استخاره قبل ما تخلي الي النوم اما عاداته وتقاليده طالما لاتغضب الله فلا بأس وممكن انت تعديل من الملك السلوكيات طالما انه يحبك
تم النشر السبت، ٣٠ مارس ٢٠٢٤
مش سطحية طبعا انتى فكرتى صح تسيبو بعض دلوقتى احسن مارسيلو بعض قدام انتى بتختارى شخص هاتعيشى معا طول عمرك لازم تكونى فى توافق فى كل حاجة فكريا اجتماعية سلوكيا وبذات اهلو انتى مش هاترتبطى بشخص انتى هاتربطى بالعيلة لازم يكون فى تفاهم وتلاقي إلى انتى كنتى متربية على غير كدة هايكون الموضوع صعب عليكى ومش هاتعرفى تتأقلمى
تم النشر السبت، ٣٠ مارس ٢٠٢٤
أنت مش سطحية .. أنت للأسف ضحية! ضحية للي فهموكي أن عمل المرأة هو هدف في حد ذاته وأنها لو ماشتغلتش زي الرجل تبقى ماحققتش ذاتها .. العمل بالنسبة للمرأة ليس غاية في حد ذاتها أو ضحية للي فهموكي أن خدمة الزوج وحسن التبعل له يقل من قيمة المرأة! طاعة المرأة المرأة لزوجها هي طاعة لربها في المقام الأول! وعموما .. الاختلافات الفكرية إذا شعرت أنها ستجعل بينكم فجوة كبيرة في التفكير والنظر للأمور فيمكنك أن تعيدي النظر في موضوع الارتباط بهذا الشخص وطبعا الطريقة اللي ارتبطتي بيه (من غير ما يدخل البيت من بابه) تدل على أنكم الاثنين محتاجين تتعلموا حدود ربنا اللي شرعها في العلاقة بين الذكر والأنثى
تم النشر السبت، ٣٠ مارس ٢٠٢٤
طبعاً مش سطحية، ده زواج مش نازلة في ديت مع واحد و يا عجبك يا معجبكيش، الموضوع في إنك هتكملي حياتك مع الشخص ده بطباعه ب أهله و طباعهم ف لازم تختاري صح طبعاً و الموضوع يبقى محسوب مش اللي هو أنا بحبه ف هتجوزه و خلاص و أنا راضية، علشان متوصليش لمرحلة من الاتنين و هم لو قدر الله الطلاق أو الصبر على اللي انتي فيه لحين ظهور أحداث جديدة و الاتنين هيأدوا لطريق واحد و هو الندم، ربنا يكتبلك الخير أينما كان
تم النشر السبت، ٣٠ مارس ٢٠٢٤
مش سطحيه ولا غلط ب العكس صح انك تختاري شخص تعرفي تكملي معاه حياتك وانتي راضيه عنها ومبسوطه بس الي مش صح انك تشوفي عشان انتي تفكيرك ب الشكل ده يبقا انتي بنت ناس ومتربيه، انتي بنت ناس ومتربيه وكل حاجه، وهوا برده تفكيره مفهوش حاجه عيب ولا غلط دي اختلاف ثقافات
تم النشر السبت، ٣٠ مارس ٢٠٢٤
انتي مش غلطانه خالص في الي عملتيه ده انتي لو كنتي فضلتي معاه وانتي من الاول شايفه انو هيتحكم فيكي و عايزك كده وانك تكوني في البيت دايما محبوسه ل نفسه و عياله و راحته وبس كنتي هتحزني من جزاكي ده غير لو شفتي حد معاكي من الكلية مره بتشتغل و عايشه حياتها و كل حاجه و لابسه و فرحانه وانتي مش عاجبك حالك و لابسه لبس عمرك ما اتعودتي عليه. ولا حياه كانت شكل حياتك ده الصح الي عملتيه و انك متعلقتيش اكتر بيه
تم النشر السبت، ٣٠ مارس ٢٠٢٤
مش سطحيه كل واحد بيدور على حد شبه هيقدر يستحمل طباعه ولو الحجات دي مش هتقدرى تستحمليها فالاحسن انك تسببه
تم النشر السبت، ٣٠ مارس ٢٠٢٤
دا مش غلط تماما انت صح طالما شايفه انك هتتذلي بالطريقة دي ف أنت كدا تمام بس متنسيش انه اتربى في بيئة غير بيئتك ..طالما انت مش متقبله تربية البيئة دي ف خلاص ابعدي ..بس انت مش غلطانه فاهمه ازاي؟!
تم النشر السبت، ٣٠ مارس ٢٠٢٤
لا كده انتي مش غلطانه كل واحده فينا ليها كينها وشخصيتها وحيتها ولازم لما تجي تخدو واحد مش اقولك بكون شبهك بس يكون فاهمك عارف يرضيكي وعارف ان مفيش فرق بين رجل وست
تم النشر السبت، ٣٠ مارس ٢٠٢٤
وهل صح انك تعجبي بواحد ةتصاحبيه من ورا أهلك وهل صح انك متغضيش بصرك وسايلة نفسك لأي حد يعجب بيك دي بردو حاجات محتاجة ترجعي لربنا فيها
تم النشر الأربعاء، ٣ أبريل ٢٠٢٤
لازم تكافئ والا هتطلقي
تم النشر الاثنين، ١ أبريل ٢٠٢٤
لعرض السؤال في فدني اضغط هنا